عرايسنا يا حلويين خل اقولكم الجزء الثاني عن صولاتي وجولاتي حق النفنوف الابيض
اليوم كان مقتصر على الجابرية
اول شي رحت عواطف الحاي الصراحة نفسيات الي عندها مو وايد حلوه ووايد كان عندها ملابس بس الصراحه في شغلات وااايد حلوووه ب ما تبين الا باللبس وبعدين ودتني حق كبت ثاني هذا الي مو ملبوس الا لبسه اولى وهم كان في اشياء حلوه احس ترضي كل الاذواق عندها الناعم وعندها الخبة اقولكم شغلها حلو بس عندي دانة الرقى احلى واسعارها غاليه لان قالتلي البيع مو اقل من 4000
المهم خلصت ورحت حق بوشهري هوت كوتور
تخيلوو بنات اول شي تدقين الجرس وتنطرين بعدين تفتحين الباب واول ما تدخلين في واحد على الكاونتر قتله ابي اشوف بدل اعراس جان يقولي عطيني بطاقتج المدنية قتله ليش قال هذا اجراء عندنا حق الي يبي يشوووف بدل العرايس=======> ما عجبتني الحركة ياما دخلنا محلات محد خذا اسمنا ورقمنا ورقمنا المدني
المهم شفت بدلها ما عجبتني كلش جا تقولي خلاص قعدي مع المصممة وخل تسويلج موديل وبس تاخذ 20===============> شدعووه يا ما دخلنا حق مصممين دايما التصميم ابلاش لان ممكن يعجبج ويمكن لء
طلعت منه و ما افكر ادخله مره ثانيه
اخيرا رحت حق هيا الحوطي الي عندها واايد حليوة وكانت بنتها عندها يوم قتلها عروس جان تقول البنت انا بعد ابي اصير عروس=========> الله يخليها ويحفظها حق امها
هم ما عجبني شي
ميوسة حبيبتي خل ادليج وين يصير شفتي الخباز الي بالجابرية الي يم البانزين خلي الخباز على يمين وكملي سيده اهو يصير عقب بوشهري كوتور وقبل انسام كوليكشن انشالله دليتي
بنات تلاحظون اني قبل لا اتكلم عن اللبس اقول عن الموظفات لان صج اذا النفسية حلوه ممكن تشترين بس اذا النفسية خايسة وحتى لو عاجبني شي مستحيل اخذه
وانشالله كل لي روحات يايه راح اكتبها
