·.¸.•°° ديــــــــوانيه متفاوءله بلحمل. ركن المتفاؤءلات ~الجزء الثاني~ ... ·.¸¸.•°°·.

["*آآآنؤؤؤقهـ*"]

عساج ع الزين والفرح دووم ياشيطوووونه


فديتج

 

[shayto0oNa]

تسلمييين ياجوجو وانوووقتي


صباح الخيييير


انا توني قعدت وحدي مشتهيه كوفي ههههه احس بديت اضعف من ناحية الكوفي مشتهيه ستاربكس


شلونكم بنات وينكم مختفييين

 

[shayto0oNa]

ابووودتي لبى روحج يالغاليه

 

[shayto0oNa]

رحتووو الافنيوو ؟؟؟ واي اينن اكثر شي فصلت عليه فيكتوريا سيكرت مو طبيعي كبيييييير وترننقاتهم تهبل وبجايمهم عجيبه والاندروير فظيع وبوتاتهم كل شي حلووو والحريم مخامط هههههه


وعجبني طريقة البنيان جنه باوروبا


وطابوور تشيز كيك فاكتوري واصل للبحرين لوووول

بس اللي ماحبيته ريحة المطاعم حيل قويه


ناويه عليه اليوم انا وخواتي

 

["*آآآنؤؤؤقهـ*"]

صباح الخيييير

 

[سيكولوجية]

لا شيطونه مارحت له اكره الزحمه ناطره زحمته تخف شوي واروح له

انوقه
صباح الحب

 

[shayto0oNa]

سوسو متى تحلليييلج ؟؟؟؟

 

[سيكولوجية]

هلا شيطونه
انا اليوم 12 يوم من التلقيح

وبصراحه ماودي احلل بروح شاليه بعد جم يوم وابي استانس وانسى

ان نزلت االدوره الحمدالله ان مانزلت احلل بس ارد


اصلا حاشني احباط مو حاسه بأي اعراض للحمل كلش !
ورفيجتي تقول إذا حسيتي بألم هذي من علامات الحمل وانا ماحس بشي !



بنات ودي اشترك بدايت سنتر ابي انزل وزني 15 كيلو

بس في يقولون إذا قعدتي تعالجين واشتركي بدايت سنتر بنفس الوقت ماتضعفين !
لان العلاج يتفخ !!

 

[ماتغير شي]

سيكولوجيه :: بنت عن بنت تفرق اهم شيء انتي تفاءلي بالخير وان شالله هالمره هذي تحملين

 

[&هند&]

مساء الخير

سيكو لا تتحركين بالعكس ريحي نفسج غلط الي تسوينه ممكن تكونين حامل بتوام ولازم ما تحركين خير شر انا تحركت وطاح واحد فيه وكنت خايفه الثاني بعد يطيح مثل كذا وحده صار معاها جذي

كلش كلش حللي هرموني قبل لا تروحين الشاليه تاكدي انج مو حامل وكيفج روحي غيري جو وحللي دم هرموني مو تحليل البيت لان خير شر ما يبين

 

[جولينار]

هنوده يسعد لي مساك


سيكو

أنا متفائلة فيك هالشهر ����������❤❤❤❤❤��������

 

[shayto0oNa]

سيكووو لا بالعكس حللي بعدين روحي الشاليه ان شاء الله حامل وموزين لج تلعبين وتمشين على رمل البحر وانتي باول حمالج

انا لما كنت اسوي تلقيح احلل ب ١٠ يوم تحليل هرموني يبين

يلا حللي وبشرينا

 

[shayto0oNa]

اما عن الدايت بالعكس انا انصحج بدايت كير لان صح العلاج يتفخ واذا ماضبطتي وزنج بتنتفخين زياده

لان الابره والكلوميد تحتبس السوائل بجسمج فيكون متنج ماي

فاهمه علي ؟؟

 

[&هند&]

