أبوي الي بينحشني من البيت .. وأبي أمي اشتقت لها

[أمــــــــــل]

ويوفقج يارب

جزاج الله خير :*

 

[فووشيه كول]

الله يهديه
استغفرالله ادعيلا بالهداايه
والله مااعندي فكككره

مآحبيت أدخل ومارد عليج
سامحيني ماقدر أساعدج بشي

 

[فراشه بيضا]

الله يفرج همج
عندي فكره
اذا انتي ساكنه مع مرت ابوج كلميها
قوليلها بطريقه غير مباشره
مادري احس اهيا اللي ممكن تحن على ابوج ويوديج لامج
دخلي عليها من باب انه تبينها تاخذ راحتها مع ابوج
مادري اذا تنفع او لا

 

[أمــــــــــل]

فوشية

الله يجزيج خير ماقصرتي اختي

 

[أمــــــــــل]

فراشة

اهي ساكنة معانا بنفس البيت بس شقة بروح ومدخل منفصل عن بيتنا

انا لو بكلمها ماراح تعارض بس اهو من اول يوم قايل لها مالج شغل بعيالي

ومابيج تتدخلين بيني وبينهم وهي قالت له الي تشوفه

يعني بتقولي / انتي تدرين انا عادي عندي بس ابوج قايل لي مالج شغل بعيالي

وهي تخاف منه صراحه ,, مرة قالت لي انا اخاف من ابوج نظراته تخرع

قلت بقلبي الله يعينج ماشفتي شي

مسكينة

الله المستعان

جزاج الله خير :*

 

[فطوم 84]

حياتي الله يوفقج وييسر امورج. وترجعين لامج
ولحضنها. مشكله الريال اذا صار قلبه اسود


في ريايل اذا حقدوا. خلاص استحاله ينسي ويحن قلبه

انا نصيحتي مع خواتي. بالمنتدي. كلمي محامي شاطر وحاولوا تقولون انه خربوطي راعي حريم اويشرب او ......الخ. يعني اخلاقه شينه مو مضبوط
وامشوا بهالامور مع محامي

وانشالله يسقطون حضانته لج


بصراحه حرام تنظلمين معاه. يعذبج ويكرهج

او اذا تبين حل ثاني خلي امج تشوف خطابه ثقه وزينه وتحط بياناتج عندها هالشي موعيب ولاحرام بس تكون خطابه ثقه. وتخاف الله
وتشوف لج الزوج الصالح

صدقيني هذا احسن حل
انا مااييد بعض الخطابات بس للي نفسج ظروفج ابوج يمررج. لا والله
افضل حل خطابه واشوف حياتي ولا هالسجن. والتعذيب والتهديد وتنحرمين من امج

خل امج تسعي بموضوع زواجج. خاصة انه ابوج يبيج تتزوجين. قولي الحمدلله في بنات ابوها يظلمها ومانعها من زواج
انتي ابوج يتمناج تتزوجين
خل امج تسعي لهالشي

تسعي بموضوع زواجج

وتشوف لج عند خطابه ثقه ولد الحلال الصايم المصلي الملتزم.


هاذي نصيحتي والله يوفقج وييسر امورج. ويفرج كربتج اللهم امين*

 

[فطوم 84]

في شغله ذكرتها في لجان زواج عندنا بعد اهني

يسعون لتوفيق راسين بالحلال

خل والدتج تسعي انها تمشي بامورج حتي لو انتي مو معاها اهي بنفسها تقدر تمشي بموضوع زواجج

في هم خطابات عندج زينين

صدقيني بالوقت الحاضر واييد حريم اهي تسعي لتزويج بناتها وهالشي بزمننا خوف علي البنت وتحصين لها. موعيب انه المراه تسعي لبنتها

وشكثر بنات يتزوجون عن طريق الخطابه شكثر عرروس نحضرها بالصالات ويكون الزواج عن طريق خطابات او مكاتب. لجان خيريه وفي عندج لجنة زكاة العثمان وايييد اسمع عنها يمدحونها


والله يوفقج وييسر امورج ياالغاليه

 

[قاهره عذالي]

