آبي رآآيكم :( علمي ولا آدبي ..!

[ورور92]

حياتي العفووو :**

ما سويت شي ..

ونصيحة على كثر ما تقدرون حلووو امتحانات قدبمة ترى 60% منها اييج بالامتحان ..
والتقويم التقويم التقويم ..

وادعولي ^_^


الله يوفقكم ~~

 

[ورور92]

قديــمة ** :$

 

[جوري ستايل]

مشكوره اختي رورو92 والله شجعتيني ادش علمي
بس انا كنت حدي خايفه شنو ادش ودخلت علمي والحين افكر اني احول ادبي الصراحه ما في احد يشجعني
بس يقيت اسالج الحين انا نسبتي بال70 وخايفه ما احب الاجتماعيات وايد يعني زينه معاه ابي رايكم بليزز بنات الله يوفقكم شنو اسوي انصحوني قبل ما تبدا السنه

 

[ورور92]

هلا حياتي جوري .. ولوووو ما سويت شي .. اذا عندج اي سؤال لا يردج الا كيبوردج :$

حبيبتي .. انتي شنو ودج ؟ و ليش اخترتي علمي .. وليش تبين ادبي ؟؟

وشنو اللي حبيتيه بعاشر واللي ماحبيته .. يعني بشكل عام ميولج شنو من ايام من المتوسطة الى عاشر ؟


^_^

 

[ورور92]

بنات لا تتوقعون ان الحياة والدراسة بالعلمي او الادبي وناسة ولعب

لا بد من الصعوبة والتعب .. ولا ليش يايين اصلا ؟؟؟ :/

شلون يميزون بين الطلبة ..

لازم ندرس ونتعب عشان نحس بقيمة الدرجة .. والمستقبل و الطموح .. والتفوق

وكل ما تعبتو من الدراسة .. تذكروو حفلة التفوق وشعورج فيها ..
وفرحة امج وابلاتج .. ^_^


مو معناته العلمي سهل يعني وناسة الحياة ايزي و عسل ..

انا اكثر وحدة ازهق .. ساعات تييني حالة اقول يا ليتني داشة ادبي خخخخخخخ

بس مؤقته هالحالة وتروح .. بس حزة الامتحان ..

وما يتني الا بـ 11


بس بـ12 عرفت مصلحتي عدل .. وتحسفت ليش بـ11 كنت مهملة ..


وكل درجة تنفعج وترفعج فوق .. ولا تسكتون عن ولا درجة

 

[ورور92]

و رفيجتي بالادبي نفس الشي

تقول يا ليتني داشة علمي تعبت من الحفظ والقرقة ..

عادي يعني نكبر و ننسى

 

[ورور92]

بنات اسمي

و ر و ر

مو


ر و ر و

عاااااااااااااااااااااااااااا ليش الكل يناديني رورو :/

 

[Terrific_face]

جوري حبيبتي

شلون كانت عاشر معاج سهلة ولا صعبة

كم يبتي بالرياضيات و الفيزياء ؟

كم يبتي بالاجتماعيات و الاسلامية ؟

اتمنى اتجاوبين

 

[Riro]

اكييد
علمي

 

[جوري ستايل]

سلام
مشكوره على جوابج لي اانا اخترت علمي لاني حبيت الاحياء والكيمياء والفييزياء والرياضيات من ابلاتي
وانا كنت احب حيل لاجتماعيات بس باشر كرهت لان كل شهر لنا ابله غير فكرهت وما حبيت حتى لاسلاميه وايد ابلات يونه
واهلى يقولون لي دشي علمي في مستقبل وانا ورفيجتي شفنا تجمعات بنات لادبي يققولون سهله وحلوه والعلمي عادي فوالله ما ادري

 

[جوري ستايل]

وانا اسفه اختي ورور لاني كتبت اسمج غلط سوررررري

 

[ورور92]

ههههههه حياتي عادي اتغشمر الكل يكتبه غلط هع ..
--------------


اول شي دامج حبيتي الكيميا والفيزيا والرياضيات اهمهم << معناته ميولج علمية ..

