؟؟؟؟؟ ســــر وخاص جدا ؟؟؟؟

[ميراندا]

مشاركة: ؟؟؟؟؟ ســــر وخاص جدا ؟؟؟؟

السعوديات و الاماراتيات .. تلقينهم اكثرهم ما يشتغلون ولا عندهم استقبالات و حفلات و اعروس و عزايم نفس بعض ( اقول بعض ) بناتنا اهني .. فتلقينهم حاطين همهم ابراييلهم مساكين

بعدين رياييلنا ويييييين و الرومانسيات وييييييين .. اغلب الرياييل الكويتيين خاصه ,, ما يفكرون بالرومانسيه خاصه اذا صاكين عليه اليهال بالدار ولا ياي تعبان من الدوام ولا مغلوب بالدوانيه بالكوت .... يخلص شغله ابسرعه و يعطيج ظهره و ينام ههههههههههه

 

[*الحالمه*]

مشاركة: ؟؟؟؟؟ ســــر وخاص جدا ؟؟؟؟

هذا الحجي العدل نفووش

 

[ذكريات]

مشاركة: ؟؟؟؟؟ ســــر وخاص جدا ؟؟؟؟

كسروا خاطري الرياييل الكويتيين

و صح كلامج نفووش

انا معاج قلتي اللي كنت بقوله

 

[طير الحب]

مشاركة: ؟؟؟؟؟ ســــر وخاص جدا ؟؟؟؟

والله عيزنا واحنا نفكر ونسوى بس بدون مقابل يعنى لا غزل لا مدح لا حامض حلو

 

[manarah]

مشاركة: ؟؟؟؟؟ ســــر وخاص جدا ؟؟؟؟

الله يسامحكم .. فتحتوا الجروح .. بنظري انه الريال الكويتي يحب يدلع نفسه وانتي بالطقاق . يعني يرد من الدوام وياكل ويبته وينام يرتاح , ضروري ينام لانه مداوم تعبان وانتي مو مشكله قاعده من فير الله وموزعه اليهال اللي بالحضانه واللي في بيت اهلج ورايحه دوامج ردي من الدوام ونقلي اليهال وروحيله وغديه وجابلي اليهال الظهر مو ضروري تنامين لانج خلاص نايمه بالليل 3 او 4 ساعات بتنهبين بعد والا بتعدين حالج ادميه لازم تنام اقل شي 6 ساعات !! واذا قعد من النوم شربيه شاي وماكو وقت تسولفين لانه بيطلع خلاص بعد ما بقى شي واليوم يخلص ولازم يلحق يطلع يسويله شغله وعالديوانيه طيارييييييي وانتي خلج مع اليهال ياتطلعينهم والا روحي بيت اهلج استانسي هناك اللى ما ادري من كفخج على راسج ذاك اليم ورضيتي تطلعين منه وتتزوجين او ودي اليهال ونسيهم واستانسي معاهم لانهم الحسنه الوحيده من الزواج والنعمه اللي عطاج اياها ربي , عاد ردي انتي واليهال ولويه ومسلسل عشان ينامون ودوري دار مدار البيت عدلي وسنعي وشيلي وحطي وبعدين خمدي .. عاد ايي اهو على الساعه 1 واذا انتي محظوظه 12 و نص وكان الله غفور رحيم .. انتي تشوفينه الصبح انشالله لي يتي تقعدينه من النوم ..... يوم من ايام حياتي
طبعا قوليليه نبي نطلع وياك يقول قاعده تطلعين مولازم وياي .. قوليليه نسافر مع بعض يقول يصير خير وهذا ويه الضيف .. قوليله نحجز شاليه والا غرفه بفندق نغير جو قالج مينون ما عندي بيت !!
وطبعا ماله داعي اييب سيره التكشخ والتعدل والحركات واللي ما وراها الا التدقر او انج تنامين وانتي تنطرينه على ما ايي من هدة الحيل اللي انتي فيها .
الخلاصه : يبقى الحال على ما اهو عليه ودمتم سالمين .. بس هاا ترى الكويتي انفع

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

هههههههههههههههههههههههه

شكرا حبيباتي ع الردود والتفاعل الحلو

هههههههههه نفوش حلووه سالفة تطفون العيون عجبتني خخخخخخخخخخخخخخخخ

بس تبين الصراحه هذا الواقع مثل ماقالت manarah انه الريال الكويتي يحب يدلع نفسه وانتي بالطقاق

وان شاء الله بالحركات الي بحطها بتصكون على حليمه بالدلع بينصلح الحال

 

