·.¸.•°° ديــــــــوانيه متفاوءله بلحمل. ركن المتفاؤءلات ~الجزء الثاني~ ... ·.¸¸.•°°·.

[أأأميرة الورد]

عبره ان شالله هالمركز يكوووون خير عليج


والله يرزقج بالذرية الصااالحة


ويرزق باااقي البنات

 

[ماتغير شي]

جوليناار :: احس انج تعطيني امل انا عادي اصبر لو عشر سنين بس اللي حوالي تعبوني يضغطون علي عبالهم الحمل بيدي وزوجي اولهم الله يعين

 

[مآيكبرني نك]

بنآت ولآ وحده منكم آجهضت قبل ؟

طيب بليز

اللي آجهضت لو مآعليهآ آمر ترجع لسؤآلي ,

!

 

[جولينار]

ماتغير صح المؤثرات الخارجية تهد الحيل

بس لازم نقوي قلوبنا أكثر ربي اللي أراد خلاص هذا أقوى رد


النفسية لازم تكون توب توب

مايكبرني

ان شاء الله البنات يفيدونك

 

[shayto0oNa]

مايكبرني انا اجهضت بالشهر الثالث بس ماسويت تنظيفات واستمر النزيف ١٠ ايام بس خفيف

ولما راجعت بعد ال١٠ ايام حمدالله رحمي نظيف الدكتوره مو مصدقه اني ماسويت تنظيفات

شربت القشعه وتنفست نفس الولاده

 

[shayto0oNa]

عبره حمدالله اهم شي الراحه النفسيه وعسى وجهه خير عليج يارب


جوجو معوضه ياقلبي انتي شمعة القرووووب بتفائلج

 

[جولينار]

شيطونة حياتي انتي


الله يزيدني ويزيدكم تفاؤل وأمل

 

[عبره]

.
.
وووووووووووووووووسويت اشعة الصبغة
يارب لك الحمد .. سهلها ربي كنت متوتره كثير
لأن قررت بيوم وليله وكذا
بس الحمدلله ي رب ..
.
.
المها محتمل مرره زي الم الدورة القوي
صح يوجع بس شغله ثوووواني ويروح
باذن الله بكتب تجربتي بالتفصيل علشان اللي يبي يعرف معلومات ..
.
.
اهم شي النتيجه الحمدلله الانابيب مفتوحه
الحمدلله ي رب ..
.
.
مايكبرني نك
انا اجهضت حبيبتي وماسويت تنظيفات
استمر الدم شهر كامل
رغم اني اجهضت بشهرين وبكيس بدون جنين
ولما سويت سونار كنت نظيفه الحمدلله
نزول الدم يختلف من جسم لجسم
فيه ناس يستمر معهم زي ايام الدورة وناس لا ..
.
.
الله يعوضنا جميع
ومشكووورين على دعوااااتكم ربي مايحرمني منكم

 

[جولينار]

عبرة من شهر ٩ مقررة دكتورتي اسوي صبغة

وانحشت من يومها ههههههه

ليتني معاك واتشجع ونسويها سوا


يالله الله يغنيني عنها



بس جد ماشاء الله انتي قدعة وبنت قدع

 

[&هند&]

صباااااح التفائل والامل

عبوووره ان شاء الله تحملين بعد اشعة الصبغه نفس زيون حملت بعد اشعة الصبغه وعفيه عليج خليج مكمله واستخيري بكل شي وربي يرزقج ولا يضيع تعبج

جولينار خليج شجاعه وسويها وراجعي عشان الحمل


اهم شي يا بنات لا تبدون علاج الا لين تتاكدون ان ازواجكم سليمين ميه بالميه حرام تتعبون ع الفاضي ،،،

 

[&هند&]

طولو بالكم و سعو صدركم فترة العلاج وخلكم متفائلين مافي شي يجي بيوم ليله لازم شوية وقت وان شاء الله تشوفون كروشكم جدامكم

 

[جولينار]

هنودة ياقلبي انتي

امي تقول لا تستعجلين ع الصبغة

وانا خايفه اصلاً الله يقدم اللي فيه الخير



هنودة ترا انبسط بدخلتك علينا


فديتك انتي وكروشتك

الله يقومك بالسلامة وتبشرينا بسلامتك وصحتك

 

[عبره]