انا بالرياضيات كنت بالسبعينات .. بس رياضيات 11 و 12 اسهل من عاشر ..

فيزيا 11 اصعب واحد .. فيزيا 12 اسهل واحد

كيميا 11 حلو وممتع بــس يبيله مجابل اكثر من عاشر و 12

احياء 11 و 12 اسهل احياء

-------------------

بعدين اذا حابة العلمي و تدرين ان مجالاته اقوى و اكثر .. ليش تـشـتـتين نفسج بالادبي ..

وفكري فيها .. 11ع صعبة نوعا ما للي ما يدرس .. بس عليها 30%

11أدبي حيل سهلة .. وماي بعد .. تضمنين النسبة فيها

لكن بـ 12 النسبة 60% !!

و 11 ادبي صعبة و 12 علمي .. حرام اذا ما يبتي فيها 95% ؟؟

فراح تضمنين الـ60% اكثررررر ..

استغفر الله يعني انا كنت احب الاجتماعيات عشان ابلتي بس
شديت حيلي فيه عشانها و يبت فل مارك تقريبا ..

ومع هذا ميولي ادبية و دشيت ادبي اقل من يوم وقـبــيــت ..
ومع الايام عشقت العلمي ^_^

تخيلي تاخذين جغرافيا و فلسفة و تاريخ اسلامي ومعاصر
وكل سطر حفظ.. كل تاريخ و اسم و مكان و مقولة و حدث تحفظينه !! .
. يعني ما في شي اسمه تدرسين قبل الامتحان بيوم او يومين
اول بأول تحفظين عشان ما تنسين..

-------------

وما راح تحسين بقيمة هالكلام الا بعد ما تدخلين الجامعة ..

يعني لو تبين هندسة و نسبتج ما اسمحت تقدرين تتحولين لها ..و تقدرين تروحين اي كلية خاطرج فيها ..
سواء قبول او تحويل

مو نفس الادبي ( علوم اجتماعية + شريعة + اداب + حقوق + ادارية + تربية - تخصصات أدبية )

العلمي ( كلية العلوم الطبية " كلية الطب + الصيدلة + طب الاسنان " + طب مساعد + كلية البنات + العلوم الادارية + كلية العلوم + الهندسة + الاداب + الشريعة + التربية تخصصات علمية وأدبية + الحقوق + العلوم الاجتماعية )

و نسبة قبول الادبي صارت 80% للجامعة ..

اما العلمي 70% او 71

فرق !!@@

انتي تقدرين تصيرين مهندسة او طبيبة او محامية ... اما الادبي لا

ولا تقيمين نفسج بالاسلامية لان فيج فيج سواء بالعلمي او الادبي
------------


وترى هم العلمي بالذات بـ 11 فيه تعب ودراسة
يعني مو سهالة بصراحة اذا ما راح تجابلين ..

على كثر ما تتعبين على كثر ما تاخذين..

واذا خلصتي 11 .. اعتبري نفسج متخرجة


واستخيري بالنهاية .. وحددي طموحج وميولج عشان تختارين العلمي او الادبي..
وسلامة عمرج

 

[جوري ستايل]

السلامه عليكم
مشكوره وايد وايد اختي ورور92 ريحتيني حيل بس همن لين الحين خايفه والله يعني احب العلمي شوي وهمن لادبي شوي بس يعطيج العافيه

 

[ورور92]

لزوم الخوف شوي لان هذا مستقبل مو لعبة !!!!

واللي له اكثر من ميول يحتار اكثر واكثر نفس حالتي ..

استخيري و فكري بمستقبلج اول وتالي .. وتوكلي عالله .. دشي وين ما يرتاح له قلبج .. :*

بس ما قلتي شنو ودج اي كلية ؟

 

[tt2tt]

؟؟؟؟؟؟؟؟؟؟؟؟؟؟؟