آول يـوم دوااآاام ... رعــب ...توتـر ... قولي تجربتج !!

[@@روح الورد@@]

الدوام اشكال والوان من الناس و لا تثقون بالبنات انا اجرحت من اعز رفيجاتي

 

[Amaloosh]

الله موضوع حده عجيب انا راح اتابعه عشان استفيد من خبراتكم لين اتوظف انشالله

 

[آلسحرآلحلال]

ههههههههههههه

فديتكم بنات ومشكووورين على التشجيع ..

اشوة طلعت مو بروحي المتوترة ..

الله يوفق اللي توظفو .. ويرزق النااااطرين ... آمين


آب

نبي بعد حيااااكم ...~

 

[Dr. To Be]

انا رحت مو متوترة عادي بس يمكن لو متوترة وايد احسنلي
تخيلو اول يوم محد معبرني ولا يسولفون معاي ولا شي حاقريني تماما ! والله قعدت 5 ساعات بس مجابلة موبايلي الشحن كان متروس على مارديت البيت احمر ! اصلا اول مارديت قلت حق ابوي بقم استقالتي من كثر المأساة ! وتميت اسبوع كامل جذي الله يسامحهم البنات الي كنت معاهم شدعوة يعني مايذكرون اول يوم توظفوا فيه ؟ وبعين نقلوني مكان يديد ياحلوووووهم البنات ايننووون والله لو تامة مناك جان من صج عاي استقيل

بس نصيحة اول يوم اخذي معاج موبايلج وشاحنه فل

 

[توفـــا]

انا الحين صارلي 4 شهور ماشاءلله صج الايام تركض واحنا مانحس فيهاا وبالنسبه حق اول يوم لا تشوفين ويهي:s142:
منصدمه متنحه مادري شلون صج كنت مرتبكه وايد يعني نفس السوالف الي تفكرين فيها البنات وعلي الدوام وشلون المسؤول و و و يعني الف فكره وفكره تطري في بالي ورحت من الصبح امبجر دخلت اول الناس من الخرعه هههههه انلطعت علي ماوصلوو عاد بعدين كلمتني المسؤوله وقالتلي مكاني وانا طول اليوم قاعده انا والكرسي واحد لاني انا كنت بروحي اليديده الكل كانو من زمان ضاق خلقي الحين في بنات يدد معاي احسن اشوي من قبل واهم شي انا مرتاحه الحمدلله ​

 

[آلسحرآلحلال]

Dr. To Be


ويييييي الله يستر ماحب الحركات هاذي ...~


توفـــا


اذا عن التناحة انا ام التناحة ... لاتشوفين ويهي اذا متوهقة يااااساااااتر
الله يعدي هاليوم على خير وحب الدوام

 

[& MALAK &]

انا بيصيرلي 5 شهور من توظفت

ذكرتيني باول يوم ..

انا طبعا رحت الدوام ومو نايمة الا ساعتين من كثر ما التفكير ذابحني

اول ما دشيت هناك كان معاي ابوي اول يوم اهوه موديني ورحنا الشؤون الادارية وقالولي ادارتج اللي بتداومين فيها بالطابق الثاني عند فلانه مسؤولتج ورحنا وما لقيناها ما داومت قالوا ما اوصلت للحين ووحدة من السكرتارية ودتني المكتب اللي بشتغل فيه وعرفتني على البنات جان يقولي ابوي خلاص انتي نطريها انا بروح اخلص لي جم شغله وارد لج انا اهني بغيت ابجي لووووووووووووووووووول حسيت نفسي بالروضة قلتله لا اذا بتروح اخذني معاك وبعدين نرد اهني قال ما يصير انتي اموقعه تحت ( لان اول الايام توقيع بعدين يشغلون لج البصمة ) قال يعني انتي امداومة الحين ما يصير تطلعين قلتله لالا اقعد معاي ههههههههههههه مسكين ابتلش بعد عمري

