؟؟ أسئلة لأصحاب البلاك بيري ??

[dream]

السلام عليكم :

اشلونكم كويتيات ؟؟ وبالأخص لأصحاب البلاك البيري..






بنات ابي جم معلومة عن البلاك بيري


البلاك بيري له أنواع وايد .. شنو احسن شي واجدد شي واصل عندنــا بالسوق ؟؟

ليش البلاك بيري مميز عن باجي التلفونات ؟؟

شنو سالفة البلوتوث ؟؟ صج اتواجهكم مشاكل مع البلوتوث ؟؟

فعلا لازم نشتري خط بفواتير علشان البلاك بيري؟؟ واشحقى ؟؟

ايهو احسن الوطنية ولا زين ؟؟

احسن مكان نشتري منه الجهاز ؟؟ مع الكفالة ؟؟

شنو سالفة الاشتراكـ بالخدمة ؟؟ مافهمت شنو يعني خدمة ؟؟ وحق شنو ؟؟


بانتظار الرد الله يسلمكم


:eh_s(1):

 

[»Brenda«]

لازم الخدمه عشان تستخدمين مميزات البلاك بيري مثل بلاك بيري مسنجر والانترنت ومسنجر لايف والخ
بلنسبه لي احسن شي الوطنيه مع كفالته خذيته 165دك مع خط فواتير+الاشتراك بلخدمه
وانا جهازي بولد وعاجبني وشاشته كبيره ودقمه احسن من الكيرفlove it
بس اكثر بنات ماخذين الكيرف مميزاته نفس البولد بس الفرق بلكامره والخفه وشاشه اصغر من البولد على مااعتقد"
البلوتوث مافيه مشكله بس في بدايه كمبتدئه بتصافين مشاكل عشان ماتعرفين له مع الوقت راح تعرفين له"
اذ ماتبين فواتير في كروة تعبئه"
وبس هذا الي اعرفه

 

[Miss samora]

هلا اختـــــــــي دريم
انا عندي البولد اشوف انه احسن شي لانه كبير وشاشته وااااضحه
وهم الكيبورد كبير مو نفس الكيرف يكون اصغر
يعني اهوا الحين هبه الكل هاب فيها
واستخدامه وايد حلو وسلس
يعني نفس الكمبيوتر
ما في صعوبه وحلووووو
البلوتوث هم طريقته ما يبيلها انا عرفت استقبل وادز من غير ما احد يعلمني
يعني انتي تستكشفين جهازج لمل تعرفين واذا بغيتي مساعده دشي التجمع
لا مو لازم بس اذا بتشبكين نت لازم
انا ماخذته من الوطنيه لان زين تلتزمين بعقد لمده سنه كامله
تدفعين شهريا جنا 14 دينار
عندج الوطنيه كفاله 3اشهر ويوريكا سنه كامله اما زين ماعندي خلفيه
الخدمه تصير نفس المسن تضيفين اللي تبين وتسولفين وياه
وبس
اي استفســــــــــار انا بالخدمه
موفقــــــــــهـ

 

[TBOOLA]

شوفي يا حلوه انا عندي الكيرف حسيته احلى وانعم وكامرته حلوه احسن من البولد حسيته دفش لول
والبلاك بيري يختلف عن باحي التلفونات منها الخدمه يعني تسولفين مع الي عنده بلاك بيري ببلاش وتقدرين تشبكين انت وماسنجر وتنزلين ملفات وبرامج يعني النت يكون مفتوح باي مكان وباي وقت طبعا لازم اشتراك انصحج بالوطنيه فواتير بو13 دينار الوحيد الي يكون مفتوووووح مايحسب عليج فلوس الا اذا نزلتي او شغلتي فيديو من اليوتيوب ...اذا بتشترينه انصحج باالغانم عليه كفاله واحسن لج من شركه زين لان لازم عقد سنه بس اذا اشتركتي بالوطنيه تقدرين تكنسلينه باي وقت تبين...الحين نازل كيرف يديد وتور ايدد من البولد والكيرف الي عندي بس الكيرف الي عندي احسن من حيث المواصفات

 

[dream]

ربي يعطيج العافية على الرد

بلنسبه لي احسن شي الوطنيه مع كفالته خذيته 165دك مع خط فواتير+الاشتراك بلخدمه

انزين يا الغلا ..

شريت الجهاز من الوطنية معاه كل شي البطارية والميموري ..؟؟

وحبوبة لازم اشتري خط يديد مايصير على خطي القديم ..

