·.¸.•°° ديــــــــوانيه متفاوءله بلحمل. ركن المتفاؤءلات ~الجزء الثاني~ ... ·.¸¸.•°°·.

[جولينار]

خالة كندا الله يسعدك يارب



سيكو

يارب فاتحة خير لك هالعملية


ماتغير شي

معوضة خير ربي يكتب لك قريب يارب


اووروووو

حي هالطلة والله

يختي طولتي اولدي بسرعة وفرحينا معك الله يقومك بألف سلامة


هنودة

منورة ربي يقومك بالسلامة لاتنسينا من دعواتك

 

[عبره]

.
.
قوووه بنآت
الحمدلله على كل حال الدورة نزلت اليوم بس اول مره انبسط لما تنزل
لأن هالشهر نزلت على طول بدون افرازات قبلها
من اجهضت تبهذلت قبل الدورة ب 3 ايام تجيني افرازات سوداء وبنيه ودم خفيف
وبعدين تنزل الدورة
هالمره لا من امس معي الم الدورة واستغربت لاني ماشفت افرازات
ولما صحيت جتني الحمدلله
كان ودي يكون حمل بس برضو ماكان ودي
بعد 6 ايام بنزل السعوديه وبروح المشغل برجع اضبط قصتي بقص زي اللي قصتها ابود
وبضبط صبغتي لانها نزلت
وبصبغ حواجبي واشقرهم ومن هالشغلات
ف اريح لي الحين اسوي وانا مرتاحه
.
.
رحت للدكتور وقال لي مافي سبب مقنع لتأخر حملك ابدا
حتى لو زوجك عنده تشوه بالحيامن بس نسبته كويسه وتحملين فيها
ف لما قلت له برجع السعوديه
قال حلو اول دورة تجيك لما ترجعين امريكا بعطيك كلوميد ونسوي تلقيح
والله كريم
ان شاء الله ما احتاج وربي يرزقني من فضله
بشغل نفسي بالسعوديه وكل يوم بطلع علشان انسى
واريح راسي شوي
بس الله يسكر حلوق الناس عني الحين مليون سؤال
ماحملتي ماتبين تجيبين امريكي و و و
مجهزه لهم ردود قنااابل هههههههههههههه
الله كريم
.
.
احد يبي شي من امريكا :d

 

["*آآآنؤؤؤقهـ*"]

عبره حبيبتي الحمدلله ع كتبت الله



يجي اليوم المكتوب لنا نحمل يارب


وتردييييييين لسعوووديه بسلااااامه


وسلامتج يالغلا

 

[&هند&]

صباح الخير يا كروشات المستقبل

عبور حياتي معوضه خيره روحي واستانسي عند اهلج وطنشي كلام الناس عادي انا حملت ولا خلص كلامهم الحياة تصير حلوه مع التطنيش

وان شاء الله تفرحين بحمالج بدون علاج

سيكو حياتي ماا عليج بعد العمليه ان شاء الله بتتحسن حالة زوجج اهم شي اهتمي بجرح زوجج لا يلتهب وتعتفس العمليه ،،،،

 

[&هند&]

فديتج جوجو والله حتى بالمطر ما انساكم ادعي الله يرزقني ويرزقكم ذريه صالحه عاجلا غير اجل ،،،،

 

[love love]

ياااااارب ينكتب لكم في عام 2013 الحمال والولاده السهله قولو اميييين


كثرو الاستغفار بنيه الحمل
ويوميا اقرو سوره البقره على بطنكم

 

[orchidia]

عبرة معوضة خير حياتي ايه ردي واستانسي عادي ماعليج من كلام الناس وصاجة هنودة انا حتى بعد الحمال يتكلمون عني

حملج انابيب والا تلقيح والا مادري شنو ؟!!!!!

وريتج فيهم قلت وانا ابتسم اي سويت انابيب 100 مرة وفشلت وهالمرة نجحت اهم بققوا عيونهم ههههههههههه

أحسسن والله ؟؟

وقاحة بهالعالم ياربي ..