فطوم

الله يخليج

حبيبتي

الزواج مو حل

وهروب من المشاكل

الزوج شي مو مضمون انه يكون زين مو زين

وحبيبتي

مايصير تقول للمحامي ابوها يشرب وراعي حريم

حتى لو صج

مهما كان هذا ابوها

وسمعته من سمعتها

لو اختربت سمعته

منو يبي يخطب منه

الناس تكش

كلش ردج غلط

وحلج غلط

هي خل تستقر بالاول

ويطيح الحطب بين امها وابوها

والنصيب بكيفه

جا والا ما جا


هذا حنا تزوجنا وتطلقنا

لان الزوج شي مو مضمون

حرام بنت 22 سنه تحط اسمها عند خطابات ولجان زواج

وبعدين تدرس

والنصيب ان جا جا

مو لازم خطابه ولجان

توافيق ونصيب

وبعدين الزواج

شي مو سهل

الحين ابوها بالله جابت لها رجال من خطابه والا من لجنه

تظنين ابوها بكل هالحقد اللي بقلبه راح يسال عن الخطيب اللي جاي

يمكن يقطها عليه ويملج له بدون حتى سؤال وتطيع لها برجال مصيبه العن من ابوها معاها يصير

وتصير على راس البنت وتتبهذل زياده

الزواج قرار مو سهل

وش دراج الخطابات زينين الناس اللي عندهم

حبيبتي قرار الزواج مو لعبه

ويبي ركاده واهل يسالون واوضاع ونفسيه عند اهلها احسن من الحين هم فيه

البنت توها صغيره

مو عانس تدور رجال

وبعدين تدرس

 

[اموت بعيونة]

شوفي حياتى انتى يعني حاااولي انج تعاااملينة اوكىىىى و در بالج ترديلة طلب ولمن يكون هااادى وتحسين انج خلااااص سيطرتى علية طيحى علية وترجييية لمن يوافق انج تنامبن عند امج بالاول وبعدين غاااد انتى يعنى خلج عااال العال وياة بعدين قوليلة انج بتروحين عند امج
وتاكدى ان ربج بيحلها والله يووفق الجميع

 

[أمــــــــــل]

فطوم وقاهرة عذالي واموت بعيونه

اشكركم على الرد والتفاعل ..

أبوي صح راعي بنات وخرابيط بس مايشرب
هذا الي اعرفه ولانزكي على الله احد

ثاني شي انا فعلا ماقدر اعيش معاه

اهو واخواني يطلعون برا البيت واظل مع الخدامة بروحنا

والكل من عايلتنا مستغرب شلون بنت بروحها تظل بالبيت لو عند امها احسن

والله يطلعون من العصر لين تالي الليل 1 او 2 واحيانا لي بعد الفجر

وابوي يرجع على 11 يقعد شوي بالدوانية عقب يروح عند مرته

وبخصوص الزواج والله مادري تعقدت منه خوفي باجر يجيني واحد مثل ابوي ولا اردى

انا شنو اسوي بعمري

اموت بعيونه

والله ترجيته وبجيت يقول اي ابجي الدموع زينه تغسل العين

ولا هاذي دموعج دموع تماسيح اه منكم يالحريم مكارات < هذا كلامه

بنات ليش مو راضين تستوعبون انه حقد علي خلاص

صرت شي اسود بقلبه ويبي الخلاص مني ولو شنو اسوي ماراح يكون طيب معاي

وبنفس الوقت يعاندني مايبيني اروح لامي ويعاند امي بعد

احسن حل امي تسعى بسالفة المحامي ونعرف الاجراءات القانونية والله معانا ان شاء الله

انا ابي امي مابي اعيش معاه قاعد يظلمني ياربي عونك

 

[أمــــــــــل]

ابسط شي من حقوقي حارمني منه

ماخذ فوني عشان لا اكلم امي وربي مايصير ماقدر اكلمها

واذا كلمتها من فون الخدامة بالخش والدس جني احاجي اصبي مو امي

وربي صار بقلبي خوف وكله يرقع واذا سمعت صوته قلبي يدق بسرعه وأتوتر

امي ارتاحت وما ارتاحت

ارتاحت لانه افتكت من المشاكل وعوار الراس وما ارتاحت لان تبيني مسكينة قلبي متقطع عليها