[ANGELICA]

مشاركة: ؟؟؟؟؟ ســــر وخاص جدا ؟؟؟؟

لأن رياييلهم ريايل حبيبتي ..اهو اللي يودي اهو اللي اييب .... مو مثل رييايل الكويت المرة من الصبح طاقة العباية تودي اليهال المدرسة

لوووووووووووووووووووووول صاجه والله :d



ترجع تبدل للدوام ترجع تطبخ الغدا تكلم العمال وتتفق معاهم وتوقف على البنيان .... الله يخليج بس

الله يعين بس

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

اي والله الله يعين

شاكره مرورك حبيبتي

 

[قهوة عربية]

مشاركة: ؟؟؟؟؟ ســــر وخاص جدا ؟؟؟؟

حتى ديرتنا ظالمتنا ..يعني أغلى الأراضي وأغلى البيوت بالكويت >>>>حشا فلوريدا مو الكويت

فلما نتكلم ان الكويتية تعين زوجها في مصروف البيت وتساعده لأن الدنيا نار ولأن البيوت نار والكويتية هي

المرأة الوحيدة اللي تشارك زوجها معاشها بالبنك ...عشان يشترون بيت المستقبل فلو كانت أسعار بيوتنا مثل

باقي دول الخليج ..كان الأمر هين ...لكن أسعار البيوت هني وبدون مبالغة ضعف دول الخليج 10

أضعاف ....شلون ماتبون المرة تشتغل وتشارك زوجها في مصروف البيت ؟؟؟!!!!

والكويتي تعود على هالشي ...يعني مصروفج ياالكويتية تتحملينه انتي ..( لبسج ..مكياجج ..أقساط

سيارتج ...) ..ولاتنسين بالحسبة ملابس اليهال ...ودخلة الصيف ودخلة الشتا ..والأعياد ..ووقت المدارس

وياريت تحطين ببالج معاش الخدامة ...وأحيانا تذكرتها

هذا غير الصالون ...والملابس الخاصة للزوج ...كله من معاشج ياالكويتية ....ليش ؟؟؟...لأن الزوج حرام متكفل

بأقساط البيت فتحملي وتصبري كلها 10 أو 15 سنة بسسسسسسسسس

شبقا من العمر ؟؟؟!!!!...متى نشوف روحنا ..متى نتذكر عمرنا ..إلا الزمن مضى والويه انترس تجاعيد ...

ذيج الساع أصغر عيالج طولج ....تفقدين الثقة بنفسج وبجمالج ..وتستحين تتكشخين حق الزوج أو تدلعين (

كله تقولين ... ..مايلوق علي الدلع ...أخاف يطنز علي ..أخاف يضحك علي )

وطبعا شيلتي عمرج الهم والمسؤولية ياالكويتية ..حتى لو خلص أقساط البيت ...انتي تكونين تعودتي أنه كله

انتي اللي تضحين وتحطين ..وكله ناسية عمرج ..وراح شبابج وانحنى ظهرج من المسؤولية المبكرة

ذيج الساع الزوج يكون توه خلص من أقساط البيت ...يبي عاد يشبب عمره ...ويكشخ روحه ..ويكافأ نفسه

بسفرة ....يتذكرج فيها ..أو يقول مرتي اللي وقفت معاي كل هالسنين ...خل أعوضها...>>>>أبد مايفكر إلا

بنفسه ...هذا إذا ماتزوج عليج ياالكويتية ...شيبي فيج عيوز !!!!!!!!

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

صاجة قهوة عربية


كلامك عين العقل

 

[الريمـ]

مشاركة: ؟؟؟؟؟ ســــر وخاص جدا ؟؟؟؟

حبيبتي احنا موناقصنا شي بس تلقين الرجل بالدواوين واحنااااااااا عالكمبيوتر والا تعبانين من الدوام

والسعوديات اغلبهم مو موظفات ولافيه سيارة تروح وتجى بكيفها واحنا ماشالله بس نستلم السيارة ماتلقينه في البيت والرجال سلم البيت ومفتاحه وكل شي للمراه ولاكانه مسؤل

واذا على شغلات وحركات اللي خبري خبرج تجي لحظات وايام نسويها بس مانكثر مو مثل غيرنا على حسب ماقريت كل اسبوع ومحددينها ليله خميس((ياعيني))

واذا على هالموضوع احنا قدها وقدود صح يابنات D:

 

[زهور علي]

