آنا أشك في زوجي؟؟؟؟؟؟؟؟؟؟؟

[جوليانا الحلوه]

ما في احلي من الصراحه

 

[كارلوفي فاري]

الله يسخره لج

 

[dectora 7elwa]

الله يعينج
شتواجهين وانتي ماعندج دليل بتخربين علىروحج
ولا تلحقينه ان طاح عليج بيعفس الدنيا ويقلبها عليج ويقوا انتي تروحين هالاماكن
عليج بالدعاء واذا في شي الله بيكشفه لج

 

[CheeSeCaKe]

أختي العزيزة ...

آنا راح أقولج ردي كأني آنا بمكانج ..

صح كلامج ممكن تشكين لكن ما عندج دليل ... انا اتفق معاج

لكن آنا شنو أسوي اسجل المواقف واحفظ .. وإذا كان فيه شي حبل الجذب قصير .. او حتى بذكائج راح تعرفين من كلمة عادية ونظرة بعد ..

وما في شي ينحل بالصراخ .. مرات النظرة بس والسكوت يهدد !!

وإذا ما في شي الايام راح تثبتلج ..


آنا إذا حسيت أن ريلي يتجاهلني ... ما ادري شنو طبيعه علاقتكم الزوجية ... لكن آنا بنيتها مع زوجي صراحة ... وممكن اعطيه اشويه وقاحة لووول علشان يحس بالمعنى عدل ..

يعني راح احال اتقرب ... إذا شفته لا والله مـــــــــــــــاله خلقي .. ويتهرب ..!! شالسالفة في شي !!

وراح أييها أقوله :" تعال .... تعال .... وأرزله صدري وأقوله هذيل موعاجبينك ... والف وأقوله هاذي مو عاجبتك ...!! "

وإذا رد وقال : " امبله " ------> وطبعا غصبن عليه مو طيب منا

راح أقوله :" ما أدري يعني بما انك مكتفي بمره بالشهر ترى فاهم الموضوع غلط ... فالكتب العلمية والجنسية تقول أن 3 مرات بالاسبوع هذا الطبيعي ..!! فإذا فيه شي قولي يمكن فيك برود جنسي ترى انا متفهمة ؟؟ "

جد بدون ما ابالغ ... راح اطلع الزبدة منا راح اطلعها .. لأني إذا سكت راح انقهر .. وإذا حطيت اعذار واجامل نفسي راح اتعب ...

فالصراحة حل حق كل شي

موفقة،،،

 

[بقــآيآ جـروح]

خمـــــــــــس سنين وآآيـــــــد الله يعيــنج نآآقشيه قولي له عآجبتك حيآتنه جذي
قولي شنو اللي مو لاقيه عندي خلنآآ نتغير عشآآن نقدر نعيش مرتآآحين
آنآ آخــآآف من الله وآخآآف تكون موب مرتآآح معي آو آنآ مضآآيقتك بشي
والدنيآآ مآبقى فيهآآ شي ونهآآيتنآآ قبر شبر بشبر ومحد نآآشد عنآآ غير اعمآآلنآآ
وآنآ ىحب نفسي وآحبك وآحب لنآآ الخير قولي آنت فيك شي حى لو تحب وحده ثآآنيه قولي رآآح
آفهمك بس لاتخلينه معلقين ترى آنآ صآآبره ومستحمله لا ان مآآشفت منك الاكل خير
واتمنى لك الخير كله واتمنى الله يكون رآآضي عليك وتكون قدوه لولدك انت تدري انك مقصر معي
وآنآ لليوم مستحيه اسئلك عندك سبب مقنع قولي لا ان خمس سنين وآآيد
ومآآحس اني بقدر ىعيش عمري البآآقي جذي خل كل وآآحد يشوف طريقه والوجه من الوجه آبيض ان شآءالله
انتي شوفي نفسج بتستحملين بعد عندج صبر عآآجبج يجي الفجر وبالشهر يجيج مره وعندج ولد وآآحد
الحمدالله الله يخليه لكم وبالنهآآيه اذا تبين تنهين كل شي وتحطين النقآآط ع الحروف وتعرفين سوالف زوجج
الحقي العيآآر لي بآآب الدآآر رآقبي تلفونه جيكي ع ارقآآمه آطلعي يومين لهلج وحطي كآآمره بالبيت شوفي
شنو يسوي بغيآبج شنو اللي يحبه شنو اللي يكرهآآ رآآقبيه ترى حلالج وآنتي تبين تحآآفظين ع بيتج
يمكن لي عرفتي تقدرين تغيرنه بطريقه غير مبآآشره بدون مآآيحس وآنآ قلت
لج وجهة نظري الشخصيه اللي لو بمكآآنج
بسويهآآ لاان الحيآآه مآآتوقف ع آحــد وكم عمره بنعيشه بهم وحسره ​

