ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

[وهج الحب]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

السلام:
انا ضد بعض العادات والتقاليد ..لانها احنا من ابتكرناها وجعلنا بعض مثل الطوق يخنقنا .
ولكن مع القيم والاخلاق الجميله فان كانت هناك بعض العادات تحافظ على قيمنا انا معها ..اما باقي العادات ضدها على طول ..

 

[ScarletteO'Hara]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

مع
طبعا بالنسبة للعادات الي ما تتنافى مع الدين و تتماشى مع عصرنا
و مالها علاقة بخزعبلات و خرابيط يداتنا و يدودنا الي ما يندرى شنو مصدرها

 

[ScarletteO'Hara]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

و اعطيكم امثلة عن العادات الحلوة الي ما ودي انها تندثر:
-ان نتبادل الاطباق مع جيراننا برمضان
-القرقيعان
-لبس الدراريع برمضان
-صندوق الدزة قبل الملجة
-جاي الضحى
-الدوانية حق الرياييل
-العقيقة للبنت و العقيقتين للولد

و العادات البالية الي اتمنى زوالها
-التستر جدام الحريم و الستر اقصد فيه البرقع و النقاب و الحجاب ما اقصد اني احب التفصخ
-زواج الاهل الي ما ايي وراه الا المشاكل
-ان الريال يملج على المرة و ما يطلع معاها
- ان البنت تتزوج ريال حتى صورته ما تشوفها و ممنوع انها تكلمه
-ان الولد يتحكم بأخته
-البنت ممنوع تطلع بروحها حتى لو حق المستوصف و الولد هادينه على حل شعره على ابو ان الريال شايل عيبه
-ان الولد لازم يسكن ببيت اهله بعد ما يتزوج
-البنت ما تدرس برا
ووايد مو ذكرتهم بس هذا الي يه فبالي

 

[نهى الأحمد]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

ممنوع البنت تطلع بروحها ​

بس مع هاذي ....



والبااقي ضدهم ؟؟؟

هلا ياقلبي

منوره الموضوع

اللي كنت اقصده من طلعة البنت بروحها من دون اذن اهلها

 

[هوااااويه]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

احنا تقريبا اغلب العادات القديمه والمنتهيه والتي انتي ما تتخيلينها مطبقه عندنا اللهم زواج البنت من ولد عمها لهم حرية الاختيار اما مسألة تطلع البنت بروحها هذا عند اهلها ممنوووووووووووووووووووووع منعا باتا
وبس

 

[امولة الخليج]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

هلا وغلاااااااااااا قريت ردود كثيرة من العادات والتقاليد وبصراحه للا سف عاداتنا فيها اشياء زينه وفيها اشياء مو زينه وبصراحه فيه من عاداتنا اللي ترفع الظغط قاعده تتطبق الى الحين في مجتمعنا واتمنى انها تندثر مثل ان البنت مايسير تشوف خطيبها الا بعد الزواج وغيرها من هالشغلات لذا انا ضد هذي العادات ومع عادات غير كذا مثل اول يوم عيد لازم تكون الجمعه في بيت جدي اللي بالفعل تحسسك ان الدنيا باقي فيها خييييير ويسلمو عالموضوع حبيبتي يعطيك العافيه

 

[Snow angel]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

مرحباً غاليتي

دعيني ابتعد بعض الشيء عن لب الموضوع لكن قد تكون النهاية هو نفس المقصد من الموضوع


في دراستي هُنا في الغربة كان هناك درس عن الثقافات وتأثيرها على العالم في بداية الموضوع ان بلد ما غربية يتحدث عنها الموضوع ان ليس لها ثقافة وأتت من لا شيء ثم أصبحت لها ثقافة ويأكلون الوجبات السريعة ولهم اعياد جديدة ووووو.

