( آعرآض آلحمل ) شنو حسيتي فيه قبل تحللين ( تجآرب آلبنآت )

[زبــــــــدة]

بنات يتلي الدورة ...موحامل

توني خالصه منها وان شاء الله ماتييلي الشهر الياي

 

[أخاف اجرح]

انا حسيت بحرارة داخلية وافرازات بيضه تكرمون مع البول
وحللت بنفس يوم تأخر الدورة والحمدالله طلعت حامل

 

[يآسمينه]

ودي اقارن الاعراض اللي كتبوها البنات فيني

صار لدورتي متأخره اسبوعين

و مرضت من جم يوم وتوه راحت مني الصخونه

و حاسه بلووعه و كأن يتهيء لي انها مثل الاعراض اللي ذكروها البنات

بس افكر انها اعراض مرضتي مو الحمل !!

و اتوقع تأخير الدوره بسبب النفسيه و لخبطة هرمونات بسبب حبوب خذتها الشهر اللي فات

مادري بنات انتوا شرايكم ؟

 

[زبــــــــدة]

ياسمينه حللي منزلي ووشوفي...


اذا طاف على موعدها راح يبين بالتحليل المنزلي

 

[دآنة آلرشآيده]

زبده عسا ربي يرزقج باللي تبين والشهر الياي تحملين
ان شاء الله ماتشوفين الدورة الا بعد 9 شهور

 

[Flower20]

باقي على موعد دورتي 8 ايام
الله كرييييييييييييييييييم

 

[دآنة آلرشآيده]

عسا ربي يرزق كل وحده تبي الحمل ويحقق لهآ مآ تمنى يارب

 

[سنفورة زرقة]

انا نغزاات وعووار صدري كل شي يعوورني ومتاخره مادري دورتي متخلبطه مادري انا حامل ولا لا

 

[غفوة جروح]

انا كل الاعراض اللي قلتوها جاتني واطلع مو حامل تجي الدوره بس اللي كان مميز فعلا وطلعت بعدها حامل
السعـــــــــــــــــابيل ايه اللعاب مره صار كثير عندي وكانت وحده من الاخوات تقول في النت امه من علامات الحمل وصج طلعت حامل بس ماحللت لين مضى على موعد الدوره 4 ايام

 

[زبــــــــدة]

دانة الرشايده ..

حبيبتي مشكووووورة ان شاء الله يااااارب ...

باقي على موعدها 3 ايام ...

يارب ماتنزل

 

[حور العيون]

يااارب عسى كل بنت تبي الحمل ماتشوف دورتها الا بعدد ٩ شهور ياااااارب ً<< طلعت من قلب

 

[ابدا يالغالي مانساك]

ربي يرزق كل من تبي الحماااااال

 

[غلآ نوآف]

بالبداية تحسين بشعور ان الدورة راح تييج
بس ماكو انتظرتها شهر ودخلت بالشهر الثاني عشر ايام منه
بعدين شكيت اني اكون حامل
وفعلا فحصت ولقيت التحليل المنزلي يشير ان في حمل
وبعد ماعرفت لاحظت اني صرت وااااااااااااااااااااااااايد انام
بدون سبب وبدون موعد معين
وبالشهر الثاني
حاسة الشم صارت عندي قوية كثير
وبديت ارجع كل شي اكله
وصرت وايد ادخل الحمام

ومرات يجي وجع بسيط باسفل الظهر

 

["*آآآنؤؤؤقهـ*"]

باقي 3 ايام


يارب اكون حامل

 

[~Rou7~]

انا حملت مرتين

المره الاولى ذبحتني الغازات تكرمون وصدري انتفخ وكآنه القولون هايض علي عرفتو

وتقريبا هذا كل شي حللت طلعت حامل ومن حللت وانا ترجيع ودوخه وصدري انتفخ حيل كل هذا قبل الدورة

طبعا انا اعتبر اني عرفت بدري
اما حملي هذا صج كنت متوقعه الحمل لاني تاركه الحبوب بس بالشهر الي حملت فيه ماكنت متوقعه
رجعت الصفر تعرفونه حمض المعده تقريبا باليوم الي صار الحمل فيه وكان بدري حللت بالبيت مافي حمل وطنشت
الموضوع وقلت ترجيع عادي لاني طبعي اذا انغثيت ارجع بس الحين عرفت لنفسي اذا رجعت الاصفر تكرمووون معناته حامل

انا ما ارجعه الا بالحمل المهم مر شهر وقلت لزوجي بحلل قال لا انطري شوي لما تطوف كان موعدها وسافرت لاهلي
بالرياض ونسيت سالفة التحليل من الوناسه بس من جيت عند اهلي وانا ارجع واحس بنعاس
قلت خل احلل كان طايف موعدها اسبووع حللت بالبيت وطلع الخط،واضح حيل وماصدقت قلت يمكن غلط

رحت لعياده خاصه وحللت دم وقالتلي ماما في هامل
كانها طقتني ع وجهي والله المهم بس هذي كل السالفه

 

[بنت الثانوية]

اممم انا دريت مو علشان حاسه بشي

انا كنت كل شهر احلل لين حملت قبل لا تييني الدورا اسوي هرموني واحلل عادي بالبيت يوم والدوره وبعد الدوره ولين تنزل الدوره ههههههه

بس الشهر الي حملت فيه كنت وقت عيد ونازل اصلا علي دم بني شوي ,, بس خالتي قالتي شاكين انج حامل صايره صفره ,, وانا كنت بصراحه سامعه ان بنات تييهم الدوره ويكونون حمل قلت خالأجرب احلل اشوراي

.....

المره الثانيه اختي كانت حلمانه فيني حللت وطلعت حامل

والمره الثالثه كانت متأخره علي يوم والتحاليل كان عندي بالبيت جم تحليل كنت شاريتهم اشكثهم بسعر مميز قلت خالأحلل وحلل واطلع حامل ,,

وهالمره مادري متى دورتي بس الدوره كانت تييني مع خدامتي اول ما حسيت بعوار ولا اقول حق شغالتي يجيي دم ولا تقولي اي ,, بعدها بيومين ولا اروح احلل ولا مافي شي ,,

اظاهر اهي كانت مجدمه عند الخدامه,, وبعدها يمكن بشهر مادري بالضبط كنا بنروح البر ,, قلت حق ريلي على عبط ماكنت حاطه في بالي كلش اني حامل

قلتله اشترلي تحليل يمكن حامل ,,وحللت وصج طلعت حامل وماقلت حق ريلي كنت ابي استانس بالبر الصراحه ,, وقلتله بعد البر ب 4 ايام قالي كنت ادري صايره وايد تنامين شكيت بالوضع ,,

وانا كنت متكلمه قايله حق الكل انا اذا حملت قبل شهر 3 ما راح اتكلم ,, عندي عروس وكنت ابي استانس هههههههههههه

 

[دآنة آلرشآيده]

انوقه
ان شاء الله حامل وتبشرينا
الله يفرح قلبج ​

 

[نور83]

ياربً ترزق كل من تتمنى تحمل يا رزاق يا كريم ياربً العالمين والحامل يثبت حملها وتولد بإسلامه ياربً :eh_s(17):

 

[0oR0R0 honeyo0]

ريحة البول عزج الله جنها اسيد او شي نفس الحديد المصدي

 

[زبــــــــدة]

اعراض الحمل متى تبين ؟؟

يعني عقب التبويض تحسون بشي ؟؟ ولا عقب ما يطوف موعد الدورة تحسون ؟؟