رد : .. .. .. .. .. .. ؟؟؟؟
الله يعينج بهذيج الفتره والله لايعيدها من ايام :eh_s(2):
و عليكم السلام و رحمة الله و بركاته..
آنا معاج إن هالآفه جدا منتشره بين الشباب العازب و المتزوج, و سببها عدم الاهتمام للحكم الشرعي لهذه العادة و الرغبه بتفريغ سريع للشهوه الناتجه عن النظر للمحرمات.
آنا مريت بهالتجربه مع زوجي و سببت لنا مشاكل كبيره, وصلت لتهديدي له إني راح أتركه إذا ما ترك هالعادة.
زوجي بطل هالعادة المذمومه من 5 أو 6 أشهر تماما و لا زال يتعالج من مساوئها. لأن الرجل اللي يمارس هالعادة ما يقدر يمارس مع زوجته بشكل طبيعي.
زوجي كان يمارسها من قبل عرسنا (مع الأفلام الإباحية طبعا) و النتيجه إنه ما كان يقدر يمارس طبيعي, و الحاله كانت مستفحله لدرجة إني أكثر من شهرين عنده و آنا بعدي بكر. بس طبعا ما فهمت الأسباب إلا بعد سنه من الزواج.
أما أسئلتج
الأسباب بكل بساطه عدم الإحساس بفداحة هالشغله و النظر إلى المحرمات.
الاستمناء مو من مسؤوليات أي شخص إلا اللي يسويه, يعني لولا إن هالإنسان نظر إلى محرم و استمرءت نفسه هالفعل ما كان راح يسويه.
و على فكره و لا شي تسويه الزوجه بالفراش يخليه يترك هالعاده.
طريقه عشان نخلي أزواجنا يتفادون هالشي ما نقدر, إلا إن كان الرجل نفسه يخاف الله.
بالمثل, إذا مر الزوج بهالحاله ماكو حلول تقدر المرأة تقدمها لأنها و إن كانت الطرف المتضرر إلا إنها ما تقدر توقفه إلا إذا انبعت هالرغبه من داخله.
آنا لا زالت تحز بنفسي الشغلات اللي كان يسويها, مع إني أدري إنه تاب عنها. بس ما أقدر أوصف شعوري و آنا لا زلت بنت و عروس و هو يتركني و آنا بزينتي و يروح يفرغ بالحمام :eh_s(2):. أبشع شعور حسيت فيه كبنت و كمرأه.
على فكره إحنا متزوجين من سنه و نص تقريبا و آنا ما أخلي شي بقلبي. كنت أمسكه و أقول له هاذي مو حاله, و كيت و كيت. لأن التفاهم مهم و لولاه الناس ما راح ترتاح.
الله يعينج بهذيج الفتره والله لايعيدها من ايام :eh_s(2):
