( آعرآض آلحمل ) شنو حسيتي فيه قبل تحللين ( تجآرب آلبنآت )

[مذهلة2013]

كله نايمه وتعبانه
وشكلي كان يقول انه حااامل
وخيوط بالبول عزكم الله
ورطوبه بس ماكو افرازات
والحمام عزكم الله ماافارقه
والنفسيه اخييييييه امشي واتهاوش

 

[تولة مسك030]

يارب ترزقني الحمل هالشهر
وربي يرزق كل المحرومات

 

[ms_5ajoola]

اب اب اب

 

[لوولوو_88]

ربي لا تذرني فردا و انت خير الوارثين ♥

ربي يرزق كل وحده بخاطرها

اب اب

 

[منيره آل ثاني]

اللهم زوجني الرجل الصالح وارزقني الذرية الصالحه الباره بي وبأبيهم وثبتنا على التوحيد حتى نلقاك

اللهم آمين

 

[british rora]

بولدي الاول الشهيه مفتوووووووحه وكان عوار مثل الدوره واكثر

بحمالي الثاني شهيه مفتووووووحه جدا جدا ونفسيه خاااااااااايسه

 

[انتيكا]

انا بالنسبه لي عرفت من عوار الظهر وعوار البطن والصدر صاروا مع بعض العاده قبل الدورة كل شهر غير يابطني يا ظهري يا صدري فعرفت اني حامل لما عوروني ثلاثتهم مع بعض

هذا ببجري وادعولي احمل واقولكم شنو حسيت بالثاني بإذن الله :eh_s(9):

 

[برنسس أوراق]

أنا توني متزوجه صار لي شهر ودخل علي زوجي عقب ما غسلت الدورة ع طول وقبل موعد دورتي بأسبوع يتني نفس الأعراض الي قتلوها لوعه ونوم وايد وان فتحت نفسيتي ع الأكل وصدري انتفخ وكله تكرمون اروح الحمام وايد اكثر من الطبيعي حللت دم قبل يوم من دورتي وطلع ماكو حمل ما صار العصر الا نزلت الدورة ضاق خلقي أنا وريلي بس قلت خيره الايام جايه ان شاء الله أدعو لي بنات الله يرزقني بتوأم كاملين معافين يارب

انا نفسج عروس بس توني ما صار لي جم يوم
الله يرزقج بتوم صبيان متعافين
ودي بتوم يارب يرزقنا

 

[برنسس أوراق]

الله يرزقني بتوم

 

[لوولوو_88]

انا في بجري حسيت الم بصدري و لون الحلمه تغير و صدري ورم و ياني الم بخصري مو طبيعي جهه وحده و تاخرت يومين حللت و طلعت حامل
و بعد ما حللت تم الم خصري قلت اخاف حمل خارج الرحم بس على الرابع اختفى

و الله يرزقني و اكتب لكم شحسيت ♡

 

[أمورته]

بحملي الاول سبحان الله حسيت من انغراس البويضه وعلى طول بس صار موعد دورتي حللت وطلعت حامل ماشااءالله لاقوة الا بالله


بحملي الثاني كانت اعراض الدورة وصدري حيل يعورني وارم وونطرت يومين والثالث نزلت مني نقطه دم وحللت وطلعت حامل الله يرزقني يارب باالولد الصالح ماشاءالله لاقوة الا بالله

 

[سور المدينه]

انا بحملي ببنتي
الم جنب واحد زي الم الدورة بس اقوى وكان يجي 5 دقايق ويروح
وبعد من انغراس البويضه نزل مني دم وشكيت بحمل

وصرت اروح الحمام في الساعه 3 او4 مرات
وجى لي نوم كله نايمه
هذي اللي قبل التحليل حسيت فيها
وربي يرزقني بالحمل واجيب اخو لبنتي ويرزق كل محرومه

 

[LiL MaMa]

انا بكل عيالي قبل لا احلل احس بعوااار قوي اخر البطن
مو نفس عوار الدورى لا غير و العوار ينزل لي فخذي


الله يرزقكم الذريه الصالحه

 

[ام زاكي]

انا عندي عيال وجولت هالمره على اخر طفل عندي
ويوم تركت المانع كل شهر اعراض
كل انواع اعراض الحمل مرت علي ?
صرت ما اثق بأي عرض الا تأخر الدوره
والحمد لله