اخواني الي معانا بالبيت متى مايبون يروحون لها راحوا لها بس انا بالحسرة

واذا قلت بشوف امي يقول ليش تشوفينها ماله داعي مسافرة امج توج شايفتها

واخوي ابو 18 اذا راح لأمي مايقول بروح لها اخذج معاي يروح يسلم ويتغدى عندها

تقول ليش ماجبت امل يقول مالي شغل فيها ولا لي شغل بالبيت

صار عندنا تشتت اسري ومحد له شغل بأحد ونفسي يا نفسي

حتى لما تعبت ذاك اليوم ورحت المستشفى اخوي ابو 16 يقول للي عمره 18

امل تعبانة ودها المستشفى يقول مالي شغل توني راد من برا وتعبان بنام

عاد لما نام .... اخوي بو 16 اخذ سويج سيارته ووداني كسرت خاطره

معدتي كانت تعورني وبجيت منها بجي أون ون شافني جذي وخذا السويج ووداني

امي تقوله انت ليش جذي اذا ابوك قاسي انت صير حنون معاها هذي اختك الوحيدة

يقول مالي شغل فيها ولا ف احد

 

[قاهره عذالي]

الله يهديه ان شاء الله

في بعض الرجاجيل ان كره الام كره العيال اللي جايبتهم منه

ابوج بس حاط الحره فيج انج تبين امج

 

[أماراتيةكول]

حبيبتي مب علي كيف ابووج انتي سيري عند امج احرم منة بصراحة
وانتي كبيرة موب صغيرة علشان الحضانة عند لابووي
ان تميتي ويا ابوووج بتتعب نفسيج وايد فسيري عند امج كلميهاا احسن لج

 

[شغب المطيري ~]

يآ حبيبتي يآ آمل ..

شوفي انتي خليج عند آبوج و تحملي لآنج اذا رحتي حق آمج آبوج يقدر يآخذج

فأنتي آكسبي آبوج و ليني رآسه على الآقل كل يوم آو يوم و ترك تزورين آمج

والله ان شاء الله يفرجهآ عليج .. و يرزقج بآالرجآل اللي يفرحج و يخليج تزورين آمج

يــــآأآآآرب .. وآنا مآراح آنساج بالدعاء ان شاء الله ..

 

[شغب المطيري ~]

اخوج ابو 18 ليييش مايآخذج تشوفين آمج

حرآآأم عليه هو يشوفها وأنتي ما تشوفينهآ

انتي كلمي آخوج حني عليه آبجي عنده يمكن يحن و يكون طيب معآج و يآخذج معآاه

 

[شغب المطيري ~]

حبيبتي آمل ليش ما تشتغلين

 

[فطوم 84]

قاهرة عذالي مشكوره ياالغاليه علي ردج لي

تاج راسي انا اقصد
انها تتزوج. ترتاح من الجو اللي ببيتها
انا ماقلت تتزوج اي واحد
ترا في لجان عندنا خيريه يكون رجل دين شيخ من المشايخ. يعرف مطاوعه وشباب ملتزمين. وزوجته وخواته يسجلون عندهم البنات ويتزوجون والله وايد لجان خيريه جذي
يعني تضمنين تاخذين شاب حافظ القران ويخاف الله
وترا في خطابات يخافون الله
انا معاج في نوعيه موزينه بس هم في خطابات يخافون الله

وتقولين الزواج مو حل

لا والله انا اشوفه حل
في بنات اعرفهم يذوقون الويل ببيوت اهلهم ولما تتزوج تستقر وتكون عايله وتصير ام

اولهم بنت انا اعرفها صار لها سنه متزوجه ببيت اهلها كانت عايشه بعذاب بخل اهانه من ابوها طق. ويوم تزوجت ارتاحت والله رزقها بولد حلال والحين عندها بيبي ولد شحلاته ماشالله

وفي شغله بعد انا ماقلت ابوها يسال انا قلت امها اللي تز جها لانها تعزها وتحبها

وبعدين انتي تقولين خل تحل مشاكل امها وابوها

خلاف امها وابوها ماينحل خلاص ريال تزوج ومايبيها ولا راح يردها

هاذي وجهة نظري يمكن انتي فهمتيني غلط

والله انشالله ييسر امورج ياامل

 

[ندى الذكرى]