 

[جذابه بنت ذيابه]

خلي كل شي على الله سبحانه ..



ولا تبحثين وراه بتتعبين اسالي مجرربه

وصدقيني مرده ربي بيكشفه لج ..@

وخلج مره عاقله صابره وذكيه فكري بعقل


وماتقدرين تمنعينه حتى لو انه يطالع او يكلم او او او الله لا يقوله ..@


ومع الايام بيتعدل ان شاء الله .. بس اذا طحتي عليه واجهيه عشان ماتتعب نفسيتج

 

[DaSh^_^teYa]

واي الله يعينج هالشي راح يكدرج وايد شيليه من راسج وعيشي حياتج لنفسج ولولدج وادعي حق ريلج بالهدايه والله يسخره لج

 

[Tutti-Frutti]

الله يعينه ويصبرج ويهديه

 

[artedc]

السلام عليكم ورحمة الله وبركاته
مشكورين واايد على نصايحكم واهتمامكن لموضوعي راح آخذ بكلامج ( داش تيا) راح أعيش حياتي مع ولدي وهو أخليه اسم زوج عندي بالدنيا اذا هو موراضي يعقل على نفسه جنونه و الله يبعد عني نتايج أفعاله

 

[Laidy n3ooma]

انشغلي باشياء ثانيه ..

قعدي فبيت هلج .. لاتردين على مكالماته من اول مره .. خله يدق مره مرتين .. الثالثه قولي له مشغوله شوي ..

ترا يمكن لانج وايد مهتمه فيه وانتي اللي تطلبين منه .. وتنطرينه فمل منج ..

انا اللي اشووفه عند رفيجاتي اللي اطنش ريلهااا هو اللي يتلزق فيها ويحن بالاتصالات ..

واللي العكس تلاقين ريلها مايرد عليها وكله برا ولايعه جبده يحسهاا لززززقه ..

جربي انتي ..

وشيلي هل فكره من بالج .. وتاكدي ان اذا يسوي شي من وراج ربي يكشفه ترا مافي شي يدوووووم بالخش وبيي يوووم وبيبين سبحان الله بدون تفتيش وبدون ماتغثين عمرج

 

[نذرت الحب]

الله يعين اقلوبنا احنا يالحريم
كله بس شاكيين بهالرياييل واحنا من حقنا انشك لان اغلب اارياييل جذي
لو زوجته ملكة جمال هم اتلاقينه عينه زايغة...
ما يملي عينهم الا التراب...
ومن هالسوالف الي نسمعها اشلووون ما انشك اشلون ..

 

[نووونتها]

عسسى الله يهديهـ و يسسخره لج يآرب العالمين :yaaaaaarb:
اي واللهـ حبيبتي كثري من الاستغفار و بتشوفين اللي يسسرج بإذن اللهـ :eh_s(7):

 

[artedc]

السلام وعليكم ورحمة الله وبركاته
مشكورين وايد على مروركم راح ألهي نفسي مع ولدي والبيت
تعرفون سئلت نفسي اذا طحنت عليه بشيء شنو أبي أسوي وقتها آنا ما أبي أخرب بيتي وخاصة بينا ولد آنا فوضت أمري لله سبحانه وتعالى أبي تستقر نفسيتي والحمد لله على كل حال