مشاركة: ؟؟؟؟؟ ســــر وخاص جدا ؟؟؟؟

صح صح صح السانكم نفيشة وعسوله الامورة وانا بعد وياكم الظليمة شينة الريال الكويتي فيه حسنات ليش حطيتوه يابنات بالحظيظ واحنا فينا مساوئ ليش خاشينه ومسوين نفسنا في مثالية مطلقة والحمدلله الحمد لله الحمدلله ثم الحمدلله واقوووووولها لي باجر انه ريلي كويتي والله يعينه على ضغوط الحياة (على قولة بو اصيل مافي احد مرتاح)

 

[سبائك]

مشاركة: ؟؟؟؟؟ ســــر وخاص جدا ؟؟؟؟

صاجه يا قهاوي والله

حطيتي أيدج على الجرح

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

حبيبتي احنا موناقصنا شي بس تلقين الرجل بالدواوين واحنااااااااا عالكمبيوتر والا تعبانين من الدوام

والسعوديات اغلبهم مو موظفات ولافيه سيارة تروح وتجى بكيفها واحنا ماشالله بس نستلم السيارة ماتلقينه في البيت والرجال سلم البيت ومفتاحه وكل شي للمراه ولاكانه مسؤل

واذا على شغلات وحركات اللي خبري خبرج تجي لحظات وايام نسويها بس مانكثر مو مثل غيرنا على حسب ماقريت كل اسبوع ومحددينها ليله خميس((ياعيني))

واذا على هالموضوع احنا قدها وقدود صح يابنات D:

زهور علي مبين متفاعله شكرا حبيبتي ع المرور

سبوك والله ان احنا مساكين

شكرا ع المرور عزيزتي

 

[امون حبيبة زوجها]

مشاركة: ؟؟؟؟؟ ســــر وخاص جدا ؟؟؟؟

والله عاد حرام والله اني اعرف وحده تصيييرلي متزوجه سعودي وجايه منحاااشه تقول لوع جبدي حكره وطبخ وتغسل ماعندها وقت تكشخ تقول مااحس اني متزوجه ولا مايبي يجيبلها خدامه واذا ابي السوق لازم اهو معاها تقول مااقدر اتسوق على راحتي يلوع جبدي كله لاء لاء لاء يلا... بس.. ماشبعتي!!!! والله على الاقل عيالنا مايروحون السوق لانه عارفين انه احنا بنتسوق على راحتنا خو بعد شلون الواحد يتسوق وبظهره رجال يحن ويععععععععععععععع
وهم وحده ثانيه بعد نفس حالتها تقول ياويلي على الكويتي ولا السعوديه <<موالكل طبعا بعظهم
والزين والشين بكل ديره يابنات موبس بلكويت يعني الحين كل الكويتين يدقرون حريمهم وكل السعودين والاماراتين مدلعين حريمهم؟؟؟ هو!! هذا أي قانون بالله!!!!!!!!! الله يخليكم دشو منتدى حواء الحيتة الاسريه واقرو اللي زوجها يغازل وصايدته الهيئه واللي متزوج عليها مع انه مكودتله عيال واللي ماتعرف الشارع شلون صاير الحمدالله والشكر وطبعا البعض موالكل والزين والشين بكللللللللللللل ديره
يبا كل الدول ميتين على الكويتي بلعكس حرام صج ضلمتوووه ولا على راي نفيشه خايفين من العين ولاشسالفتكم!!!
يبا ترى احنا عندنا لله الحمد ناااااااااااااااااادر تكفخ وطق المره وهناك عندهم عادي ووكثيره بعد<<<لاتسالون وين هناك شغلو مخكم وبتعرفون خخخخخخخخخخخخخخخخخخخخخخخخخخ

وبعدين حرام هذا احنا بخوزر وعطور وتكشخ للرياجيلنا والحمدالله عاجبهم والحمدالله خالاتي وعماتي وغيره وغيره كل شي من مصاريف على رياجيلهم تصليح سفر حتى المعاش يعطيها لا يابنات ترى والله ظلم حرام انا اتكلم عن اللي حوالي

وعلى طاري مسك الايد ياااااااااااااااااااااااااااااااااااااااااااااااااااكثر مااشوف عندنا اللي ماسكين بعض واقول قطع مااحب هلحركه جني ماصدقت انه عندي زوج خخخخخخخخخخخخخخخخخخخخخخخخخخخخخخخ

حكوكه يما قولي البعض موالكل لايذبحونج وانا راي من رايج بس هم البعض وليس الكل<<<عشان لايقولون جمعت خخخخخخخخخخخخخخخخخخخخخخخخخخخخخخخ