جولينار
هههههههه ي حبي لك والله حسيت نفسي كشخه اليوم وانا اسويها بقوة قلب خخخ
امس قررها لي الدكتور واليوم سويتها بس الحمدلله ي رب
انصحك فيها من جد
بكتب تجربتي بالرد الثاني
.
.
هنوده
آآآآآآآآآآآمين ي رب
والله متفائله كثير هالشهر
الله يرزقنا جميعا ي رب
.
.
الدكتور سوى لي تحاليل وباقي تحاليل
وسوى لزوجي تحليل السائل المنوي
وسوى لي اشعه الصبغه
هذي اجراءات مهمه
ما اعطاني ولا علاج لسى
انا اهم شي اشيك على جسمي والحمدلله الدكتور بدى فيني من الى
باقي النتايج مدري متى يقولون لنا عنها
مالي الا انتظرهم يكلمون
والله كريم ..

 

[عبره]

.
.
تجربتي مع أشعة الصبغة
HSG
.
.
لما كنت عند الدكتور قرر لي اشعة الصبغة
والنيرس تبعه صرفت لي مضاد اسمه Doxycycline Hyclate 100 MG
اخذه مرتين باليوم قبل وبعد الاشعة
اليوم كان موعد الاشعة الساعه 3 الظهر
رحت من بدري علشان اجراءات التأمين خصوصا اني بأمريكا
وبتاكد انه يغطي 100%
والحمدلله انه يغطي الاشعة ..
.
.
لما خلصت دخلوني بغرفه
وكان فيه ممرضتين او مادري وش رتبهم بالطب صراحه
قالوا لي روحي لدورة المياه وارمي ملابسك من تحت والبسي قميص العمليه ..
عاد انا رميت البلوزه بعد علشان اطلع اكشخ
خلصت ورجعت للغرفه سالتهم اول شي وروني وش بتدخلون فيني
قالت اوكي ولا يهمك وطلعت لي الادوات
اول اداة اللي هي
منظار المهبل او مايسمى Vagina Speculum
.
.

.
.

هذا وظيفته يوسع فتحة المهبل علشان تقدر تدخل انبوب الصبغة براحه
.
.
انبوب الصبغة او مايسمى HSG Catheter

.
.

.
.
وهذا وظيفته تدخل منه الصبغة طبعا ..


