آلبوق وآهله .. انباقت لج أغراض؟ صارت لج سوالف مع الـبوق؟ تعالي علمينا بهالسوالف هون~

[@ NIGHT_STARS @]

تذكرت سالفه امي قالتها لي

تقووول كانت عندنا خدامه هنديه وتووونا قاطينها المطار عشان بتسافر

دزلتهم كييكه لي البيت ودقت عليهم تقووول سامحووني بقت ذهبكم وفلوووسكم @@

عممممى بعينها

وتعترف بعد صج قوية عين والله شر البلية ما يضحك​

 

[جنون الـq8]

اممم فوني انباق بالثانويه ...

و 3 دنانير مره كنا بعرس لول

 

[marimor]

اييه وتذكرت بووقه لوووول

مره اخوي كان بالافنيوز بس بره وتووه حاط بجيبه خمس دنانير

جان يي بنغالي ويخممممممطه مننه @@

وينحاااااش ويررررركض اخووووي ورااه ويررركض يرررركض

اخر شي اخوي انقطع نفسه وتعب وخلاه يروح مسكييين اخوي ماكو لياقه :krkrkr:

 

[قطــرات مطــر]

الي اتذكره

تكرمين جواتيي انباقو بالحرم ورحت حافيه وبعد جم يوم شفتهم لابستهم وحده من الي يبيعون صوب الحرم حنا والخ

واطالعهم واختي تشيشني تقول زفيها وافضحيها قلت ليش كل هذا عشان جواتيي عليها بالعافيه

مع انهم مريحين غميضه وماركه ايكو بس تنفعها بالنحشات من البلديه

<<<قلبها كبير <<برآآآ

ووايد انباقو بالمدرسه بس ممنوعات يعني من حمره ومجله و سي دي أغاني


مشكورة بنوته حبيبتي

 

[الزيــALZAINــن]

رد : آلبوق وآهله .. انباقت لج أغراض؟ صارت لج سوالف مع الـبوق؟ تعالي علمينا بهالسوالف

اذكر بالجامعه موبايلي كان كت كات و طلعت من المحاضر و قعدت بالكرسي احل هوم ورك و اثنا ما كنت احل قعدوا يمي بنات و قاموا و لما خلصت قمت و ادور موبايلي ما حصلته بالمره ؟؟

و الله يستر علينا و على اغراضنا ..

 

[m&ms2]

واي ذكرتيني فيم مضي مره خالي يايبلي خاتم من ماليزيا حلوووو بس انا ايبلي اذا سافر المهم بعد جم شهر تحديدا بالافنيوز الحمام الي يكون صوب نيو لوك جدام بي اتش اس غسلت ايدي ونسيته ولا لقيته اكيد باقته الهنديه وااااي حدي انقهرت كان يلوق مع شكثر من لبسي حقدت عليها حسبي الله ونعم الوكيل ......ومره خدامه خالتي الحقيره بتقت فلم كمت مصوره فيه الاهل والمشكله اقولهم باقته يقولون شنو يعني خلاص واي قهروني بلا خدامتها كانت حقيره شحقي ساكتين تلعب بحسبتنا بالصور باجر قلت وكلت امري لله بعد شسوي ((. الله يعوضني علا الخاتم

 

[جوري وبنفسج]

السلام عليكم

يوووه على البوقات وخاصة وقت زيارة بيت الأهل كل وحدة من أنباق منها فلوس من مبالغ صغيرة إلى مبالغ كبيرة وآخرها 200 دينار مبيوقة من بنت أختي

وما نقدر نتهم أحد لأن البيت متروس خدم

والحل اللي ريحنا كان فكرة وتنفيذ أخوي الله يحفظه لأن كنا بنحط كامير بس للأسف مو حل عملي لأن البوقات كانت تتم بأكثر من مكان

فكان الحل الأنسب هو خزانة لوكرات بمفاتيح وكل وحدة منا عندها مفتاح ومن يومها أرتحنا من البوقات ​

 

[شكلي حبيتك]

الحمدلله ماجربت البوق

 

[اميره1980]

انا باقوني في ايران مو بالكويت
كنا في مجمع اسمه الماسة و جت يمي ايرانية و ما ادري شنو قرت علي جان انعمي و حطت ايدها بجنطتي و باقت فلوسي و انحاشت من المحل
فجأة جان استوعب و قلت حق امي انا انبقت و الحرامية بايقه رزمة كبيرة بس بدينارنا الكويتي يطلع مبلغ مو كبير تقريبا 32 دينار بس بعملتهم تشتري سيارة كاااااااااااااااك
رحت للامن بالمجمع علشان اشتكي قالولي شلون اوصافها و الله العظيم ان نسيت كل شي و ما اتذكرها شكلها قرت علي شي و تعاويذ سحرية علشان تبوقني و تنحاش

 

[غيدآء]

معوضين بنوتات

غميضه والله على غريضاتكم :/

 

[(كويتيه عسل)]