المهم ما راح ابوي فديته نطر معاي عند السكرتارية ويوم اوصلت المراقبة دشينا انا وابوي سلمنا عليها وقلتلها انا شهادتي دبلوم محاسبة وجذي جان تغير مكاني ( غيرت القسم ) قالوا البنات وييييي حسافة نبيج عندنا لووووووووووول حسسوني ان عندي دكتوراه بالمحاسبة بس طلع قسمي المكتب اللي اقبالهم لان كلنا نفس الادارة والحمدلله البنات هم طلعوا زينين معاي المهم ابوي مشى ويا وقت الريوق انا طبعا ما تريقت معاهم كنت متريقة بالبيت بس شربوني عصير غصب وكل ما مر راعي العربانة شرولي كاكاو وعصير ههههههههههههههههههه وناسة وكله على حسابهم وانا اقولهم مابي واهما لا مو بكيفج يقولون لي وشاي وقهوه ونسكافيه وااااااااااااااااااااي وناسة اول يوم طبعا ما علموني على الشغل كنا بس قاعدين ونسولف لما وصل رئيس القسم وناداني قعدت عنده اشوية وكانوا ايوون عنده شباب يقول هذول معانا بالقسم ونفس شغلنا وعرفني عليهم وبعدين رديت حق البنات ووحده منهم علمتني على الاستئذانات والاجازات العرضي (الطارئة) والدقايق والطبيات والبصمة لووووووووووووووول من اول يوم واهيه نفسها يزاها الله خير من ثاني يوم علمتني على الشغل والله وما قصرت معاي كفت ووفت

المهم قبل نهاية الدوام بساعة ياني ابوي الدوام وكان رئيس القسم عند المراقبة وابوي كان عندهم ونادوني وقعدنا نسولف اشوي جان تقولي المراقبة انتي توقيع والا سوولج البصمة قلتلها لا توقيع جان تقول حق ابوي خلاص تقدر تاخذها وتروح ومن باجر اتداوم رسمي اهيه معانا وتطلع معانا ( يعني ماكو دلع ههههههههههه )

ادري قرقت واااااايد بس ياربي للحين اول يوووم في بالي كان احلى يووووووووووم

 

[آلسحرآلحلال]

^^


وااااي حسستيني دوامت

انا قايلة حق امي ابيج معاي مالي شغل < جني اول يوم مدرسة

ودشين معاي الادارة لووول ...


انزين سؤال بسيط وغبي < بس شسوي ماعرف

شلون طريقة الغياب و المريضات وطارئة ؟؟؟

 

[& MALAK &]

^^


وااااي حسستيني دوامت

انا قايلة حق امي ابيج معاي مالي شغل < جني اول يوم مدرسة

ودشين معاي الادارة لووول ...


انزين سؤال بسيط وغبي < بس شسوي ماعرف

شلون طريقة الغياب و المريضات وطارئة ؟؟؟

لووووووووووووووول ايي اول يوم وناسة تكونين متوترة اشوي بس بعدين عادي

بخصوص سؤالج

الدقايق: لج 105 دقايق بالشهر يعني الدوام 7:30 انتي امبصمة داومتي مثلا ثاني يوم 7:35 بصمتي يخصمون من الدقايق ويصيرون 100 دقيقة وجذي وكل شهر تنزل لج دقايق يدد واذا خلصوا الدقايق وداومتي متاخرة بعد الـ 7:30 يحسبون عليج تأخير وفيها خصم

الاستئذانات: لج بالشهر 12 ساعه استئذان ويحق لج تطلعين 4 مرات استئذان بس بالشهر يعني كل استئذان 3 ساعات وتقدرين تاخذينه بداية الدوام يعني مالج خلق تداومين 7 ونص تداومين 10 ونص وتسجلين استئذانج وفي العكس تطلعين اخر 3 ساعات من نهاية الدوام ( طبعا على حسب المسؤول اللي عليج يعني احنا المراقبة عندنا عادي متساهلة معانا اقدر اخذ استئذاني اكثر من 3 ساعات يعني مرة انا داومت الساعه 12 الا ربع وسجلت استئذان عادي وافقت عرفتي )

الاجازات الطارئة (العرضي): هذي 4 أيام بالسنة وتاخذينها بعرض الاسبوع يعني مايصير تاخذين اليوم يكون قبله عطلة او بعده عطلة يعني مثلا العرضي مايصير يوم احد او خميس (في ادارات متساهلة بس احنا مكانا لا) طبعا الاجازة الطارئة ما تقدمين عليها رسمي عادي ما تداومين يوم الاثنين مثلا وتداومين يوم الثلاثا يدزون لج الشؤون الادارية ورقة افادة مالت غيابج امس عاد تكتبين اجازة طارئة وتوقعينها من مسؤولتج وخلاص يحسبونها لج طارئة

المرضيات (الطبيات): لج 15 طبية بالسنة طبعا الافضل لج كموظفة يديدة غضي النظر عن الطبيات واستخدمي العرضي احسن لج والاستئذانات والطبية بالتليفون اتدقين على رقم آلي مال الخدمة المدنية وتدخلين رقمج السري وبس تراجعين المستوصف اللي يمكم وتكون الطبية موجود بالسستم عند الدكتور ويسوي لج برنت عليها انا للحين ما استخدمت الطبيات لان بفترة تدريب ومابي العين تصير علي عشان التقييم وجذي لان يكون شهري التقييم بالنسبة للموظفين اليدد ولمدة سنة وبعدين يصير التقييم سنوي

