-- آآه بس .. مليت من زوجي وافكر بالانفصال حيل حيل! --

[أم حوور]

الله يهديه لج



والله يعينج


خلي احد من اهلج او اهله يكلمه مو على اتفهه الاسباب يتناجر معااااج

 

["اسطورة العشق"]

حبيبتي محد بيعيطج عمر غير عمرج انا ما اشجعج على الطلاق بس انتي الي عايشه و الوضع و انتي الي الي تقررين اذا تقدرين تستمرين او لا


لحد يقولج عشان اليهال .. لا
اليهال باجر يكبرون و يتزوجون و كل واحد يعيش مع زوجته
و اساس اليهال مو زين يربون في بيئه متوتره و الام و الاب فيها مو متفاهمين


بس انا اقول تستخيرين .. و اهم فكري بينج و بين نفسج ترى اهوو مو سيء لهدرجه و اكيد في اشياء حلووه بينكم .. انتي شوفي شنو اريح لج .. ارد و اقول اهم شي نفسيتج و محد بيعطيج عمر غير عمرج و اهم شي ان اهلج شايفين و عارفين وضعج يعني محد يقدر يلوومج

 

[وبعدين؟]

رد : -- آآه بس .. مليت من زوجي وافكر بالانفصال حيل حيل! --

تبيييين نصيحتي يابنت



اعقلي واركدي في رياجيل العن وحريمهم اصبرووو ونالوو اخر شي



بعدين عادي مااشوف في شي غلط ان دل دل على الغيره ويغار عليج

الطلاق مو حل وربي راح تهدمين اسره كامله

وبعدين منو فينا خالي من العيوب انتي الحين مافيج عيوب
هذا انتي قلتي عنه سرسري وانتي جايبه منه ثلاث عيال لايبه اذكري الله وخلي عنج الطلاق وادعيله

وشرط بتلقين فيه شي ايجابي استحاله هالانسان سلبي ميه بالميه

نصيحتي اصبري وادعي ربج وبتشوفين جزا ربج فيج يومنج صبرتي :aha:

 

[ملح و سكر]

صح احمدى ربج ان اهلج معاج وهذى نعمه ....مو الكل عنده اياه ...


والمفروض اهو يحسب حسابهم ....خل ابوج يكلمه بطريقه انج تعبانه من تصرفاته من غير مايحسسه انج انتى شكيتى لبوج ....


وانشالله يتغير بس انتى صبرى عليه شوى دامج صبرتى عليه 4سنين ....وشوفى شيصير ...


وبعدين قررى ....

 

[zain-alq8]

الله يعيييييييييييينج يارب ويهون علييج ويسخره ويهدييه لج ...كلمه وحده حبيبتي صلي استخاره ماخاب من استخار ربه

 

[miss-chocolate]

ما انصحج يالغاليه بالطلاق

لانه ابغظ الحلال

وانتوا بينكم 3 عيال مالج الا الدعاء والله سميع الدعاء

وانشالله بييهدي "ان الله يهدي من يشاء"

تصبري واحتسبي اجر وكل شي تسوينه له

تنوين ان لربج قبل لا تنوين ان لزوجك

وانشالله يا رب يهتدي ويعرف ان غلطان

 

[انتظر حبه]

رد : -- آآه بس .. مليت من زوجي وافكر بالانفصال حيل حيل! --

الله يهديه ويفتح علي قلبه ويشرح قلبه للصلاه
وسبحان اللي يغير وما يتغير ادعي ومو علي الله عسير

 

[pink velvet]

مشكورين بنات ما قصرتو كلامكم يريح صراحه



بالنسبه لكل وحده تفسر كلامي على كيفها انا مو مجبوره افهم كل وحده انا شقصد بالضبط


مثال:-
===


ماابي زوجي يحب اهله!!!!!!!!
اكيد ابيه يحب اهله

بس
لا يجنني بحبهم كل اشوي ويسمعني انه يموت فيهم بشكل يومي عييييييييب انا بالعكس اكرهم جذي

 

[حياتي فراغ]

رد : -- آآه بس .. مليت من زوجي وافكر بالانفصال حيل حيل! --

صدقيني انتي لو تشيلين هم عباية الراس راح ترتاحين
انتي لأنج تكرهينها قام تختلقين مشاكل ... راجعي كتب علم النفس


