[ آنتي متزوجةة ؟ آنزين ليش مآ تكشخين ! « طموشةة تحش فيكم ]

[DaLoo3t BaBaTii]

.



مشكورين ع آلمرور

.

 

[صمت المرافئ]

صاجة والله
:eh_s(17): موضوع حلو ... والردود حلوة وعقلانية :eh_s(17):
معاج بكل كلمة ...
وايد فهموا كلامج غلط ...
الكشخة مو معناتها الزينة الزايدة
تقصدين الذرابة ... والنعومة ... والنظافة ...
والمرة لازم تتصف بهالصفات ...
بعض الحريم ... استغفر الله لما تشوفينها مع ريلها
تعززين لحاله ...
اهو في قمة الترتيب والذرابة والنظافة ... والرشاقة مرات ...
واللي معاه عكسه بالضبط ...
ميخالف لا تزينين ... لا تحطين مكياج ...
بس قليلا من الذرابة والانوثة والنعومة ...
والاهتمام باللبس وترتيبه ونظافته ...
وياليت شوية اهتمام بالرشاقة :bbbiu:
​

 

[DaLoo3t BaBaTii]

مشكورة ع المرور

 

[om al ghaleen]

.., صاجه والله شي يفشل
انا مع ريلي اكشخ واحاول اطلع بصوره مرتبه
لانه ماابي احرجه ماتدرين بتفكير الريال

اما بروحي لا ابدع بس ماتوصل للدراريع والعبايه تخم الشارع .. الله يسلمج الوي يصير اجلح املح ولا شي
مااحب اكشخ للغرب وبالطقاق بتفكيرهم !!

 

[cuteya1986]

موضوووعج حلوووو وصاجه بكل كلمة ....
انا فعلا انزعج من الي تلبس عباة راس وتكون طويلة ويااااحظج لو انتي وراها وفي احد وراج يعني شتسوين عشان تطوفين هههههههههه مالج الا انج تدوسينن ع عباتها وتكملين لول
صرااااحه
يعطيج العافية واتمني من كل المتزوجات يهتمون بشكلهم ومظهرهم داخل وخارج عش الزوجية بصحبة الزوج او من غيرها
يعني المطلوب مظهر نظيف ومرتب ع طووول الله يرزقنا جميعا هالشي ولايغير علينا ويخلينا حلوين طيبين بعيون ازواجنا

 

[انسام الكويت]

لاتحكمين عليهم جذي يمكن ريلها قايلها لاتكشخ والعبايه لازم تكون طويله وغيره من اموره

ويمكن تلقينها اذا طلعت سوق مو شرط تكشخ اهي رايحه تتسوق مو تستعرض لبسها وجنطتها وكشختها

كل مكان وله لبسه ماتدرين يمكن فبيتها كشخه وحلوه وتبدع بالحركات خو بعد بتكشخ لريلها مو للناس

والاهم ياجماعه كل وحده تلبس اللي تبيه لحد يحكم هالثاني بطريقة اللبس وغيره من امور كشخه بعدين

يمكن اللي انشوفها ذابحه نفسها بالكشخه بالبيت تكون عكس مهمله ومومرتبيه فلا نحكم ع موقف واحد

لانه ماندري شنهي طريقة لبسها وكشختها فالبيت وغيره وبعدين ملاحظه هالجيل وايد مشتط عالخبه والكشخه

بكل حزه لازم الوحده تكشخ على عشر سنقات اهم شي الوحده تكون مرتبه ونظيفه اما الكشخه والتزقرت المبالغ فيه هاذا

حق المهووسين اللي شغلهم الشاغل اللبس والماراكات والتزقرت ههههههههههه

 

[عسولة الشام]

هههههههههه موضوع قمة في الروعة
والله العظيم في بنات طبيعتهم كانت هيك
اي مثلي عادي مثلي قدامه أنك دلوووعة موت
كلميه بصوت منخفض .. ولما تطلعي معاه خلي الكل يقول ياحظه في زوجته
مو ضروري التبرج بس العناية والمشسية المعتدلة واللباس الراقي هاد يلفت نظر اكثر بكثير من التبرج
ولو عاندك في مكان عام لا تردي ليه وقولي تأمر وبس رجعتي البيت تناقشي معاه
مو ضروري فضايح قدام خلق الله
والله العظيم استغرب باللي اصواتهم عالية برا البيت ..
صدقا بتسقط اخر نقطة من انوثة البنت بهالطريقة لأن اولا حرام وثانيا بتحسها مسترجلة جدا

 

[بانانا]

صج في نوع من الحريم تشوفينها تخترعين الله يعين زوجها وعيالها ويعينها على نفسها
وتشوفينها ماشيه مع الخدامة مرات
الخدامه ارتب واذرب منها
انا وحده بالطلعه ساعات بدل واسعهوساعات عبايه بس لازم تكون مرتبه ومكويه مااحب اطلع مبهذله

 

[اهذريبك~]

كلامج عين العقل و الوحدة مو لازم تتنظف عشان زوجها عشان نفسسسهاا وبس

 

[سارة ة]

ههههههههههههه مو صج

 

[DaLoo3t BaBaTii]

.



