( آعرآض آلحمل ) شنو حسيتي فيه قبل تحللين ( تجآرب آلبنآت )

[بحرينيه كوول21]

تاريخ ٢٩ دورتي
والحين صاير لي اسبوع والم بصدري
بس اجوفه لين موو يابس
وعندي إحساس ان حامل مادري ليش هالاحساس
وأخاف استعيل

 

[بحرينيه كوول21]

وغير الروايح الي اشمها
وغير اللوعه الي تذبح وتروح
وغييير الم الدوره
ادعوووووو لي يصدق احساسي

 

[حكاية عمر]

مع اختبار حمل اكوتست لا تعتلين هم رح يطلعلك النتيجة بلحظة ... اتصلي على
67001484
ويوصلك بدينارين بس والتوصيل مجانا
​

 

[گـحِـلْ |~]

الاعراض عند الاغلبيه

دوخه وريحه ب البول عزكم الله >حيل واضحه وخمول وكله تحسين مالج خلق اي شي

 

[مآيكبرني نك]

آنآ بعدني عروس

والآعرآض اللي تقولون عنهآ كلهآ حسيت فيهآ بدآيه ايآم عرسي وطلعت لخبطة هرمونآت

لآغير ^.^ , ولآحقين ع اليهآآل عيشوآ حيآتكم وآستآنسوآ دآم مافيه حد يربطكم

ورزقكم محد بيآخذه غيركم لو تآخر

 

[بحرينيه كوول21]

الله يرزقكم ويرزق كل محرومه يااارب

 

[نبض شرياني]

زبده اتوقع انها تاثر

اول 3 ايام الدوره اكلي ع الريج رشاد قفشه وسط ونص قفشه حبه سوده

وخليج تشربين دوافي ع طوووول

هالشي راح ينظف رحمج عدل

انا بنت والحمدلله صارلي تقريبا 3 شهور ماشيه ع هالشي واحس اني نظف حيل مو مثل اول

بالنسبه للي تقول لا تفكرين لا تفكرين

بالعكس انتي ما سمعتي بقانون الجذب؟؟كتاب السر


كل شي تفكرين فيه وايد يصير باذن الله

يعني قولي ان شاءالله هالشهر راح احمل باذن الله ع طووول وان شاءالله بيصير

وادعي بكل صلاه دعاء حلوووو اللهم ارزقني الذريه الصالحه وجملهم خلق وخلق

كثري من الدعاء والاستغفار

 

[أعرفك نفسي]

ماحسيت بشي لين قبل الموعد باسبوع .. اعراض دورة وعوار واحس نزلت اروح اشوف ماكو شي
حتى كوتكس شريت .. لول ..
وبعد التحليل بدت النساة اللوعه والاعصاب والبجي

 

[زبــــــــدة]

اب

اب

 

[pinkoosha]

انا حسيت بلوعه وعوار اسفل البطن وكله نايمه وكانت متاخره علي خمس ايام يوم رحت حللت طلعت مو حامل، ثاني شهر ماحسيت ب ولااااااااا شي حيل طبيعيه كنت وتاخرت علي ثمان ايام لمه رحت حللت طلعت حامل والحمدالله، كل وحده على حسب جسمها

 

[غرام 20]

انا احس بعوار في بطني احس انه يلويني اتمني اني اكون حامل بس اهلي مايبون لانه يمكن اتطلق من زوجي

 

[روعة خيال]

بنتي البجر ما حسيت بشي كلش الا ان الدوره متأخره

حمالي الثاني

دقات بقلبي سريعه احسه بيطلع من مكانه

اذا عطست و الا يتني كحه احس بكهربا برحمي

روحه و رده على الحمام تكرمون اكثر من المعتاد و كله ابي اشرب ماي ثلللللج

 

[زبــــــــدة]

عندي سؤال ...


امس صار ........ واليوم حسيت بعوار مو طبيعي اول ماقعدت من النوم ...ولما رحت الحمام وانتي بكرامه زاد العوار مع البول ..حتى الماي ماقدر اتشطف عدل عوار عوااار

اول مرة يصير فيني جذي ؟؟

يعني هذا جرح ولا شنو ؟؟؟

وصار معاه افرازات ...

صارلي 5 شهور متزوجه ..والدورة باقيلها تقريبا 13 يوم​

 

[tbola]

الله يرزقج بلي تمنينه زبده

 

[زبــــــــدة]

آمين حبيبتي

 

[حآلية الذوق ~]

زبده انشالله يكون تلقييح البويضه

لان هالحزه يكون التبويض

 

[ام ريانوو]

موضوع حلوو

انا اول حمال لي هذا
حسيت برقعه بقلبي قويه و حراره بجسمي مو طبيعيه
و عيوني كانت وااارمه وايد و ويهي صج مو حلو (( اعترررف)) و هذا استمر لي الشهر الرابع تقريبا
و لما كنت اسوق احس ان راسي مخدرررر وبس ادش البيت حتى لو مافيني نوم بس بنسدح
بس حللت قبل موعد الدوره لاني كنت ناطره الحمال بعد علاج طوييييل و الحمدالله الله رزقني
و يارب يرزق الكل انشالله

 

[SaD FaCe]

عوار بطن ولوووعه قويه ماستحمل ولا ريحه ولا حتى اكل ..

 

[Flower20]

انا حامل بس الله كريم ان شاء الله يستمر لاني خايفة
اعراضي
اول علامة البول عزكم الله صارت ريحته كريهة مثل ريحة الحديد المصدي بالضبط خاصة بول الصبح
وما لاحظت زيادة بعدد مرات التبول الا هالايام لما دشيت الشهر الثاني
ثاني علامة هي صدري متحجر ويعورني ويابس وزاد حجمه
يعني مااقدر حتا اتقلب بالفراش براحة وكان اول مرة يصيرلي جذي
وتاخرت الدورة وكنت احس بعوارها قبل موعدها بجم يوم عوااار قوي اقوا من عوار الدورة ولما ادش الحمام عزكم الله مو نازلة
وكنت احس بطني حساس ويعورني جنه مورم وماقدر حتا المس بطني
بيوم الدورة مسحت بعد الحمام عزكم الله وشفت افراز بني فاتح مع وردي وبعدين ماكو شي
وتاخرت لدورة وعوار صدري يزييد يوم عن يوم ويتحجر ولما حللت منزلي طلع خطين عقبال كل مشتهية يا رب بس يكون حمل سليم

 

[Flower20]

نسيت اكتب انا تطلعلي حبة بويهي حبة كبيرة قبل موعد الدورة
وطلعتلي وانا حامل وقلت خلاص هذي العلامة الاكيدة ان الدورة بتنزل وسبحان الله ما نزلت
وبعد تاخر الدورةزادت الحبوب بويهي
وانا قبل لا تنزل الدورة كنت احس بعوار تحت ظهري بس هالشهر ما حسين فيه بس عوار البطن