·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[أأأميرة الورد]

الله يرزقكم يااارب في هذا اليووم



يوم الجمعه ان شالله تقبل الدعوات






والله يرزق كل وحده باللي تتمنى

 

[جولينار]

مساء الشووق


كيفكم صبايا


وحشتوني فرداّ فرداّ


احنا بالسعودية صفحة المنتدى محجوبة ماادري شالمشكلة ؟؟؟؟

والحين داخلة من اوبرا وزين ضبط




بالنسبة لأخبااري


هالفترة فترة تبويض بس نفسي مسدودة ولا ابغى اعشم نفسي

خلاص حجزت موعد ع الدورة الجاية

امس كان اليوم 13 وحسيت بافرازات شفافة مع الم بسيط

بس قلت لزوجي بروح لأمي جد مالي خلق اتعشم



والله يكتب لي ولكم كل خير قبل رمضان

 

[سيكولوجية]

ولكم جولينار
فقدناج

حبيبتي خلي املج بالله كبير
ابذلي الاسباب وعلى الله الرزق

وربي يرزقنا اجمعين يارب

 

[جولينار]

يسلمو حبيبتي


ماتفقدين غالي


سوس <<< دلعك الجديد

عارفه سوس لابد من الركود


وان شاء الله مراجعتي الاخيرة تكون كلها خير وفرج

 

[ووطن النهار]

الله يوفقج جولينار
انا خايفه اراجع واحس بالام ع جنبي اليسار

 

[جولينار]

وطن لا تخافين من المراجعة بالعكس توكلي على الله


والله يرزقنا قريب

 

[سيكولوجية]

خوش دلع لوول

الله يرزقنا كلنا يارب

وطن لاتخافين بالعكس روحي عشان ترتاحين


انا لي اليوم 5 ايام من التأحير
والله كريم يارب الله يكتب لي الحمل قبل لا اسوي تلقيح

 

["*آآآنؤؤؤقهـ*"]

صباااااااااح الخيييير

اشلووونكم وحشتوني

وفديت من سأل عني وفقدني



انا ولله الحمد رحت عمرره

والمدينه المنووره ...


ودعيت لكم الله يرزقكم بالحمل القريب ويفرح قلوووبكم



طمنوني عنكم



اللي متأخره عليها الدوره يارب حمال

واللي نزلت عليها معووووضه قريييب

 

["*آآآنؤؤؤقهـ*"]

وكلش احاااااول ادخل المنتدى ماكو

مجوب حاجبينه السعوديه مادري ليش

استغربت ..


الحين قريت رد جوجوو حتى اهيا محجوب عندهاا


مو بس معاي ....

 

[ضحكتي ماركة ]

صباحكم سكرررر

اشتقت لكم كلكم بس كان عندي ظروف خايسه

وحللت بعد ماتاخرت الدورة 17 يوم ماكو حمل والحين مانزلت وصارلها متاخره 22 يوم ومالي نفس احلل

واكلت حبوب بريمواوت من كيفي عشان انزل الدوره لان مريت بظروف ما اتمناها لعدوي

تكفوون ادعولي الله يفرج همي وايد تعبانه حيل من كل صووب

صووب دورتي اللي مانزلت وقهرتني وصوووب مشاكلي مع اخواني ضد زوجي

احترت هذول اخواني وهذا زوجي وبصراحه الغلط عالاخواني وزوجي ما غلط بحق احد

محتارة حيييل وانا كل واحد يقولي انا اخوج وهذاك انا زوجج شسووووي

 

[ووطن النهار]

الله يعينج ضحكتي يارب بنات يرزقني واياكم وربي ماودي اروح مناسبات الكل يسال والكل حوامل يارب يرزقني خايفه حيل

 

[ماتغير شي]

انوووقه تقبل الله منج وان شاءالله تردين بالسلآمه

سيكولوجيه ان شاءالله حامل


وطن النهار ليـــش خايفه عادي راجعي استغلي الوقت جم صارلج متزوجه ؟؟

 

[ماتغير شي]

ضحكتي ماركه الله يعينج حاولي تصلحين الامور بينهم وان شاءالله تحملين قرييييب وعسى الله ييسر آمورج ويرزقج عاجلا غير اجلآ



بنات وين ميمآ السعوديه جد فاقدينها عسا المانع خيـــر

 

[سيكولوجية]

ولكم باك انوقه اشتقنالج
وربي يتقبل منج يارب ويرزقج

ضحكتي ماركه
الله يكون بعونكم كثر ماتقدرين حاولي تصلحين الامور
هذا زوجج وهذو ل اخوانج مالج غنى عن احد
ادعي سجدي ل ربج وادعي
وكلمي كل واحد على صوب وتالي جمعيهم ويارب تنحل الامور


الله يرزقنا كلنا يارب الذريه الصالحه عاجلا غير اجلا

 

[أأأميرة الورد]

تقبل طااعتج انوووقه



ضحكتي ماركه الله يكون بعوونج




موقف صعب بس حاولي تهدين الاموور بينكم




والاخوان مرات يكونون متحجرين شوووي بالنسبه




لزوج الاخت مايتقبلون منه مراات






البعض طبعا مو الكل






الله يسهل عليج ويفرج همج

 

[جولينار]

سوس

ان شاء الله حامل يارب



انوقة


تقبل الله طاعتك ودعااااااااااااائك



ضحكتي

الله يعينك

عندك حلين

يا توقفين محايدة ؟؟؟؟؟


يا تشوفين احكم واحد من اخوانك وتقنعينة بالحق والصح


الله يفرجها عليك وان شاء الله بعد تكونين حامل

 

[سيكولوجية]

اليوم لها 6 ايام تأخير

بصراحه مو متشجعه احلل ولا حاطين ابالنا انا وزوجي اني حامل

لان دايما يصير جذي تتأخر وماكو حمل

والمشكله الاكبر ماتنزل الا لمن احلل !!

اخر مرتين تأخرت

مره رحت حللت وطلع سلبي رديت البيت وله تنزل !

واخر مره قبل شهر حللت وقالولي نتصل عليج ما مداني رديت الا نازله قبل لايتصلون بعد

ف مالي خل احباطات لول

ودي اخذ اي شيء ينزلها وافتك لان قاعد يعورني اخر ظهري من تحت

 

[ووطن النهار]

سوس يمكن من كثر التفكير حمل كاذب لانج تفكرين تتاخر هدي اعصابج بنات ماودي اشوف احد كلهم يسالون وربي تعبت

 

[Katkoota85]

انا عمري ٢٧ وست شهور .، صارلي سنه ونص علاج اخر شي اكتشفوا عندي بطانة الرحم المهاجره سويت حقن مجهري وما نجح والحين باخذ ابر توقف الدوره ٣ شهور عشان تنشف هالخلايا والله يرزقني وكل محرومه يارب

 

["*آآآنؤؤؤقهـ*"]

ماتغير شي
سيكولوجيه
اميرة الورد
جولينار

منا ومنكم صالح الاعمال جزااكم الله خييييير