السلام عليكم
انا عضوة قديمة بالمنتدى .. بس سجلت بنك غير ..
أدري انه احسن حل للمسلم اذا مر بمشاكل وهموم انو يلجأ لله عز وجل مدبر الامر كله وبيده الخير كله ..
بس مافيها اشكال لو الواحد استشار وأخذ اراء الناس وبذل الاسباب
السموحة بطول عليكم شوي
امي وابوي تم على زواجهم 25 سنة
بدت المشاكل من السنة الخامسة تقريبا
من وعيت عالدنيا وانا اشوف امي وابوي مشاكل مشاكل مشاكل
وابوي يطق امي جدامنا
كنا 3 عيال من بدت المشاكل لين صرنا 7
انا بنت بروحي وكله اصبيان
اعمارنا
25
23
18
16
10
8ونص
وانا 22
ابوي حنون وطيب بس اذا حقد مايرحم
يصير شيطان على شكل انس والعياذ بالله
شري شري شري
يصير شيطان على شكل انس والعياذ بالله
شري شري شري
يعني اهو كان زين مع امي ف يوم من الايام صارت مشكله وطقها
مشكله كبيرة وراحت المحكمة اطلبت الطلاق
وصار الصلح وتكنسلت القضية بس ابوي خلاص حقد على امي
ويقول صبرت عشانكم انتو ياعيالي
وتم حاقد على امي طول هل 25 سنة وطق واهانات وذل
وأبوي اساسا راعي بنات وعنده علاقات وأمي تدري وتسكت وصابرة عشان عيالها
وتحملت كثير المسكينة
اعتقد عرفتوا المشكلة بشكل عام ولا ابي اطولعليكم
لما تفاقمت المشاكل السنين الاخيرة وبالاخص اخر 6سنين
امي حاولت تصبر وماقدرت ,,
حاليا من 4 اشهر اطلعت من البيت ,, اهي و3من اخواني ..
واساسا واحد منهم الي اهو البجر كان طالع من سنتين ابوي نحشه من معاملته الخايسة
لانه حقد عليه
وعقب فترة طلع اخوي الثاني وراح سكن معاه
والحين امي اطلعت مع اخوي الثالث اصغر واحد ابو 8سنين ونص لان حيل متعلق بأمي
اخواني طلعوا من شقتهم الي كانوا فيها
وأجروا حق امي شقة في في بيت عوايل
لان اخواني كانوا ساكنين في شقق عزابية
المهم الحين امي و3 اخواني ساكنين بروح
وانا و3 اخواني مع ابوي ,,
ابوي تزوج من شهرين ..
واخواني يطلعون من البيت وأظل بروحي مع الخدامة ..
وامي ما اشوفها الا مرة بالاسبوع ومايخليني انام عندها ,,
ويقول امج مو ام اقوله اوكي مو ام بس بالنسبة لي احلا ام
ويسبها ويسب اخواني الي معاها
ومطلع عيني ومنكد عيشتي ,,
والحين لما عطلت من الكلية اخذ تلفوني مايبيني اتواصل معاها ولا مع احد من الناس ولا اقدر اكلمها واذا بكلمها اكلمها من تلفون الخدامة بالسر عشان قايل للخدامة يويلج اذاخليتي امل تستخدم الفون
واهي مسكينة راحمتني وتخليني ادق من فونها
طبعا بتقولون اني اقول انه حنون ليش جذي يعاملني
يعاملني جذي لانه حقد علي لانه كله اقول ابي امي وبنام عند امي واهو يحقد على الي يبي امي
واهي مسكينة راحمتني وتخليني ادق من فونها
طبعا بتقولون اني اقول انه حنون ليش جذي يعاملني
يعاملني جذي لانه حقد علي لانه كله اقول ابي امي وبنام عند امي واهو يحقد على الي يبي امي
انا لما كنت صغيرة صار فيني سحايا ,..عاد تخيلو يقولي ما خذاج ربي لما صار فيج سحايا ..
ويقول اشوا ربي عطاني بنت وحده له حكمت لو يجيج اي واحد ازوجج ياه وأفتك
اي وانا هاليومين لان نفسيتي تعبانة تعبت وطحت بالمستشفى
عاد اخوي وداني .. اليوم جاني ابوي يقول ها شفيج يقولون تعبانة قلت: الحمدلله بخير ونعمة قال : انا قلت ماتت
وقايل للخدامة لما قالت له امل تعبانة قال احسن لو تموت احسن بعد ربي يفكني منها ..
بتقولون ليش مارحتي عند امج .. انا سعودية وامي كويتية والحضانة على القانون السعودي عند الاب ..
وانا ابي امي ,, عمركم شفتو بنت تخلي امها وتقعد عند ابوها ..
ولا حاقد بعد ويتمنى موتي
قلت له دامك حاقد ليش ماتوديني عند امي اريحك وارتاح
قال لاتضلين عندي امج ماكو روحة لها
يعاندني ويعاند امي
وانا ابي امي ,, عمركم شفتو بنت تخلي امها وتقعد عند ابوها ..
ولا حاقد بعد ويتمنى موتي
قلت له دامك حاقد ليش ماتوديني عند امي اريحك وارتاح
قال لاتضلين عندي امج ماكو روحة لها
يعاندني ويعاند امي
الحين قولولي شسوي .. انحاش حق امي واقعد عندها وعند اخواني ولا اتم وأصبر عند ابوي ..
ابوي شري ومايرحم
ابوي شري ومايرحم
انا تعبت ابي حل