اذ ماتبين فواتير في كروة تعبئه"

تمام يعني الوطنية عادي اذا خط فواتير او كروت .. (( معلومة مهمة)) مشكورة

انزين اذا اكروت دفع الخدمة بالشهر جم ؟؟ هم 14 ؟؟

 

[MSS.AJQ8]

بنات ابي جم معلومة عن البلاك بيري


البلاك بيري له أنواع وايد .. شنو احسن شي واجدد شي واصل عندنــا بالسوق ؟؟
الحين نازل كيرف ونازل بولد حسب الي اعرفه ان البولد اسرع وافضل بكل شي بس الكيرف افضل بشي واحد الكاميرا
بالكيرف احسن

ليش البلاك بيري مميز عن باجي التلفونات ؟؟
في خدمه الانرنت (اشتراك) تقدرين تنزلين برامج والعاب وفيه مسنجر وفيه الياهو مسنجر وفيه بلاك بيري مسنجر تكلمين الي عندهم بلاك بيري بلاش
(ما اقدر افيدج وايد لاني توني ماخذته) شاشته كبيره والارقام ملوته نفس الكيبورد

شنو سالفة البلوتوث ؟؟ صج اتواجهكم مشاكل مع البلوتوث ؟؟
قتلج توني ماخذته وللحين ماعرفت شلون استخدمه بس اتوقع طريقته نفس البلوتوث مال الابتوب بس عادي نتعلم

فعلا لازم نشتري خط بفواتير علشان البلاك بيري؟؟ واشحقى ؟؟
والله انا لمن رحت زين قالي لازم خطج يكون فواتير عشان نحطلج خدمه الانترنت (مع ان فلوس الخط بروح وفلوس الخدمه بروح) مادري ليش لازم خطج فواتير وانتي تأكدي يمكن عادي بس هذا كان عرض زين
يعني انا مثلا كل شهر راح ادفع 9 دنانير فلوس الخط وكل شهر راح ادفع 14 دينار حق خدمه الانترنت (فمادري ليش متصلين في بعض )

ايهو احسن الوطنية ولا زين ؟؟
انا مارحت شفت عرض الوطنيه لاني خطي زين ومابي اغيره بس حولته فواتير شوفي عرض الوطنيه يمكن احسن

احسن مكان نشتري منه الجهاز ؟؟ مع الكفالة ؟؟
زين الي عندهم اصلي يعني الكيبورد والبرامج الي داخل معربه من المصنع الاساسي يعني الشريحه الاصليه
بس المحلات وبعض الشركات معربين الكيبورد والبرامج بالكويت يعني الشريحه ماراح اتكون اصليه من المصنع

شنو سالفة الاشتراكـ بالخدمة ؟؟ مافهمت شنو يعني خدمة ؟؟ وحق شنو ؟؟
خدمه الانترنت نفس الايقو يعني شبك ومواقع مسنجر والمميز فيه خدمه البلاك بيري مسنجر وانشاء الله غيري يفيدج فيها
وقتلج ان خدمه الانترنت عند زين 14 دينار بالشهر وتقدرين تشترين الجهاز بدون الخدمه بس راح اكون جنه جهاز عادي ماتشبكين فيه الي بالطرق الاعتياديه بس الخدمه تعتبر مثل الايقو مركب بجهازج تدفعين قيمه الاشتراك كل شهر


هذا كل الي اعرفه وانا عن نفسي شريته من زين اب 135 دينار وحولت خطي فواتير وكل شهر ادفع حق خطي 9 دنانير بس اول 3 اشهر ادفع 4 او نص (عرض عندهم) + 14 دينار الاشتراك بخدمه الانترنت

 

[dream]

ربي يعطيج العاااافية Miss samora

انا ماخذته من الوطنيه لان زين تلتزمين بعقد لمده سنه كامله
تدفعين شهريا جنا 14 دينار
عندج الوطنيه كفاله 3اشهر ويوريكا سنه كامله اما زين ماعندي خلفيه

اي .. هذا اللي ودي افهمه ..

التزم عقد لمدة سنه من ناحية الدفع .. اوكيه ادفع بشهر 14 دينار للخدمة

طيب خط الفواتير نفسه هم مصاريف من مكالمات ومسجات والخ ..؟؟

واكيد هالمصاريف تضاف الى تكلفة الخدمة (14 دينار)

مو ؟؟

يوريكا كفالة لمدة سنة بس يبيع علي الجهاز كامل ولا ؟؟

 

[dream]

TBOOLA يا قلبي ربي يعطيييج العااااافية

يعني النت يكون مفتوح باي مكان وباي وقت طبعا لازم اشتراك انصحج بالوطنيه فواتير بو13 دينار الوحيد الي يكون مفتوووووح مايحسب عليج فلوس الا اذا نزلتي او شغلتي فيديو من اليوتيوب ...