اذكر فلبينيتنا تبوق وماكنا نحس فيها

قبل لا تسافر اكتشفنا البوقات لما فتشنا جنطتها

وفي شغلات ماحسيت انها مبيوقه لما كنت بستخدمها مثل علبة الفرش ملوت الميك اب وعطور يدد وصوري واكسسوارات فضه اصلين شاريته من امريكا حسافه لي الحين ذاكره السوار اللي على ايدين توهم يهبون فيهم حسافه عليه اختقى

والصورة الوحيده اللي صورتها ببدلت العيد اذكر كنت بالثانويه ولون البدله زيتي ماادري هالصورة وينها لي الحيم مولايقتها

 

[جروح ودموع]

انا رفيجتي الوحيده باقت من جنطتي الف ديناار حسبي الله ونعم الوكيل ماني محللتها لانهم فلوس زوجي خشهم عندي لان باجي على سيارته الف كان مستانس بيكيش السياره ويرتاح من قصدها

 

[سوزي الشرقية]

الحمدلله ولامره انبقت

 

[ديمــــــــــه]

غيداء موضوعتس عجيب اهنيك على الفكره يابطله
عاد ليت اللي انسرق مني ربع السرقات اللي قريتها هنا انا اللي انسرق مني شي ثمين وربي لهاللحظه ادعي عاللي سرقته
ورغم انه انسرق مني من سنين بس مانسيته وهو البوم صور لي ولاخواتي جبته معي للمدرسه عقب عرس اخت على طول عشان اوريه خوياتي وماغبت عن شنطتي ثواني وجيت ادوره ومالقيته ؟؟؟؟؟؟؟؟؟
تخيلوا ردة فعلي بغيت استخف
لكن ماقول الا الله لايوفق اللي اخذته ولا يبيحها وحسبي الله ونعم الوكيل فيها وربي مااسامحها عمري كله
والله يعوض كل من فقد شي غصبن عليه

 

[RAHAF Q8]

موضوع حده حلو بفضفض ع أغراضي اللي فقدتها وما آنساها

أول شي وأهم شي هديتي من أبوي وأمي كان عيد ميلادي 11وكانو مسويين لي قصه وحاطيين اسمي داخلها
يعني آنا ميني ماوس
وفي معاي ميكي وكل شخصيات ديزني تهبل هديه حلوه وماحد سوا مثلها
وآنا من فرحتي لأن اسمي بالقصه ماخلييت أحد ماوريته اياها خذيتها المدرسه وريت رفيجاتي وأبلة العربي بس لما ردييت من المدرسه كانت معاي يعني ماانباقت بالمدرسه ووريتها بنات عماتي وأشك أهما اللي باقوها لأنه فقدتها بنفس اليوم وعفست بيت يدي قعدت أدور مالقيتها طبعاً رحت لأمي أقولها سوييلي قصه ثانيه لوووول قالت ماحافظتي عليها
خلاص ماكو والحين انتي كبرتي اشتبيين بقصة يهال أقولها ذكرى بس مارضت تبي تعاقبني بسبة حراميه
مو كفو الواحد يوريهم شي لووول

وشغلاتي الثانيه اللي انباقت ملابس واكسسوارات
كان عندي بدله حلوه من مانغو القميص والبنطلون لونهم بيج بأسود صارلي فتره أدور عليها مو لاقيتها وانباق حزام فضي
سلسله وعليي فراشات صغييره وهم انباق نفنوفي الأسود اقصير وعلاق لبسته مرا وحده بعيد ميلاد
وانباق مني صندل فلات كنت لابسته عند بيت عمتي لأنه بروح العرس معاهم وخليت الصندل ولبست الكعب حطيته فبيتهم عاد آنا نسيته عندهم لما غيرت هدومي ولبست ملابس العرس قلت ويين آخذ ملابسي وصندلي الصاله أخليهم فبيت عمتي ولما ردييت سألتني أمه عنه قتلها فبيت عمتي وأمي تتصل ع بيتهم علشان عمتي بتزور بيت يدي اتييبه معاها يابو ملابسي من دون الصندل قالوا ماكو معاه صندل وآنا مخليه كل أغراضي عندهم اشلون ايي شي وينقص شي طبعاً ماحبيت أتهم بنات عمتي قلت يمكن
خداماتهم اللي باقو

والله يعوضني ويعوض كل وحده انباق منها شي عزيز وغالي علييها بأحسن منا يارب

 

[مس دلال]

خخخخخ انا انسرقت عباتي
مستوعبين عباه !!!! مع الملفع
كنت توني مفصلتهم وكشخه ههههه اول يوم دوام بالثانوي راحت علي

 

[اريج الجوري]

موضوعج نايس انا كذا مره أنباقت مني اشياء ،،،

انباق قلب الماس من ١٠ سنين قيمته ٤٥٠ دينار بذاك الوقت كانت اختي ماخذته تلبسه بعرس وردته لأمي وامي تقول عطتنياه وانا ما اذكر جني خذيته