جوجو آه بس تدرين كل يوم امشي واتسبح بماي حااااااااار أبي أرتاح مليت من الثقل

صايرة امشي المشية البطريقية البطوطية المادري شنو :krkrkr:

الله يسهل ولادته بس ..

و و الله ما نسيتكم بدعواتي ولا نسيت مواقفنا اهني ولا راح انساكم ..

يارب تفرحونا قريب

 

[مجننتهم أنا]

اهلين كيفكم ؟؟
كيف النفسيات ان شاء الله توب ؟؟
بنات مانبي نفكر واجد ترى التفكير يأخر دائما قولو قدر الله وماشاء فعل ...
وان شاء الله بأذن بننتقل كلنا من هالقسم الى قسم تجمعات الحوامل ..

 

["*آآآنؤؤؤقهـ*"]

مسااااااااء الخيييييييير ع الحلوووووووين

 

[فانتا ستروبري]

مساء الورد

شخباركم

^_^

الله يعوض كل وحدة نزلت دورتها أو أجهضت

الله يثبت جنين كل وحدة حملت

الله يسهل على كل وحدة تبي تولد

الله يرزق كل وحدة تبي تحمل الذرية الصالحة

قولوا أمين

 

[أأأميرة الورد]

امين والله يسمع منج

الله يرزق كل البنات بالذريه الصالحه ويهدي ازواجنا

 

["*آآآنؤؤؤقهـ*"]

اهلييييييين فانتاااا

منوره لج وحشه وينج يامراا


اخر اخبارج شصار عليج

 

[&هند&]

صباح الخير

يا هلا والله بفنوته وينج اختفيتي والله اشتقت لج وادخل ببروفايل اشوف متى اخر مره دخلتي

يالباااااااج نورتي المنتدى ،،،

 

[فانتا ستروبري]

اهلييييييين فانتاااا

منوره لج وحشه وينج يامراا


اخر اخبارج شصار عليج

هلا حياتي والله النور نورج فديتج :eh_s(7):

مأكو مثل ما رحت رديت

والله كريم​

 

[فانتا ستروبري]

صباح الخير

يا هلا والله بفنوته وينج اختفيتي والله اشتقت لج وادخل ببروفايل اشوف متى اخر مره دخلتي

يالباااااااج نورتي المنتدى ،،،

حبيبة قلبي والله وتشتاق لج العافية :eh_s(7):

ولهيت بالدنيا وطلعت شقة بروحي وتعديل وترتيب انشغلت

والنور نورج حبيبتي​

 

["*آآآنؤؤؤقهـ*"]

صباح الخير

 

[سعودية بالكويت]

أسأل الله الكريم رب العرش ذو الوجه الأكرم والأسم الأعظم

والعطية الجزلى أن يرزق كل محرومة ويستجيب دعائها ويحقق رجاها

ومبتغاها بالذرية الصالحة السليمة البارة يارب العالمين

ويرزقني ياقادر ياكريم

الحين عندي هرمون الحليب مرتفع بسبب الرضاعة مع أني بنتي بس شهرين

والحين أنطر الدورة تنزل لأني أخذت حبوب تنزلها عشان أسوي تحاليل ثاني

يوم الدورة وأشوف نسبة الهرمون جم​

 

[ماتغير شي]

السلام عليكم


شلونكم


اليوم رحت لدكتوري وابشركم راح الكيس
بس طلعت لي مشكله يديده ريلي قالي راح ناجل العمليه لانه مشغول حده خص اشهر الياي
صكت فيني الدنيا كنت حيل متحمسه وقاعده احسب اذا حملت متى اولد
ماقول الا كل تأخيره خيره والله ييسر الامور

 

[أأأميرة الورد]

الحمدالله ماتغير شي انج تطمنتي

وان شالله خيره ياارب

سعوديه بالكويت ليش تحللين عن هرمون الحليب


اكيد بيكون مرتفع لانج توج والده

 

["*آآآنؤؤؤقهـ*"]

هلا سعوديه


اللهم امين جزاج الله خير


مايحتاج تحلليلن انتي والد واكيد شي طبيعي فيج حليب


عشان تحملين وقفي

الحليب بحبوووووب لازم


اصلا موزين فيج حليب وماترضعين وقفيييييه