لحظة .. لحظة !!

انا الحين يا الغلا تلخبطت ..

الحين الخدمة 13 ولا 14 دينار ؟؟ >> لووووول على دينار :dddds:

يعني الحين اذا ما شبكت او مافعلت الخدمة ما ادفع 14 دينار بالشهر ..؟!

يعني لازم ادفع 14 دينار بالشهر ولا على حسب الاستخدام ؟؟ ترى تلخبطت

وشنو المقصود بالنت المفتوح على طول ؟؟

اذا بتشترينه انصحج باالغانم عليه كفاله واحسن لج من شركه زين لان لازم عقد سنه بس اذا اشتركتي بالوطنيه تقدرين تكنسلينه باي وقت تبين

والله الغانم ما احبه :/ عندي يوريكا احسن واضمن

بس البنات فوق قالوا هم الوطنية عقد سنة .. لا حددده تلخبطت

 

[dream]

ربي يعطيييييج الف عافية

والله انا لمن رحت زين قالي لازم خطج يكون فواتير عشان نحطلج خدمه الانترنت (مع ان فلوس الخط بروح وفلوس الخدمه بروح) مادري ليش لازم خطج فواتير وانتي تأكدي يمكن عادي بس هذا كان عرض زين
يعني انا مثلا كل شهر راح ادفع 9 دنانير فلوس الخط وكل شهر راح ادفع 14 دينار حق خدمه الانترنت (فمادري ليش متصلين في بعض )

أهـــاااا

يعني الوطنية ( فواتير او كروت ) لكن زين ( فواتير فقط) يمى منهم :eh_s(14):

الخدمة لازم تدفعين 14 دينار بالشهر واذا مادفعتي راح يقطعون الخدمة طيب ال 9 دنانير هم لازم فرضا ماتبين تدفعين كل شهر هم راح يقطعون الخط ولا شنو ؟؟

زين الي عندهم اصلي يعني الكيبورد والبرامج الي داخل معربه من المصنع الاساسي يعني الشريحه الاصليه
بس المحلات وبعض الشركات معربين الكيبورد والبرامج بالكويت يعني الشريحه ماراح اتكون اصليه من المصنع

مشكورة على المعلومة المهمة طيب كفالة زين جم ؟؟

 

[بنات عطا]

جهاز بلاك بيري عادي حاله حال اي جهاز ثاني ,

البلوتوث عادي مافيه اي مشاكل ,

خدمة بلاك بيري .. للنت .. يعني تقدرين تشبكين ببلاك بيري .. ,

سعر بلاك بيري بولد + خدمة بلاك بيري بـ 135 دينار

و سعر بلاك بيري كيرف + خدمة بلاك بيري بـ 99 دينار

من شركة زين و الجهاز يكون مكفول و اذا صار فيه اي شي روحي لـ مجمع الخليجيه و تحديدا محل i2 و يصلحونه لج ..

بس لازم يكون خطج فواتير عشان خدمة بلاك بيري .. اذا تبين الخدمه ..

و اذا ماتبين الخدمه راح يكون الجهاز سعره تقريبا 165 دينار للبولد و الكيرف ما اعرف ... ,

بس الخدمه لازم تدفعين 14 كل شهر غير المكالمات و المسجات (( يعني المسجات و المكالمات حسابهم بروح ))

 

[dream]

جهاز بلاك بيري عادي حاله حال اي جهاز ثاني ,

البلوتوث عادي مافيه اي مشاكل ,

خدمة بلاك بيري .. للنت .. يعني تقدرين تشبكين ببلاك بيري .. ,

سعر بلاك بيري بولد + خدمة بلاك بيري بـ 135 دينار

و سعر بلاك بيري كيرف + خدمة بلاك بيري بـ 99 دينار

من شركة زين و الجهاز يكون مكفول و اذا صار فيه اي شي روحي لـ مجمع الخليجيه و تحديدا محل i2 و يصلحونه لج ..

بس لازم يكون خطج فواتير عشان خدمة بلاك بيري .. اذا تبين الخدمه ..