وحطيته بجنطتي المهم اختفى ما ادري وينه أكيد ان احد أخذه من جنطتي لأني ما جيكت عليه الا عقب اسبوع ومالقيته وكان عندنا خدامه وسافرت يمكن

خذته ،،،

ومره انباقت نظارتي الشمسيه بالكليه حطيتها على الطاولة مع كتبي بالكفتيريا ورحت اشتري رديت مالقيت النظاره ،،،

ومره مسويه بحث عن السمنه تعبت عليه شغل ايدي من الألف الي الياء بس وديته محل عشان يطبعه كمبيوتر ،،،

وعقب جم سنه بغيت تقرير عن السمنه ورحت لنفس المحل تخيلوا والا يعطيني نسخه من بحثي القديم عرفته والله طلع ناسخه ويبيعه ،،،

وآخر بوقه فرش يوم الخميس كان استقبالي بمناسبة ردتي من الحج عاد صديقاتي ثنتين تكوني فلوس بكرت بدال الهديه استغربت هالشي لان اول مره

اشوف جذي المهم حطيت الكروت على الطاولة وعقب ما راحوا كل الناس فتحت الكروت والا فاضيه حتى ما ادري جم كان فيهم ،،،

وما اقدر اتهم احد البيت متروس خدم ويقولون ماشفناه وغير الناس اللي كانوا موجودين ،،،

وهم ولدي انباق الايبود ماله ٣٢ قيقا كان حاطه بالدوانيه بعدين مالقاه ،،،

منو نتهم عندنا سواق ثنينه وصبي الدوانيه غير خدم البيت لانه يقول ما ادري خليته بالدوانيه او بالصاله تحت ،،،

عليه العوض ويا علهم حريمه في بطن اللي خذاهم خصوصا قلبي الالماس اللي ما تهنيت فيه وما لبسته الا مره وحده ...

 

[حرم زوجي]

واااااااي انا حدث ولا حرج من البوقات ببيت اهلي

انباق ذهب خواتي ودعو على اللي باقهم طلعت خدامتنا صارلها 9سنوات عندنا فجاه صار عندها فشل كلوي حسبي الله عليها وامي كانت تقول كل يومين ينباق منها مو اقل من 5دنانير عشان جذي كانت توزع فلوسها عشان ماتنباق كلهم هع اناااااااااا انباقووو صنادل تجهيزي وجم كعب و4قمصان اكتشفنا ان خدامه اخوي تسرقهم وتبيع اغراضنا واغراض البيت كله

هذا اللي في بالي الحين هع​

 

[عادت ذكرياتي]

الله يعوضنا ويعوضكم وااااااااي ذكرتوني بالذي مضى واللي سوته خدامتنا الله يسامحها

 

[PuPa^^SWeeT]

مرة و انا بالمتوسط


كان اختبار العلووم باجر


ولا ايي ادور كتابي كنا قبل انحطه على ارض الطابور على بو نحجز مكان و انفرفر

طق الجرس ييت ادوره ولا ماكو كتابي وينه


اختبصت و اسمع بنات ( شفتي شصااار يحلييلج شلون بتدرسين زيين ماراح اتصكين علي هالسنة عيل )


تخيلووو


عاد دبرت روحي خذيت كتاب بنت عمي اكبر من بسنة و كتبها ماشالله كاملة و اجابات نموذجية






البوقة الثانية

انا لي طبع ( بس هديته )

اول ما ينزل راتبي
اسحب منهم 200 طواري

واخشهم بالبيت داخل بوكس عندي


يعني لو طبيب لو وجبة لو ماعندي اسحب ولا ماعندي وقت و بنفس الوقت اني انساهم الا حزة الضرورات

كانت عندي سيلانية حناانة جنها عيوز بايقين عشاها

كان معاش 45 عطيتها 50 قامت اتحن ابي 60 عطيتها بعدين قامت اتلمح تبي زيادة ( كل هذا بشهرين تخيلو )


المهم قلتلها ماكو ماتبين انا اوديج المكتب


اسكتت


ولا قمت ببوكسي افقد كل مرة عشرين

يعني كل 5 ايام اتروح 20

تخيلو من 200 ليييييييييييييييييييييييييييييييييييييييييييييين وصل المبلغ 50

انا ادري انه مبيوق بس بتهم منوو ؟؟؟


مابي اقولها انتي بواقة و بعدين ما الاقي عليها شي


اللي خلاني ادري انها اهيا

200 كانو عشرينات شلون صارو 50 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ العشرة هذي انا عطيتها اياها راتبها توهاا كانت مرسوم عليها سبونج بوب

ههههههههههههههههههههههههههههههه


جان اقولها انتي باااايقة

و طار فيها ريلي المكتب بس ما تقعد


ادور بجناطها كل مرة ما الاقي عندها شي


اتهقون وين اتوديهم ؟؟؟؟