هلا والله جوجو شلونج يالغلا ؟؟؟؟؟


انا بعد متفائله فيكم اني بفرح فيكم واولكم سيكو

بنات احلى اكل من شركات الرجيم دينا ولينا يجنن وينزل الوزن ولا يزيد الوزن وما دايت كير جربته اكلهم مو حلو ولا يضعف عكس دينا ولينا الي متنوع ويونس


يالله قولو لي شنو برامجكم الي قاعد تسونها خل اخذ منكم عشان اطبق لاعة جبدي من نفسي

 

["*آآآنؤؤؤقهـ*"]

صباح الخير

هلا هنوده الله يهون عليج


جم رقم دينا ولينا وين صاير اي وب وجم سعره ؟؟

 

[عبره]

سيكولوجيه
حللي تكفين نبي نفرح
الله لا يخيب رجاك
لاتروحين الشاليه وانتي مو عارفه وضعك
حرام كذا
الله يفرحك بالنتيجة الإيجابية



بنات مدري شفيني اليوم
صحت لين طاح اللي برأسي
مابي اكون كذا بس تخيلوا
وحده من البنات اللي كانوا قراب مني لما كنت بالجامعة
ب ٢٠١١ اضافتني بيبي والله حتى ما سالت شلون دراستي والا شلون الغربة معي
على طول قالت حنان أنا حامل
طبعا أنا كنت عارفه من خالتها وقلت اي ادري مبروك وكذا
المهم حزت بخاطري شوي بس ما زعلت عادي من أسلوبها
تخيلوا ولدت نفس هالوقت ب ٢٠١١
واليوم صحية لقيتها كاتبه لي بالواتس
مرحباً أنا رزقت بمولود ولله الحمد
أنا طارت بوهتي مادريت اصلا انها حامل
وما سالت عني من سنه ولا درت اني أجهضت او اني درست ماستر
يعني ماتدري عني المهم
وتجي كذا تدرعم وتكتب وهي من سنه ماتدري عني
أنا هنا انهرت وقمت أصيح مو لشي بس ليش هي كذا ليه دائماً لما تحمل وتولد تنقز لي بدون سابق إنذار
وتعلمني
وهي ماتتدري عني
ليش بس تبي تحرق قلبي وتقهرني
وربي ماحسدتها ولا جاء ببالي أحسد احد بهالدنيا
بس ليش إلناس قلوبها كذا
اذا ربي رزقك ورى بعض ولدتي واحد وحملتي بالثاني على طول
ترى هذا كرم من ربي مو فلاحه فيك
واذا انتي ربي منعم عليك بذرية غيرك محروم
اوجعتني الله يسامحها ولا يذوقها مر الحرمان
معليش اني صرت سلبيه هالمره
بس من جد نفسيتي اكس *

 

[ابدا يالغالي مانساك]

يااااقلبي حنووون من صجكك

شيلي تفاكير الوسوااس عنووك

ويمكن حراام بتفرحكك معااها هذا احنا وعترف عن نفسي صايرين حسااسين من ناحية هالمووضووع والشيطاان يفتح لنا كذا باااب




سووسو ليتكك عندي وطقكك من صججكك شنو شاليه نطري يومين يابنت وحللي

متفاؤءله فيكك بالحماااال



كيفكك جولينار انووق شيطونتي وكل البناااات

لباا هنود والله شنو هالشركات الداايت وعطيني رقمهااا
وحلو مجربته

 

[جولينار]

حنونهرحاسة فيك

بس هي مافي اسلوب بالمرة

غير كذا يمكن تخاف انك تزعلين تقوم ترسل دايكرت

انا حامل

انا ولدت


عشان ماتشرهين عليها يعني ):

ماعليه مااعتقد شمتانة بس اسلوبها غلط

 

[جولينار]

هنوده

ابودة


انا بخير دامكم
بخيير

 

[ماتغير شي]

السلام عليكم ..


باجر ان شالله عندي موعد مع الدكتور ناااهضً وان شالله راح يقرر متى ابدا بالابر عشان طفل الانبوب


ادعولي بنااات