و اذا ماتبين الخدمه راح يكون الجهاز سعره تقريبا 165 دينار للبولد و الكيرف ما اعرف ... ,

بس الخدمه لازم تدفعين 14 كل شهر غير المكالمات و المسجات (( يعني المسجات و المكالمات حسابهم بروح ))

هذا زين ولا وطنية ؟
انزين حسابهم على حسب الاستعمال اذا وايد ولا شوي؟ ولا يكون اوردي له سعر واحد سواء استعملته او لاء !؟

يعطيج العافية بنت عطا ماقصرتي والله
وبانتظار ردج

 

[Om_Ksha]

الحييين نازل ايدد بلاك بيري اسمه جيميني و يبيعونه بالغانم اب 118 اليوم شفته وايد عجبني انشالله بااخذه

 

[MSS.AJQ8]

ربي يعطيييييج الف عافية



أهـــاااا

يعني الوطنية ( فواتير او كروت ) لكن زين ( فواتير فقط) يمى منهم :eh_s(14):

الخدمة لازم تدفعين 14 دينار بالشهر واذا مادفعتي راح يقطعون الخدمة طيب ال 9 دنانير هم لازم فرضا ماتبين تدفعين كل شهر هم راح يقطعون الخط ولا شنو ؟؟

حبيبتي انا خطي 9دنانير كل شهر لان الدقيقة ارخص تقديرين تاخذين الي بالشهر 2.500 بس الدقيقه اغلى وبالنسبة حق سؤالج انا دقيت عليهم قتله اذا ما دفعت فلوس الخدمه شهر عادي ؟؟ قالي لا راح نقطع الخط والخدمه اذا مادفعتي ال 14 دينار يعني فلوس الخدمه قتله شكو اذا انا راح ادفع 9 دنانير فلوس الخط بس مابي الخدمه شهر (بنصيدهم يعني) قالي مايصير راح نقطع الاثنين


مشكورة على المعلومة المهمة طيب كفالة زين جم ؟؟

والكفالة مادري شكثر مدتها موجودة بس مو مكتوب عليها جم المده

 

[dream]

الحييين نازل ايدد بلاك بيري اسمه جيميني و يبيعونه بالغانم اب 118 اليوم شفته وايد عجبني انشالله بااخذه

يعطيج العافية حبيبتي

 

[مجروحة الكويت]

انا نفس حالتج نفسي فيه ومتردده :"(

 

[بنات عطا]

هذا زين ولا وطنية ؟
انزين حسابهم على حسب الاستعمال اذا وايد ولا شوي؟ ولا يكون اوردي له سعر واحد سواء استعملته او لاء !؟

يعطيج العافية بنت عطا ماقصرتي والله
وبانتظار ردج

لا هذا زين ,

لا مو على حسب الاستعمال ,

اي سعره واحد .. استعملتيه ولا ما استعملتيه لازم تدفعين 14 شهرا لـ مدة سنه

و هذا عقد لـ مدة سنه​

 

[dream]

انا نفس حالتج نفسي فيه ومتردده :"(

الله يعين:/

 

[بنية ذربة]

اففففففففففا انا نفس حالتكم

يمدحون عرض فيفاا

 

[مترجمه]

قووه اختي انا صار لي جم يوم شاريته شوفي دامج مستواج زين بالانجلش اتوقع بتصيرين خبيره فيه ما يبيله بس تسكشفينه لان برامجه تهبل



البلاك بيري له أنواع وايد .. شنو احسن شي واجدد شي واصل عندنــا بالسوق ؟؟

فيه انواع وايد البولد والكيرف والتور والجافلين ... انا خذيت الكيرف لانه منتشر وايد وزين مسوين عليه العرض

وسمعت من التجمع ان البولد مافيه وايرلس .. الكيرف فيه كل اللي احتاجه كطالبه غير ان شكله انثوي

ليش البلاك بيري مميز عن باجي التلفونات ؟؟

لأنه اساسا يعتبر من جيل الكمبيوترات الذكيه الكفيه ... فيه :

- برامج وايد تقدرين تنزلينها من مواقع البلاكبيري مثل : القران الكريم - القواميس - النفيجيتور - او الخرايط مال جوجل
- تقدرين تعرفين مكان اي شخص يعني وين موجود اذا عنده بلاك بيري ينفع الحريم المتزوجات لوول
- اذا دافعه او مشغله خدمة مسنجر بلاك بيري بتكون كل كل كل سوالفج ابلاش مع اي احد عنده بلاك بيري
- في شي اسمه قروبات بالمسنجر مال البي بي ، شايفه المسنجر العادي ؟ شلون في قروبات يدزون معلومات وصور واخبار؟
بالمسنجر اذا ضفتي قروب يدزون لج هالسوالف
الفرق ان بالمسنجر مال البي بي بدال ما تتعاملين مع ايميل تتعاملين رقم البي بي مو رقم الخط

خل اشرح لج عن رقم البي بي بن شنو اهو :