مثال
انتي لو كرهتي اخت زوجج
و شفتيها بالجمعية معاها رفيجتها ... تلقائا بتكرهين رفيجتها
ولو اخت زوجج شرت بلاك بيري
تلقائيا بتكرهين البلاك بيري

انتي كارهه العباية و لأن زوجج ملبسج اياها صار عقلج الباطن يوصلج رسايل ان اي شي يطلع من هالريال غلط ,,



اخذي جم كتاب بعلم النفس يختص بهالموضوع و صدقيني بتتغير فكرتج تلقائيا


أنا حماتي ريلها بعد ما طلقها تزوج وحدة حضرية
سبحان الله من اللحظة اللي طليقها تزوج حضرية
اهي كرهت كل الحضر .. سبحان الله صار عندها انتقام مو طبيعي مابقت حضرية إلا وتذابحت وياها

 

[أنفاسي دخون]

الله يهديه ويسخره لش

انتي عندش 3 بزران وصعب الطلاق عليش وعليهم ومالش الا الدعاااااااااء والاستغفار وقيام الليل

 

[الشهد كله]

يا حبيبتي انتي أدرى بريلج إذا عندج استعداد تكملين وياه حياتج ولا لأ ؟؟؟؟؟؟؟؟

بصراحة ريلج فيه وايد عيوب وما يترقع بسبع المذاهب ، ومهما تحاولين وياه يزيد

وطالما أهلج واقفين وياج معناته الكرة بملعبج ، كلمي أبوج يتفاهم معاه

إذا عنده استعداد يتعدل زين على زين ، ما عنده استعداد لا والله منتي مجبورة على هالعيشة

ومو ضروري تنطرين ريل ثاني ، اشدراج يطلع أحسن منه ولا ألعن ، خليج وعيشي على

تربية عيالج أبرك لج والله يعينج عليهم ​

 

[ياشايل الظبى]

رد: رد : -- آآه بس .. مليت من زوجي وافكر بالانفصال حيل حيل! --

عادي حبيبتي مو شي جديد

اصلا الرياجيل انقرضـــــــــو من زمان

صاجه

 

[Nokia N95]

الله يعينج الصراحة ...

كلمي اهلج ....
وحاولي تخلينة يقرب من ربه ....
وعسى ربي يهديه

 

[كول سلو]

رد : -- آآه بس .. مليت من زوجي وافكر بالانفصال حيل حيل! --

الله يهديه ويسخره لج

 

[نــعــوومــه]

الله يهديه ​

​

 

[njoom1]

رد : -- آآه بس .. مليت من زوجي وافكر بالانفصال حيل حيل! --

الله يعينج حبيبتي

 

[احلى سماء]

حاولي تفاهمين معاه وتطلعين كل اللي بقلبج وتواجهينه

 

[صمت المرافئ]

رد : -- آآه بس .. مليت من زوجي وافكر بالانفصال حيل حيل! --

الله يكون في عونج
صج هذي مو عيشة
لو ما كان عندج عيال
جان قلت لج تطلقي بدون تفكير
بس 3 عيال الله يخليهم لج ..وايد صعبه
لا تفكرين بالطلاق أبد
علشان عيالج
ما يتعقدون الطلاق صعب
شوفي اريح لج الحقران
كل ما هاوش لا تراددينه
لانج راح تطلعين بكل الاحوال غلطانه
فليش الرد وحرقة الاعصاب
هالاشكال ما فيهم طب ولا علاج
حطي هالشغله في مخج علشان ترتاحين
وجابلي عيالج ربيهم لا تخلينهم يحسون باي توتر
الله يعوضج فيهم
واهو مصيرة يطخ ويعرف حدوده
وادعيله بالهداية
عسى الله يسخره لكم
واهلج الله يخليهم لج ذخر وعون
وانتي خليج متفائله وطالعي النواحي الايجابية من الحياة
واحمدي الله على نعمة الصحة والعافية
ودائما رددي " من لم يرض بالقضاء لم يهنأ له عيش "
الله يحفظج ويسعدج آمين
​