بحكم أن هُنا حرية في التعبير والرأي قلت للمعلمة الموضوع متناقض ولم أقتنع به

قالت عبري عن رأيك

قلت هل بدأتم بدين وهي المسيحية أليس كذلك قالت نعم

إذن الثقافات أتت منذ معرفتكم للدين بأشياء كثيرة

قالت آممممممممم نعم صحيح

العالم بأكمله بدأ بنفس الشيء وسينتهي كما بدأ

والتحدث عن اللباس والطعام ووووووو أتى مع أختلاط الشعوب حتى اصبحتم ترونها ثقافات وكأنها جاءت مع كتابكم المقدس ولو نعود لكتابكم لوجدنا ان ثقافتنا وثقافتكم وثقافة اليهود متقاربة ان لم تكن نفسها لولا تحريفها، جميعنا يجب علينا ارتداء الحجاب والأبتعاد عن الكحول واكل الخنزير لكن الزمن قد غير الكثيييييييييييير بعد جيلين أو ثلاثة ستكون ثقافات البلاد العربية كثقافة الغرب ولن يكون هناك فرق من الناحية الخارجية لكن الداخلية الله أعلم بها

قالت لي هل يعجبك هذا..؟؟؟!!!

قلت أعجبني شيء واحد عندما كنت في رحلة للحديقة مع المَدرسة كانت جالسه بجانبي معلمة يهودية وبينما بيدي هاتفي المحمول فقالت لي واااااااااااو ستايل قديم الا وهو الحجاب مع ستايل جديد الا وهو الهاتف المحمول منظر جميل

نظرت إليها مبتسمه وقلت لها هذا الحجاب أمره الله سبحانه وتعالى في ديننا ودينكم ايضا لكن الفرق أني حافظت عليه وسيبقى الى الأبد بينما انا وانتي والهاتف المحمول وكل ستايل جديد سينتهي قريبا ونصبح تحت التراب

هنا صمتت ولم تقل شيئاً

الهدف مما قلته سابقا مهما كانت هناك عادات وتقاليد سينتهي بالقريب العاجل وسيتحول الوضع إلى ثقافات غربية يتبعها الأغلب إن لم يكن الجميع ليس لسبب ما لكن لسبب قوة الثقافة الغربية على المسلمين ثقافتنا ضعيفة جدا جدا سواء إعلانية او غيرها

كلام مؤلم لكن واقع محزن

لست مع العادات والتقاليد لكن فقط مع تأسيس بذرة بأسس ومقومات قوية صالحة دينيا وعقليا وثقافيا وسأدعها تنمو وأنا واثقة بإنتاجها المثمر الصالح حتى وإن كانت في أرض الفساد

تعجبني مواضيعك الهادفة

شكراً لكِ​

 

[كراميلا مرة]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا مع التقاليد اللي يامر الدين الاسلامي بها
اما اللي مالها داعي ومو تشريع اكيد ضد اتباعه

 

[عاشقة هواك]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

اناااا ضد وبقوووة بعد لوووووووووووووووووووووول

السبب يعني الناس تطورت وتغير طريقة تفكيرهم عن قبل

يعني المثال الي انتي قلتيه بالزواج قبل كانوا يجبرون البنت تتزوج ولد عمها واهيا ما تبيه

يمكن اخلاقه مو شي وتكون اهيا مجبورة بس افضل اهيا الي تختار

الشخص الي تشوفه يناسبها من ناحية اخلاقة اتعرفه اهو شنو ما تكون مجبورة على شي لان جذي

ما راح يستمر زواجها لان تكون اهيا مو حابته وما تبيه ويسلموووووووووووو على الموضوع

 

[جيكره(و)تتغلى25]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا مع وضد

اما الي لازم تتزوج ولد عمها ضد

تطلع البنت بروحها لاحسيب ولا رقيب ضد

مع الشي الي الزم علينا الدين فقط


يسلموووو

 

[ثمة ضوء]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

ضد ومع *ــ*

 

[M!s$ GoOnA]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا ضد وضد وضد الزواج من العايله نفسهااا

لان ما تدرين يمكن تصير خلافات او طلاق مثلا
راح يضر بين الأهل !!

عدل ؟

مو كل العادات الحين نتقيد فيها البعض منها يصلح والبعض لأ !