لمن تشترين الجهاز على الكرتون بره مكتوب رقم نثلا مثلا يعني : 50FF35CD
عاد انتبهي حق الكرتونه لمن تشترينها تشترين رقم حلو وسهل ينحفظ

لان بدال لا تعطين الناس ايميلج او رقم خطج راح تتطورين وتعطينهم رقم بلاك بيري بن Black Berry pin

فبالمسنجر مال البلاك بيري راح تضيفينهم على اساس هالرقم وبتضيفين القروبات على اساس هالرقم


- تقدرين تتصفحين الانترنت بحريه مثلا يوتيوب والجرايد وكل مميزات الفون فيه
- فيه ناس يستخدمونه حق الفيس بوك او جوجل توك او الياهو مسنجر

- بتكونين 24 ساعه اون لاين بالمسنجر لايف ومسنجر البي بي طبعا تقدرين تغيري الحاله الى مشغول او بالخارج الخ

- هذا اللي اتذكره الحين اذا تذكرت شي بقولج



شنو سالفة البلوتوث ؟؟ صج اتواجهكم مشاكل مع البلوتوث ؟؟


اللي تواجههم مشاكل يمكن لان انجليزيهم ضعيف حييل بس للامانه ما استخدمته .. بس عرفت معلومه

ان اذا بتنقلين شي من الكمبيوتر لي جهازج لا تستخدمين البلوتوث .. احسن لج وااايد تستخدمين وصلة اليو اس بي




فعلا لازم نشتري خط بفواتير علشان البلاك بيري؟؟ واشحقى ؟؟


بالنسبه حق زين وفيفا لازم فواتير

اما الوطنيه عندهم على خط التعبئه يقدرون يشغلون خدمة المسنجر و النت ويدفعون 4 دنانير بالاسبوع

طبعا لو بتحسبينها بالشهر 16 دينار نفس سعر زين وفيفا تقريبا

زين عندهم 14 دينار بالشهر .. تشتركين بوحده من مجموعات التوفير 2.5 او 9 او 14 الخ

انا اشتركت 14 دينار الخدمه ودينارين ونص فاتورة التلفون لاني طالبة وميزانيتي ما تتحمل 16 ونص البلاك بيري و 15 ايقو كل شهر

وطبعا تقدرين تحولين خطج ايزي الى فواتير

اي بعد ملاحظه تقدرين تشغلين خط الايقو على البلاك بيري بس ما راح يفتح معاج مسنجر البلاك بيري اللي اهو اساس الجهاز

ايهو احسن الوطنية ولا زين ؟؟


شوفي حسب ميزانيتج بس اللي عرفته من التجمع :

- الوطنيه خدمة العملاء عندهم حيل تطول واذا ردوا عليج بس يطمنونج بوعود بدون فعل
والتفعيل كل اسبوع 4 دنانير حق التعبئه ياخذ له يومين

- زين عليهم ضغط لان كل الناس عليهم بس سرعته زينه نفس الايقو




احسن مكان نشتري منه الجهاز ؟؟ مع الكفالة ؟؟



الاصلي والمعتمد بتعريبه من زين عشان جذي اشتريته منهم

ليش اشتري من الغانم ومن يوريكا ب135 وادفع سعر الخدمه وخط الفواتير من زين بدون خصومات ؟؟



شنو سالفة الاشتراكـ بالخدمة ؟؟ مافهمت شنو يعني خدمة ؟؟ وحق شنو ؟؟


هذي خدمة مسنجر البلاك بيري اللي قلت لج عليها تسولفين ابلاش مع كل اللي عندهم الجهاز


وسلامتج

 

[»Brenda«]

ربي يعطيج العافية على الرد



انزين يا الغلا ..

شريت الجهاز من الوطنية معاه كل شي البطارية والميموري ..؟؟

وحبوبة لازم اشتري خط يديد مايصير على خطي القديم ..




تمام يعني الوطنية عادي اذا خط فواتير او كروت .. (( معلومة مهمة)) مشكورة

انزين اذا اكروت دفع الخدمة بالشهر جم ؟؟ هم 14 ؟؟

اي معاه كل شي لازم يعطونج معاه كل شي ماكو مكان يبيعج بدونهم
لا عادي يصير على خط القديم يسون لج فواتير
اخر سؤال مادري ماعندي فكره الانه انا فواتير اذ تبين تسئلين عن الكروة دقي عليهم وسئلي اهما ماراح يقصرون معاج هذا رقمهم121 واختاري رقم 1 للغه العربيه وبعدها طقي رقم صفر للأستفسار خدمة العملاء موطقين اي رقم الانه ماراح يردون عليج"