أبوي الي بينحشني من البيت .. وأبي أمي اشتقت لها

[أمــــــــــل]

عسل حدي

اي والله

حسبي الله ونعم الوكيل

دعواتج اختي

 

[gala q8]

!!!!!!!!!! ..

زهبي اغراضج و خلي واحد من اخوانج ياخذج !!


إنتي كبيره و عمرج عد الـ 18 يعني إنتي مو قاصر !! ..


خلاص ابوج ماله شغل فيج روحي لامج !


شنو بعد يبي حضآنتج ؟!!!!


والله يهدي ابوج يآرب .. و خلاص دام تزوج امي اكيييد الاكييييد ما تبي ترد له !

والله يصلحهم و يهدي ابوج يارب و ترجعون مثل قبل ..

 

[MakeupAholic]

الله يكوون بعونج حبيبتي
والله مادري شقولج بس انشالله ربي يفرج همج وترتاحين
وتردين حق امج وتفتكيين من المشاكل

 

[أمــــــــــل]

غلا الكويت

هذا الي بيصير ..

بس ابي كل شي قانوني ..

لان اذا مافي شي قانوني يقدر يسحبني من شعري ويهينني

سألنا انا وأمي واكتشفنا انه القانون السعودي كلش مو مثل الكويت

والحين قاعدين نسعى وربج يسهل

انا ماودي اطلع اسبوع اسبوعين ولا شهر عقب ارجع انذل

ابي اسوي كل شي ع نار هادية

مابي العب بورق خسران

مشكورة يالغالية

 

[أمــــــــــل]

الله يكوون بعونج حبيبتي
والله مادري شقولج بس انشالله ربي يفرج همج وترتاحين
وتردين حق امج وتفتكيين من المشاكل

امين يارب الله يسمع منج

دعائج يكفي والله يالغالية

مشكورة وجزاج الله خير

 

[ذبحني غلااگ T]

الله يفرج هممج

 

[عسل حدي]

رب لا تذرني فردا وانت خير الوارثين

 

[MaKe-Up]

الله يكون بعونج ويصبرج
لا تسوين شيء إلا إذا كان قانوني
وشغله ثانيه أتوقع أبوج مسحور
إيه مسحور من أحد البنات اللى يكلمهم
قبل وخلته ينقلب عليكم

لأنه قلتي قبل شحلاته بس لاحقد
صار إنسان ثاني والله اعلم

لكن إذا تقدملج أحد نصيحه أقبلي
لأن بإذن الله بيكون الفرج لج
و مؤ كل الشباب والرجال مثل أبوج
جذي ظلام والله مأكو إلا هالحل
يا غلاتي وبدعيلج بكل صلاه
وعسى ربي يرزقج بالزوج الصالح
الخير لج

 

[فديت غلاي]

الله يكووون بعوونج يارب

 

[(كويتيه عسل)]

يااااارب يهدي ابوج ويسخر قلبه عليج ويحنن قلبه عليج

مادام ابوج موراضي تروحين لامج قوليله انج تبين تزورينها

مرتين او 3 مرات بالاسبوع لانج بنت ومحتاجه امج

لان في شغلات وسوالف حريم محد يفهمها الا الام
وان انتي ماعندج اخت فتبين امج

 

[غمااازات]

ماجوره امل

 

[نبض شرياني]

شوفي حبيبتي قبل فتره ام كويتيه كسبت قضيه حضانه بنتها من زوجها السعودي

بس طبعا جابت ادله شكثر وربحت القضيه

انتي متضرره نفسيا والنفسي اقوي من البدني

لا تستلمين قوي ايمانج بالله

وادعي وكثري استغفار

بتروحين عند امج باذن الله

 

[نبض شرياني]

وفي حل دام ابوج قال اي واحد يطق الباب اخليه ياخذج

عندي لج خطه<<<<<<<متاثره حيل

شوفي واحد من اخوانج يشوف واحد من ربعه اذا فيهم خير

ولا واحد من عيال خالتج

يتقدم لج ويخطبج وتروحين بحال سبيلج

 

[نونه المنكوشه]

الله يحنن قلبه ويسخره لكم ويهديه

 

[ع ـهود]

اعتقد انو القانون السعودي يخلي البنت عند امها اذا الام ماتزوجت .. اتاكدي انتي ..

الله يفرج همك ويسهلها عليك ..

 

[عواش دق دي]

اسال الله العظيم رب العرش ان يفك ااسرج وهمج ويعافيج من كل مرض

وحبيبتي ماكو حل الا اتقولين لامج لانهااا اهي الوحيد الي اتعرف

اتحل مشاكلج قولي لاامج عادي انحاش عادي اشتكي عليه وايي

عندج اخذي راااي اااامج لانها اهي تفهم اكثر منا

 

[حلآ الدنيآ]

ربِّ يعييينج ...

 

[3w!Shni]

حبيبتي طمنينها

شصار عليج

 

[zqertya]

والله عورتي قلبي الله يعينج حبيبتي شوفي في حل انشالله اذا رحتي حق امج زياره قوليلها ادق على محامي يجيكم البيت مع وجود اخوانج عشان تتفقون وفي طريقه ثانيه مو امج اللي ترفع قضيه انتي رفعيها في وحده كان ابوها مايصرف عليها ولما قالت حق امها ترفع قضيه قال المحامي هي كامله السن القانوني هي ترفع وارفعت وجابت شهود وصار الحكم لصالحها انا ما اشيشج على ابوج بس هو اللي خلاج تسوين جذي يعني كلمي محامي انج انتي باسمج ترفعين قضيه وتبين تروحين بحضانج امج وتقولين انه ماذيج والمحامي يعرف شلون يثبت هالشي غير انه خوانج الكبار راح يشهدون معاج ويقولون هم احنا منحاشين وتقولين انه ماخلاج اتكملين دراستج وحاكرج بالبيت وبهالطريقه مع الدليل انشالله راح تروحين حق امج وصدقيني هي مو سالفة حضانه اللي بعدين يمكن ترجعين حق ابوج لا هذي القضيه مرفوعه منج للضرر

الله يعينج ويفرجها عليج

 

[zqertya]

في وحده ثانيه اعرفها نفس حالتج بس المشكله مو ابوها كانت جدتها ام ابووها ومسكينه كله تبجي تبي امها وصبرت ودعت ربها والحمدالله الله فرجها عليها تخيلي من كثر ما اكرهت بيت جدتها وكرهت جدتها لما الله فرجها والحمدالله تغيرت حالتها 180 درجه واستانست الله نساااها كل الايام الخايسه اللي شافتها هناك والله تقول اقسم بالله ماذكر شي ولا ابي اذكر لان بالنسبه لي هذيج الايام كانت جحيم وهي الحين عايشه عند امها صارلها يمكن 12 سنه بس تدرين شنو كان الحل ان جدتها ماتت اسمحيلي ما ادعي على ابوج بس هذا الحل اللي يريحج او انج ترفعين قضيه باسمج