أبغى أتحول من جيكره إلى جذابه؟؟

[Unusual]

حبيبتي اعتني بنفسك ،، ترى العناية الدائمة والمستمرة تخلي الوحدة مثل العرووووسة ..

استخدمي كريمات واقنعة وغسولات وجه صابون بيزلين حلو للتفتيح ..

كل شهر روووحي الصالون .. ودلعي عمرك ..

شعرك اذا امك مو راااضيه تقصيه .. وانا اشوف ان طوله حلو ولا حظي اغلب الفنانات شعورهم لنص ظهورهم ..
تقدري تلعبي فيه قصيه مدرجاات من ورا وقداام .. واصبغيه بلون مناسب لبشرتك
واذا انتي من جدة روحي لصالون نوارة فنانين في الصبغات ..

اتعلمي كيف تبرزي ملامحك بالمكياج اذا تقدري ادخلي دوورة
شوفي اللحين كلية دار الحكمة عندهم دورة المكياج الاحترافية
لمدة شهرين طبعا اذا كنتي جداااوية ..

واذا ماعندك قدرة ،، اتعلمي من اليوتيوب مليان درووووس ..

استخدمي في مكياجك الوان فريش وفرايحيه تناسب بشرتك ..
والبسي لينسز بصراااحة تحلي العين ..

سووووي اي شي انتي نفسك فيه ولاتقصري على عمرك وراااح تطلعي جذابة وملفتة ..

 

[بنوته كيكه]

جيكره حرام تقولين جيكره
اهم شي خلاق عندج ودين بخصوص الحواجب سوتي لج تحديد يعني شغلات عاديه

 

[athory]

لآ حول شفيهم النآس مآيستحون !

شدخلها تقول لك جيكره و مآ جيكرة ..~

اللي تقول لك كذآ فشليها قولي لها من زين عصاقيلك و لا من زين كشتك دوري أي شيء عشآن تآكل تبن < وحده أخلاقها قآفله

المهم نجي للأسآس

انتي مو حلوة ؟! ~

خذي لك نيتروجينآ غسول و قنآع يشد بشرتك و يصفيهآ

و اعتمدي لك ميك آب سمبل و اهم شيء اسنآنك و حوآجبك ترى حيل رآح يحلونك

و اذا تقدرين تآخذين عدسآت ..’ شوفي لك عدسآت لونها ينآسبك

و قصي شعرك و صبغيه لون بني غآمق رآح يفتحك و تحسين بالانتعآش اصلاً لأنك تغيرتي

و اهتمي بأظآفرك منآكير و كريمآت للجسم و عطور حلوة

إذآ جربتي كل هالأشيآء و مآ صرختي ..’ أنآ حلوة

تعآلي قآبليني

والله يوفقك و يزينك بعينك و عيون النآس يآ حلوة

 

[لولو كـاتي]

صدقيني ماتوقع في بنت شينه

لكن لو تتضبط الوحده وتعرف شلون تظهر جمالها ماقولج بتصير حلووه لكن على الاقل مقبوله او مملووحه

البنات ماقصرو وياج واذا تبين تتواصلين وياي تفضفضين ونسولف بهالموضوع راسليني خاص

 

[سبآكة ..~]

اذا انتي بطه اهني المشكله ضعفي لان المتن يخفس الملامح على سبيل المثال اانا
يومني كنت ضعيفونه شكلي حليو اما الحين تقولين عجيز حول الاربعين
يعني لو كنتي بطه ضعفي
والبنات قااالو كل شي ماخلو شي ماقالوه
الله يجملج بعيون البشر
بعيون البشر اضحك واسولف ولا جنه فيني شي وانا المجروح واااه ياجرح موتني وانا حي }شطحه

 

[ابي اصير ممثلة]

يا حلو السمر والله خفيفين دم وقعدتهم تونس ما عليج منهم تلاقين غيرانين منج شوفي بشرتج لونها حلو صبغي لون اشقر وحطي عدسات زرق عجيبة بتطلعين

 

[*Berry Lips]

بصراااحة عندي احساس قوي انج حلوة و مو جيكره ما ادري شلون والله ..
و حبيبتي وااايد بنات يغارون من بعض و يحبطون بعض خلج منهم لا تهتمين و خليج واثقة و انا متأكدة انج مو جيكره بس متأثرة من كلام بعض البنات.. و اذا ع السمار اقولج استعملي خلطات طبيعية مثل ماي الورد و النشا و الروب و امورج راح تكون فالسليم صدقيني

 

[حلا بنت الغالي]

البناات افادوج ماقصصروا

 

[روح مغليهاM]

كل البنات حلوووووووين
حبووووووبه الناس مايعجبهم العجب يعني لاتهتمين من كلامهم
ماادري ليش احس انك حلووه بس حساااسه وماعندك ثقه
ترى الثقه وربي وربي تجذب
والله يوفقك اللبنات ماقصرو