 

[غلاي 89]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

مع ونص بس هااااااااااااااا
مو بالظبط

لا بحدود

يعني حلو نلتزم بعاداتنا وتقاليدنا ونورثها حق عيالها بعد
بس في حدود
لان الزمن بطبيعة الحال تغير

 

[PINK::LADY]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا ضد العادات و التقاليد اذا كانت لا تمت للدين بصله ولا لها اصل في الدين

من متى صار خروج البنت بروحها من بيتها حرام او منكر؟!! لو تقرين السيرة راح تشوفين ان حتى امهات المسلمين زوجات الرسول عليه الصلاة و السلام يطلعون من بيتهم و يتزاورن و محد انكر عليهم هالشي

الا اذا رايحه مكان بعيد او سفر او مكان تحتاج فيه لرجل يحميها

و بصراحه بعض العادات قاعده ترجعنا لورا مع انه دينا دين الحضارة و التحضر و الرقي

بعض العادات و التقاليد خلت الغير مسلمين يخافون من الاسلام لانهم يحسبون هذي العادات اهي الاسلام و دينا بريء منها

مثل "قتل العار او غسل العار" يعني اذا واحد شاف وحده من خواته زنت او شافها مع واحد على طول يقتلها.. بينما دينا يقول تجلد الزانيه اذا هي غير متزوجه 100 جلده و طبعا لها شروط مو اي كلام.

ووايد اشياء انا اكرهها بالعادات و اتمنى زوالها و ياليت الناس تحكم الدين و تخليه هو الاساس في كل حياتنا

++1 مومع العادات لان زمانهم غير والحين غير

 

[عيون منوعه]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا مع في آشيآآآء و ضد في اشياء

يعني مو معقووولة البنت ما تتزوج الاولد عمهآآ << يعني بهذي ضد

و هم بعد سالفة الريال يفرض رايه على البنت هم هذي انا ضدهآآ

لكن في اشياء انا معاها اكييد

مثل البنت مآآآآآآآآنعينها تطلع من غير علم اهلها !!
و هم بعد انا مع الزوارات الي بين الفريج و جاي الضحى طبعا هذا نادر ماتلاقينا بالايام صح ولا آنا غلطاانه

يعني مثل ما ذكرت انا مع بآشيااء و ضد في اشياء لذلك مافيني اصوت
طبعا عطيني اعفاء من التصويت =)
​

 

[حلاها كويتي]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا حطيت مع




من ناحية الزواج



قبل



انه الزوج لازم يتزوج بنت عمه<<<< لا هذي مو لازم





قبل



الريال اهو الآمر الناهي وكلمته اهي المسموعة <<<< معاهم هذي صح



اما تصويتي مع

 

[حلاها كويتي]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

المرتاحة يا غلا بالنسسبه للـمن متى صار خروج البنت بروحها من بيتها حرام او منكر؟!! لو تقرين السيرة راح تشوفين ان حتى امهات المسلمين زوجات الرسول عليه الصلاة و السلام يطلعون من بيتهم و يتزاورن و محد انكر عليهم هالشي حياتوا الزمن تغير تحسبين شبابنا اليوم مثل عمر بن الخطاب او ابي بكر رضي الله عنهما لا عشان جذي انا مع هذي النقطه البنت مو لازم تطلع من رجال اوك لكن معاها احد امها ابوها اختها اخوها خالتها

 

[مزن المزون]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ



مـــــــــــــــــــــــــــع

مـــــــــــــــــــــــــــع ​

العادات والتقاليد..اول شي لانها هي اصالتنا واساسنا..ومنها خذينا كل شي جميل..وتشكلت اقوالهم وحكمهم على صفااتنا الجوهرية,,
واللي ماله اول ماله تاااااالي
شزينهم قبل مستووريين والحب يعم الفريييج,,الله جاان زين نرد مثل قبل والله احسسسسسن:bbbiu:
احس انهم قبل كانوا اسرة وحده ما يفرقون بين بعض

ومشكووورة عالموضووع الرااقــــــــــ ـي​

 

[نهى الأحمد]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا ضد وضد وضد ان البنت تطلع بروحها تراهم امانه بيسالنا ربي عنهم

مشكوره حبيبتي للمشاركة الطيبه

 

[مس تسذآ]

رد: ӨөӨ مع أو ضد تطبيق بعض العادات والتقاليد القديمة في هذا الزمن؟؟ ӨөӨ

انا " مع "

بس ضد سالفه البنت تاخذ ولد عمها بالغصب

و ضد انه البنت تطلع بروحها > وين قاعدين !