نفيشه دررر والله دررر صح كلامج مادري شمصبرهم عليه خنت حيلي سكتي بس خايفين من العين خخخخخخخخخخخخخخخخخخخخخخخ

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

ههههههههههه اموون شكرا حبيبتي بس تدرين انا كنت اتكلم عن الاثنين مع بعض

لاحظي لو اسوي موضوع لليله رومانسيه صدقيني ماراح يتعدى الصفحه الثانيه وتعب عمرها الوحده اذا اكتبت مشكوره كتعقيب ع الموضوع

اما مواضيع الريال طقني ومايهتم فيني تلقين الاهتمام ملحوظ وغيييييييييييييير طبيعي


ههههههههه ضيقه بالصدر ولازم تطلع لوووووووول

الرجل هاليومين اصبح ظل رجل

والمراءه هي المرأه الحديده او

المراءه والرجل في وقت واحد يعني خلطة شامبو وبلسم هههههههههههه ثنين في واحد

 

[ريح المسك]

مشاركة: ؟؟؟؟؟ ســــر وخاص جدا ؟؟؟؟

انا الى اشوفه العكس وخصوصا الريال لسعودى (وع ) لا يحترم مرته ولا شى واذا بغ يذكر مرته يقول ونتوا مكرمين هذيل مدلعين حريمهم الا حريمهم المساكين وقاصين على نفسهم بالهمنتديات احنا رياييلنا مدلعينا واحنا رياييلنا يحبونا مساكين والله قاصين على نفسهم بالعكس لكويتية اهى الزين كل عندها وشوفيهم ببيوتهم احلى لبس وسنع واحلى ريحه بس العيب مو فينا برياييلنا الى تعود على هالشى ولكن لو معودته على الخيسة والبنطلون طالع من تحت الدراعة والريحة ريحة وبعدين تتخشخيلة اهنى يحس بالفرق بس لانه تعود عليج مرتبة ونظيفة فحسباله الوضع طبيعى

يعني كأن كلامك شوي جارح.. يمكن اللي انتي تعرفينهم من هالنوع..اللي عايشين في العصر الحجري..لكن شباب هالوقت ورياييل الحين مو من هالنوع.. يعني نوعية ربعك انقرضوا.. ولاتزعلين لأنك انتي اللي بديتي.. وبعدين اي بنطلونات تحت الدراريع؟؟ انا ما ادري وين تروحين وتشوفين هالاشكال!!!!!وبعدين اي اختلاط اللي تتكلمين عنه؟؟ روحي يالحبيبة للمراكز والاسواق وانتي احكمي!! راح تعرفين ان فيه حقبة زمنية مفقودة بين العصر اللي تتكلمين عنه واللي حاصل الآن!!! يا حبيبتي الان الستالايت والبلوتوث والانترنت خلا الدنيا قرية صغيرة ما سمعتي بهاشي من قبل؟؟ والا بعد قعديتهم بالغابة ما يشوفون ولا يعرفون!! اذا هذا كلام بنت الخليج عيل ما ينلامون الاجانب اللي يحسبون العرب عايشين بخيام ويتنقلون بالبعارين!!!!!

على العموم يا بنات بما اني مخضرمة.. يعني عشت في زمنين مختلفين و في البلدين.. فأنا اقول هذي آراءكم... انا اقصد اللي مدحوا في الاخوان والاخوات السعودييين ..آراءكم هذي المفروض انها افتراضات موتعميم لأن المرأة الآن في السعودية اصبحت مسؤولة عن بيتها بفارق السياقة بس اهي عندها سايق يلبي جميع طلباتها.. وايضا تصرف على البيت من راتبها وايضا في شباب ما يبي ياخذ الا موظفة علشان تساعد براتبها..

لكن يظل الرجل هو المسؤول ..والمراة ما تعفيه عن جميع المسؤوليات.. لأنها تخاف دايما من الزوجة الثانية..فتحاول تنتف ريشه وتشغل وقته عشان ما يفكر في غيرها.. وتعمله من الحركات اللي توسع صدره ولا يدورها عند غيرها.. والرجل صعب انه يلقى بديل للزوجة اقصد عشيقة لأنهم مراقبين من الهيئة الشرعية.. اقصد العماير والاستراحات و اللي بيفكر فيها لازم يعمل الف حساب بحكم التقاليد ونظرة المجتمع اللي لا زالت تنظر للعيب انه عيب والمنكر منكر.. عشان كذي ياخذ راحته برة البلد.. وفي البلد ماله الا ام العيال اللي اهي اساسا تهتم انه ما يلقى بديله لها وحتى لو بالحلال..