يسلموووو حبيبتي عروس
كلج ذوق
والساعات الجزء اللي بعده
ملابس الشقة
خذيت شكثر بديات جنزات نفانيف قصار تنانير حركات من الاماكن التالية
الافنيوز >>> نيو لوك / مانجو
المارينا >>> بيتزا ايطاليا / بريشكا
الكوت >>> مكس / اويسس / زارا
الفنار>>> محلات ما اذكر اساميهم
المهلب >>> كوتون / ومحلات اخرى
قمصان النوم
وهذي عاد يبيلها قعدة سنعة
قبل لا ابدا التجهيز كنت اقرا اهني بالمنتدى انا الافضل نشتري من الاسواق الشعبية والمحلات العادية لان الزوج ما يهمة الخامة وماركتها و هلاكلام الفاضي
بس والله يا بنات اول ما بديت الفرفرة واللف ضاق خلقي على الاشياء اللي شفتها والقصات اللي تخرب الجسم بدل ما تحليه
انا و لله الحمد جسمي حلو بس لما كنت اقايس قمصان هالمحلات كرهت نفسي
لدرجة اني اقايس السايز اللارج واقول يا لهوي ويو ويويويو
بعدين قلت انا الغلطانة اللي ضيعت وقتي فيهم
دقيت السيارة سلف ورحت النقرة الشمالي
ما تتصورون فرحتي هناك
خذيت كل قمصاني سايز سمول تخيلو
والقصة خيال ع الجسم شي مو طبيعي
والله يا بنات جهزوا القمصان والبجامات الحراير من النقرة الشمالي وماراح تندمون
خصوصا محلات التالية
انور
الطاهر
قاسم
اكسفورد
خصوصا الطاهر عندة قمصان طويلة لاول الايام روووعة
وانور عندة باجامات حراير تهبل خذيت منه بجامة القميص كله شفاف بخطوط جنها شخابيط لمعة والبنطلون حرير
والطاهر خذيت منه بجامه كلها دانتيل القطعتين
لونها اسود بعدين على الخصر يجي شريطة عريضة فوشيا مربوطة بالنص فيونكة روووووووعة وتحسين حتى بجاماتهم موديل
وطبعا قميص اول يوم غالي حيل عندهم ب60 وفوق
فخذيته من كويت ماجيك فوق في محل لقمصان النوم نسيت اسمة جدام ريفا
عنده قمصان بيضا روعة
خذيت اوف وايت الصدر تور بعدني فيه فيونكة ومن تحتها تبدا القصة
والروب ماله حيل حلو
بنات سمعوا نصيحتي وماراح تندمون جهزوا القمصان من النقرة الشمالي
و للحديث بقية ان شا الله