.
.
كنت مره متوتره بس هم ريحوني بعد الله
معاملتهم حلوه ..
قالت انسدحي وانسدحت زي وضعية الولاده
حطت تحت ظهري زي المنشفه علشان يرتفع حوضي
عطتني وحطت الاشعه على بطني
وجنبي شاشة كبيره يبان فيها كل شي ..
اول مابدأت تدخل المنظار انا كنت خايفه وشديت
قالت ارخي تنفسي من انفك وطلعي هواء من فمك
وارتاحي
ماحسيت بالم قد ماهو شي يضايق بس
والا ابدا مافي الم اللي يصيح يعني
.
.
شوي قالت رح تنفخ او تدخل هواء مافهمت صراحه
بس قالت بتحسين بشي
وانا ماحسبت بشيرابدا بس كنها تنفخ :/
بعده بدت تدخل الانبوب
ماحسيت بدخوله ابدا ابدا اصلا ماتوقعتها دخلته
شوي بديت احس بمغص خفيف واجي امسك يد الممرضه
اشد عليها قالت ريلاكس وتنفسي زي ماقلت لك واطيعها
والله ي هو يخفف الالم
الالم بدى يشد زي الم الدورة بالضبط بالضبط
يعني الم محتمل موب زي ماوصفوه البنات
الم يوجع صح بس يحتمل وكله ثووواني اقل من دقيقه
يعني برمجي عقلك انه بينتهي بثواني
وفعلا مامضت دقيقه تقريبا او دقيقتين
الا هي مخلصه ومن خلصت راااح الالم
طلعت الانبوب وطلعت المنظار
وحسيت بدوخه خفيفه شي غريب بس اختفى
من جلست نزلت الصبغه مني ودم خفيف
قالت عادي بيستمر ينزل دم اليوم خفيف
وممكن يجيك مغص خفيف
بس اذا نزفتي او حاجه مو زينه كلمينا .. قلت اوكي
سالتها قلت كيف النتيجه !
قالت الحمدلله الانابيب مفتوحه وكل شي سليم ..
ارتحت كثير وحمدت ربي اني سويتها ..
رحت لدورة المياة تكرمون وبدلت وهم اعطوني كوتكس
علشان الدم اللي رح ينزل ..
لبست وطلعت لزوجي وانا اضحك وهو منهبل
اتوقع يقول بنفسه وش ذي المهبوله راحت من عندي شوي وتصيح
وطلعت تضحك
طبعا باشعة الصبغة مايدخلون احد معك بالغرفه ابدا
انا توقعت بس بالسعوديه طلع حتى بأمريكا
علشان النظافه والتعقيم ..
والحمدلله تمت الاشعة بسسلام .. صح صار القرار بيوم وليلة
طلبها الدكتور امس وسويتها اليوم
بس من جد على قد ماقريت من تهاويل البنات ماتوقعتها كذا
.
.
بوضح نقاط :
اولا / الاشعة توجع مستحيل احد يكذب عليك ويقول ماتوجع
بس المها محتمل زي ماتتحملين وجع الدورة يوم كامل
تحمليه دقيقه او اقل ويرووح ..
ثانيا / كل ماكنتي ريلاكس كل ماكانت الاشعة كويسه
لأن لما بتشدين المنظار رح يوجعك لأنه بلاستك تقريبا
واذا شديتي بيضغط على المهبل وتتالمين
والا هو اساسا مايألم وربي ..
انا حاولت قد ما اقدر اكون مرتاحه والحمدلله ..
ثالثا / بعد ماتسوين الاشعه اعرفي انه رح ينزل دم عليك
خفيف طبعا ممكن يستمر يوم كامل .. وهالشي طبيعي جداً
رابعا / افضل وقت تسوين فيه الاشعه من اليوم السادس الى اليوم العاشر من بعد الدورة
لأن عنق الرحم يكون لسى لين ومفتوح ويقدرون يدخلون الصبغه ..
خامسا / اللي محتاجتها تسويها بدون تردد والله كلها دقايق وكل شي ينتهي
والنتايج تكون كويسه بإذن الله .. وبعد الله كانت سبب كبير للحمل للي ماعندهم مشكله ظاهره تاخر الحمل ..
.
.
أتمنى اني وضحت قد ما اقدر
لأني قريت كثير تجارب بس محد يوضح خطوه خطوه
وهالشي مهم ..
ان شاء الله اكون افدتكم ..

 

[جولينار]

تجربة تفصيلية


جد جزيتي خيراً وبموازين أعمالك


دخلت جو من دقة الوصف لدرجة حسيت بألم الدورة وقت الحقن


شرايك فيني خلاص حسبة اني سويتها هههههه


وفالك الحمل بعد هالصبغة ونفرح يارب يااااارب


وتجيبين لنا كتكوت أمريكي اشهب ألهب عيونه خضر





وباقي الصبايا شصار عليكم شو ماصار

انا اليوم ال ٣ للدورة





اي صح صديقتي جابت بنوته اليوم


وهـ بث ع البنات وحلاوتهم


صبايا متحمسة اشتري هدية حلوة وشغلات بنات

من وين ~

 

[سيكولوجية]

يعطيج العافيه عبره على هالمعلومات وربي يرزقج يارب


بنات ادعولي
قبل شوي سويت تلقيح صناعي لاول مره
محتاجه دعائكم

 

[جولينار]

حياتي سيكلوجية عسى يكتب حمل وهالتقليح سبب ياااااااااارب


والله والله لأخصك بدعوة بين أذان وإقامة المغرب بإذن الرحمن



كم سيكو عندنا ؟؟؟؟؟

 

[سيكولوجية]

بعد عمري خيتو جولينار فديتج :*

ولج مثل هالدعوه واحسن بعد يارب

والله يوم قعدت ادعي لنفسي واهم يسون لي تلقيح مانسيتكم. بالدعاء

 

[أأأميرة الورد]

عبره ان شالله تحملين عقب اشعه الصبغة

وجوجو تشجعي وسويها
والله يرزقج

سيكولوجيه ياااارب الله يرزقج بالحمل وتنجح عمليتج

وتفرحين انتي والبنات ياااارب

والله اني افرح لكم اذا حملت وحده


الله لايحرمكم من شعووووور الامومه

 

[أأأميرة الورد]

كرروا الدعاء

ربي لاتذرني فردا وانت خير الوارثين