ابوك يغارمن حبك لامك وكثر ماتحنين تبين تروحين لها
الحل تقربي من ابوك انت قلتي ان ابوي حنون وحاقد علي عشان ابي امي
بس انت اقلبي السالفه يعني بيني لابوك انك تحبينه وقوليله يبه انا مره احبك
وانا مالي غنا عنك اذا كل اخواني راحو عند امي انا ما بهدك وبيلس وياك امي عنها خواني
بس انت ابوي ومستحيل اهدك
وبطلي تقولين ابي امي وابي امي وتحنين عليه ادري صعب عليك بس تحملي
واذا دخل ابوك البيت بوسي راسه ورحبي فيه وقولي هلا باحلى اب في الدنيا ومدحي فيه كثير ترى الجال يحبون المدح
وانت راح تستفيدين واجلسي سولفي لابوك وضحكي وياه وسويلاه شاهي قولي سويتلك شاهي من اديني ياحلى اب في الدنيا
الله يخليك لنا ولا يحرمنا منك
المهم انت كذا بريتي في ابوك وكسبتي قلبه وهو راح يحس بحبك له وانك ماراح تهدينه وتروحين مع امك زي اخوانك
وبكذا دامك كسبتي قلبه تقدرين تسوين اللي تبينه وحتى لو طلبتي تنامين عند امك ما بيقولك لا
الامر بالبدايه صعب لكن خلي عندكعزيمه وكل شي يجي بتدريج يعني لا تتوقعين لما تسوينله كل هذا على طول راح تكسبين قلبه لا المساله يبيلها وقت وقوة عزيمه
وانت اصلا راح تستمتعين بهذا الشي
الله يكون بعونك ويهدي ابوك ويؤلف بين قلوبكم

 

[اموت بعيونة]

حياااتى امولة شوفي قولى حق امج ترووح حق محتتمى شاطر ومعرف وله سمعة بالامور اللى هى عن الحضانة وانتى كبيرة يعنى اكيد راح يخيرونج وحياااتى الله يوفقج و يخليج لامج حياااتى وانشاء الله الله معااااج و بعدين الله سبحانه وتعالى يقول اسعى يا عبد وانا معاااك ّّّّّترى ما ادرى اهو صح او غلط الصيغة بس انتى ابدلى الاسباب والله معاااج وحنا راح ندعيلج
وهونيها يااحيااتى وتهون

 

[هب العطر]

السلام عليكم

بدون مقدماااااااات حل اكيييييييييييييييد بإذن الله مليوووووووووون بالميه


طبقيه لمدة اسبوعين و ان ما استفدتي , تعالي اهني و شرشحيني بالمنتدى !!


بس بشرط تطبقينه عدل مدل بدون ولا غلطه , و بدون مايدري احد انج تسوينه








اقري سوره البقره في ماااااااااااااي , و خل الخدامه تحطه بالدولكه و توديه لأبوج اذا بغى يشرب ماي


حتى الخدامه لا تدري انه ماي مقري ,,


تييبين دولكه فيها ماي , تنفثين 3 مرات و تقرين سوره البقره , يعني ايه و بعدين تنفثين او ايتين او صفحه كحد اقصى .


اذا ما فهمتي راسليني خاص و انا ان شاء الله ما راح اقصر .


و اذا تبين واتس اب , ايضا ما عندي مشكله , و اذا تبين اتعرف عليج و اخذج معاي دروس دينيه و شوي شوي نقدر
نوصل لطريقه عبر مشايخ و مطاوعه يكلمون ابوج انا ان شاء الله راح احاول قد ما اقدر .


المهم خليه يشرب الماي , حطوه له مع العصير , مع الفيمتو , حطوه مع معطر الملابس اللي يرشه على ملابسه .


و انتي بعد شربي و ترششي من الماي .


و اقعدي خلال الاسبوعين لا تييبين له طاري امج ابداااااااااااااااا . اسكتي عنه .




هذا شي




الشي الثاني : الاستغفاااااااااااااااااااار ,, طول ما انتي قاعده استغفري بنيه ان الله يغفر لج ثم يفرج همج هذا و يجمعج بأمج .






الشي الثالث : قبل لا تدخلين عليه الغرفه او الديوانيه قولي ( دخلت عليك ببسم الله الرحمن الرحيم و استدفعت شرك بلا حول و لا قوه الا بالله العلي العظيم )






اخر شي : سوره الانفال اقريها بين كل يومين او ثلاث ايام .








التزمي باللي قلت لج عليه اسبوعين و شوفي الفرق بإذن الله


و اعلمي ان الفرج يأتي بالتدريج خصوصا في الحالات اللي مثل جذي


سبحان ربي قادر يبدل الاحوال ان شاء الله