مشكورين ع آلمرور

.

 

[ناتشوو]

بس بنات احقاقا للحق
ومو دفاعا عن المبهذلة بالاماكن العامة
ترى
الوحدة ام طفل واثنين او الغير متزوجة لا تقارن بأم العيال خاصة اللي عندها من كل الاعمار
والمراحل السنية
لا واللي الزوج ساحب ايده من مسؤوليات البيت والعيال
مسؤولياتها كثييييرة
تلقينها تطلع السوق
فلانة تبي جوتي
وهذي تبي باند شعرها
والعيال يبون ملابس داخلية
والخدامة تبي
والمطبخ يبي
وتلفونها مايوقف اتصالات
يمة وينج
ولي ردت ناطرينها تودي وتجيب
اغراض مدرسة وطبيب
فآخر همها يصير شنو البس ونظرة الناس لعباتي المغبرة ونعالي اللي انتهت صلاحيتها
انا مااقول تصرفها صحيح
بالعكس
علشان نفسها وصحتها وعلشان عيالها
لازم تتركد
لا تحمل نفسها فوق طاقتها
لانوثتها حق عليها
وعيالنا غالين بس احنا نعيش معاهم مو من اجلهم
هذي العبارة للتربوي ابراهيم الخليفي حفظه الله
وحيل احاول اطبقها
بس فعلا الدنيا علمتني لا احكم ع الناس من الظاهر
كل واحد له ظروفه وبيئته واسراره وهمومه
ماتدرون
هالمغبرة هذي
كانت صغيرة تحب تكشخ ومحافظة ع جمالها وبشرتها
بس ماقامت تلقى وقت لنفسها وماقام يهمها لان همها اكبر

 

[miss.charm]

انتي الي وصفتيها وصخه
مو ،، موكشخه
انا ريلي مايرضا اطلع معاه واحط ميك اب
حدي خطة حاجبي*
ولاتعطرين ولاتلبسين كعب ملفت
وعباتج واسعه*
بس ما اوصل لدراعه بيت او زنوبه

لا فلات ذرب عباتي واسعه وساده مرتبه

موشرط اطلع متبرجه عشان املي عين زوجي
لان زوجي يبي السنع داخل البيت*
طالع معاي مايستعرض فيني

بس حبيت اوصل نقطه
في فرق بين الكشخه والنظافه

:ggdw::ggdw::ggdw::ggdw::ggdw:

 

[BraZiLeya]

لوووووووووووووووول صح كلالالالالالالالامج والله مرات اقول شلون يجابلهاااا شكلها فلم !

الوحده لازم تكون مرتبه مو بس بره البيت همن داخل البيت تتكحل و تلبس بجامه مرتبه شي !! مو جنها مريضه :\

 

[وآحشنــي زمآنـك]

أناا موو بس تلوع جبدي أووصل لمرحله القرف ..

لااا واللي تجيج عبآتهاا معلووجه من فووق شنو قآعده على كتوفج لووووووول ..

مررره شفت وحده لآبسه ترينق واتمشى مع زوجهااا وكل شوي ترفع بهالبنطلون وتربط وع وع وع منظررر كلش موو حضآري ..

 

[DaLoo3t BaBaTii]

.



مشكورين ع آلمرور

.

 

[شهووووودة]

انا طموشه حالي حالج ...

اممممم .. اتوقع البيئه اللي اهيا عايشه فيها قبل لا تتزوج لها دور كبير ...

يعني انا الحين لبسي بين بدل و عبي ... عادي ع حسب المزاج ... بس طبعا اهم شي يكون ساتر ...

انا اشوف امي ... ما شاء الله عليها مهتمة بروحها ... مستحيل تلبس دراريع جذي تحت العباية ... و معلمتني ان ما اخلي العباية تسحب وراي لان شكلها يصير مبهذذذذذذذذذذذذذذل و تخمين الارض و انتي تمشين!!!!!

 

[احلا المزايين]

فيه حريم اتكشخ برة البيت وبالمسايير وابيتها مهملة والعكس صحيحانتي شدراج هالمرة شمو داخل بيتها وهاذا الاهم شدراج مااتكون قمة الاغراء باللبس ابيتها وبرة عادية
بس عاد مو عباية وصخة وزنوبة لا مرتبة ونظيفة
وانا احس انج ماتلبسين عباية راس واتطنزين ع يلبسون عباية راس
ترا الريال يتمتع بالستر ومايحب احد يشوف زينة مرته وعادي عنده مولازم تكشخ برة البيت اهم شي داخل البيت واهني الحجي

 

[احلا المزايين]

وقال تعالى لا يسخر قوم من قوم عسا ان يكونوا خيراً منهم ولا نساء من نساء عسا ان يكن خيرا منهن

ماتدرون يمكن هاذي عند الله احسن مني ومنج
ويمكن حظها احسن من حظي وحظج
ومايجوز انتمسخر علا خلق الله
موضوع للمسخرة والتطنز كلش مو هادف

 

[DaLoo3t BaBaTii]

لوووول مشكورة على ردج (( الهادف )) :d