 

[فجرر]

البنات كفو وو فو

 

[cute lulu]

حبيبتي عززي ثقتج بنفسج

واذا تبين تصيرين حلوه خو حطي مكيااج وتكشخي يا اخي حتى المعفناآآآآآآآت يصيروون قمووره بالمكياج واما عن طولج فالله يخلي الكعب



ومووفقه يا قميلة

 

[فلسفة جرح]

حبيبتي اهم شي ثقتج بنفسج هذا اللي يحبطج ويقولج ان انتي مو حلوه بالعكس لاتحطين هالفكره براسج اهتمي بشكلج واناقتج اذا حواجبج مو عدلين عدليهم قصيهم وشقريهم لان الحواجب تبرز الويه صج واذا اسنانج مو عدلين واحد فوق واحد تحت عدليهم هم هذا يبرز الويه وعندج الشوفان يبيض الويه ويصفيه اذا عندج حب الشباب وعندج ماسك الخيار والعنب هم يبيض البشره وهم التمر تاكلينه 7 مرات على الريق ويبيضج و عن الهالات السوده استخدمي كونسيلر كلينك او روحي عند دكتور شاطر والله مافي شي يطولج لان النمو خلاص توقف بس الله يخلي الكعب البسيلج من النوع الطويل علشان يطولج اكثر وترى مريح وايد قصي شعرج وصبغيه واهتمي فيه عندج زيت الزيتون تحطينه نص ساعه بعدها تغسلينه بالماي يصبغلج شعرج كركمي بس لاتحطين ببالج انج جيكره محد جييييكر بهالدنيا

 

[بيرزقني الله]

شوفي حبيبتي احسن حل تعطينهم طااااااااااااااف
وحبي نفسج يحبونج الناس واحترميها يحترمونج
نفسج الرقم واحد بحياتج
نصيحه

 

[بنت العقربيه]

الي قالت لك هالكلام ماعليك منها والله اذا انتي تشوفين نفسك حلوة لو كل الناس يقولون لك انتي مو حلوة ماراح تتاثرين اهم شي تكونين واثقه من نفسك انتي بنفسك قلتي انك تشوفين نفسك حلوة يعني لية تكبرين السالفه بس عشان وحدة الله العالم يمكن حاقدة عليك او على احد من اهلك وطلعت منها بدون ماتقصد وحبت انها تجرح مشاعرك اهم شي تهتمين بنفسك واكلك وشربك وتعدلين نومك نامي في الليل ولاتسهرين لانة هو السبب في السواد الي تحت العين وبس

 

[الحللللوه]

مووفقه

 

[Tom ♥ Jerry]

.


رآح آنقل الموضوع لـ قسم ( الاستفسارات الجمآليه ) !

 

[بدوردا الأموره]

مشكورات حبيابي كيفتو ووفيتو

بس ياليت الخيبرات يهالمواضيع يحاولون يساعدوني اسوي جدول عنايه

لأن كل مره اسوي احس ناقص واشك في نتايجه

بس اتمنى من وحده عندها خبره فعليه بهالامور انها تساعدني انظم لي جدول من بداية السنه عشان اخر السنه اشوف النتايج اللي بتطلع معي


رجاء ساعدوني بالجدول ولا تطنشوني

للبشره والجسم والشعر

 

[أعشقه]

والله ربي يعينك وانا اقراا موضوعك انقهرت من هالي تقولين يعايبون عليك
لاتردين ع اي احد منهم
وسوي الي قالو لك البنات وان شاء الله تشوفين التغيير
الله يعينك

 

[بدوردا الأموره]

والله ربي يعينك وانا اقراا موضوعك انقهرت من هالي تقولين يعايبون عليك
لاتردين ع اي احد منهم
وسوي الي قالو لك البنات وان شاء الله تشوفين التغيير
الله يعينك

يسلمووو حبيبتي ومنتظره احد يساعدني بالجدول :eh_s(10):

 

[روبنزيل]

البنات ماقصروا

وحبيبتي السمار والقصر ماله شغل بالجكر

ياما بيض وطوال يخرعون ( البعض طبعاً ههه)

تنظيف بشره + تشقير الحواجب وحف الشنب

+ مرطب للوجه + قلوس + ماسكرا

+ ترفعين شعرج عن الوجه بـ تاج او اكسسوار ناعم

+ تلبسين تراچي نتفه (مليانه بالصيدليات )

+ سوي بدكير ومنكير وصبغي اظافرج ( اذا عندج عذر )

ولبسي اي شي مرتب ويكون قياسج موضيق ولا كبير

وحطي لوشن أو عطر ريحته ناعمه وحلوه

والابتسامه تلعب دور يعني لاتكشرين

وصدقيني اذا ماصرتي مزيونه

عالأقل بتصيرين مملوحه وكلج قبله

والله كريم

وان شاء الله فدتج بشي بسيط

تقبلي مروري