( آعرآض آلحمل ) شنو حسيتي فيه قبل تحللين ( تجآرب آلبنآت )

[بدوية بملامح كشميرية 86]

بنات الي عندها فكره ترد علي سوالي ؟؟؟





جوكاندا

الله يتمم علييببج
والف مبرووووك

 

[دآنة آلرشآيده]

يمكن حامل ترا حمل عن حمل يفرق

 

[بدوية بملامح كشميرية 86]

بنات الي عندها فكره ترد علي سوالي ؟؟؟





جوكاندا

الله يتمم علييببج
والف مبرووووك

 

["*آآآنؤؤؤقهـ*"]

الله كريم

باقي 6 ايام


يارب اكون حامل

 

[عالمي المجنون]

النوم مو طبيعي

واايد اروح الحمام

و حاسة الشم تصير مليون ب٪

 

[batool H]

كل العلامات الي قلتيها بأول الموضوع تجي بالتدريج مع تقدم الحمل
بس قبلها الم الظهر ولوعه ونوم وتعب وصداااااع واحس مالي خلق ومنرفزه وودي بس ابجي

 

[بدوية بملامح كشميرية 86]

دانة الرشايده


الله يسمع منج يااارب

 

["*آآآنؤؤؤقهـ*"]

ان شااااءالله

انكون حواامل يابدبد

 

[بدوية بملامح كشميرية 86]

اميييبن. انووقه


وكل من تمني الحمل يااارب تقر عينها

 

[حوريه ...]

انا بالعاده قبل دورتي وجع بظهري وتعب ونفسيه تبن ولازم اتهاوش مع زوجي

بالشهر اللي حملت فيه ماتهاوشت حتى هو لاحظ هههههههه

لاحظت نفسيتي انفتحت للاكل لدرجه اكل مااشبع وصلت فيني اتغدا واتعشا عيش ولااشبع اذا جا اخر ارجع ادور اكل

لاحظت البول تكرمون ريحته قويه وقريت انها من علامات الحمل بعدوهم بعد روحتي للحمام تكرمون كثرت لدرجه شكيت فيني التهاب او سكري يكافينا الشر

حسيت بالم بظهري بس قبل موعد دورتي باسبوعين تقريبا وانا متعوده احس فيه قبل الدوره بكم يوم بس

بس ماحسيت بدوخه نفس الافلام المصريه هههههههه

وقبل احلل باسبوع كنت رايحه السوق وافتريت وانزل واطلع ولما رديت البيت نزل معاي دم بس انا تعبت حاشتني كحه وحرار وصخونه فقلت يمكن من التعب مافكرت بالحمل

رجعت كلمت الحرمه اللي عالجتني بعد الله سبحانه جان تقول ارتاحي ولاتشيلين ثقيل ولاتمشين كثير

ولاتاكلين فلفل وحار عاد انا عشقي الفلفل وصبرت ووقف الدم نفس اليوم وبعد اسبوع حللت وربي لك الحمد اللي رزقني بعد سنتين زواج*

 

["*آآآنؤؤؤقهـ*"]

حبيبتي حووووريه الله يتمم علييييج

ويرزقج الولد الصااااالح......

 

[حوريه ...]

بنات

باقي ع دورتي 9 ايام

وعوار الدوره ذابحني

واول مره يصير جذي معاي

بالعاده قبل موعدها بيومين او يوم

والله احسها بتنزززل من العوار

حبيبتي انا مثلج حسيت بالالم قبل موعدها باكثر من اسبوع

لدرجة انام بالليل و اون من الالم كل ليله

 

[حوريه ...]

حياتي انوقه عقبالج يارب

الله يرزقكم جميعاً

 

["*آآآنؤؤؤقهـ*"]

اللهم اميييييييين

 

[دآنة آلرشآيده]

الله يرزق كـل وحده تبي آلحمآل
آب آب ​

 

[مكتومه]

موضووع رووعه اللله يتمم ع الحوامل ... بس ابي اسال في احد حمل بدون اعراض ؟؟؟ يعني حللت وعرفت انها حامل بدون مغص ولا نغزات ولا لوعه ؟؟

 

[عذبة السجآيآ]

باجي على دورتي اسبوع تقريبا

وحاسه بعوار بارحامي ومثل النغزات

هل هي اعراض ولا عوار دوره ؟

 

[دآنة آلرشآيده]

عادي مو شرط اعراض
وبعدين كل مره عن مره تخلف الاعراض

الله يرزق الجميع​

 

[orchidia]

انا بعد أيام التبويض جاني نفسس ألم الدورة حيل حيل تعبني أحس جنها نازلة الحين ..

صدري هم كان ثقيل واحسه متصلب ومنتفخ

آكل وااااااااااااااااااااايد

وطول الوقت طايحه

هذي اعراضي الي حسيت فيها بحمالي

وعسى الله يرزق كل من تنطر

 

[زبــــــــدة]

آمييييييين يارب