والله يوفقج

 

[نور الضي]

مبروك سحوره
ما بغيتي
اول يوم داومت ساعتين وتعرفت علي الاخصائيه اللي معاي
يعني بديت اخذ علي الوضع شوي شوي
خليج عاديه تري الوظيفه ما تخرع
بالعكس وناسه
انا ابي العيد يجي بس عشان وراه الدوام
معاش و جمعه بنات
بس لاتطيحين الميانه وايد
خليج رسميه
عشان لا تصير لج مشاكل
ضحكي وسولفي واستانسي بس بحدود
موفقه

 

[آلسحرآلحلال]

& malak &

فــــديتج ولله تعبتج معااااااااااي
بس تحملوني توني غشيمة ...~
عطوني شهر شهرين واصير توووب لووول




نور الضي

اي ولله مااااابغيت ماااااااابغيت

<< تبجي ....

 

[آلسحرآلحلال]

آب


آب

 

[law love]

اول يوم
طبعا ابوي و صلني
بس خلاني ادش بروحي لان اصلا يا معاي المقابله فكان الوضع اهون شوي لاني عرفت ادارتي

رحت سويت مباشرة عمل وعطوني ورقه فيها معاشي و قرار التعين عقب رحت ادارتي
لا تشوفين شكلي اول شي فييني بجوه :eh_s(16):
لاني ما استانست بالعطله بسرعه داومت

رحت حق المدير سلمت عليه و قالي راح يعلمونج الشغل و من هالحجي و وصاهم ايبونلي مكتب و تلفون و ادوات مكتبيه

عاد يوم رحت الدار الي فيها مكتبي تميت قاعده على اقنفه و منزله راسي العب بالتلفون

طبعا و لا كلمه
صمت الرهييييب


بس اطالع بعيوني


كان معاي شباب بنفس المكان و هالشي زاااد المستحى و الاحراج


تميت على هالوضع فتره طوييييله


طبعا بالبدابيه بتكرهين الدوام و راح تفكرين بالاستقاله لكنها فتره و تعدي و تتعودين على الوضع


و ليلحين بس احاجي الي حوالي ومرتاحه جذي


نصيحه الثقل ثم الثقل ثم الثقل
و الرسسسسسميه
لا تطيحين الميانه الا عقب فترة حتى لو حسيتي انهم حليوين



طبعا احلى شي اذا صارلج فتره بالدوام الي معاج يصارحونج و يقولونلج شلون كانت نظرتهم لج :s141:

 

[آلسحرآلحلال]

ههههههههههههههههههههههه

اهم شي نظرتهم لي ... احسهم بيقولون مغرورة وشايفة نفسها

هههههههههه

المهم ما اكره الدوام

 

[Queen_Angel]

موضوعج حلووو >> حزب الطماشه للحين طالبة..

بس حبيت اقولج لا تخافين استانسي ليش تزعلين عمرج ان عجبج المكان قعدتي واذا لأ خلاص وموفقة ان شاء الله,,

 

[آلسحرآلحلال]

^^

ذوقج اهو الحلووو ...

ان شاءلله احبه وبحبة غصب عني لووول

لي سنة بطالية مليييييييت

 

[نور الضي]

uppppppppp

 

[شـو shoo]

رد : رد: آول يـوم دوااآاام ... رعــب ...توتـر ... قولي تجربتج !!

اه يااسحورة لا تذكريني تكفين قااعد احااتي هاليوم !

يااربي اتخيل تنزل علي التناحه وماافهم الشغل !!!

او ماتعجبني الادارة والمكان او اللي فيه او او او ...........

كل شي يطري باالي الله يستر

 

[آلسحرآلحلال]

uppppppppp

فديت اللي نورت مووضووعي ..~

 

[آلسحرآلحلال]

رد: رد : رد: آول يـوم دوااآاام ... رعــب ...توتـر ... قولي تجربتج !!

اه يااسحورة لا تذكريني تكفين قااعد احااتي هاليوم !

يااربي اتخيل تنزل علي التناحه وماافهم الشغل !!!

او ماتعجبني الادارة والمكان او اللي فيه او او او ...........

كل شي يطري باالي الله يستر

امبيه مثلي بضبـــــــــــــط
كل شي ولا تناااااحة مو وقته