أبوي قاللي شغله استغربت منها !! عن معاشات الشؤون , ليش الكل عيل يذمها ويذم معاشاتها

[q8ia7]

السلام عليكم

انا طبعا متخرجه من الجامعه وتخصصي علم نفس
لما تخرجت دريت عن معاشات الوزارات وخاصه عن اللي تخصصاتهم مالها كادر ..
المعاشات ضعيفه مثل ما انتو عارفين

انا طالع اسمي بالشؤون من قبل ورفضت
لأن هذي وظيفتي اللي بتم فيها طول عمري لازم يكون مكان حابته بما ان خلاص بتم فيه على طول
فالشؤون يحطون بنات تخصصنا بالاحداث ولا المعاقين او الطب النفسي او المدمنين او المسنين .. انا مالي قلب ما اقدر على هالاماكن والوحده بعد مو ناقصه هم فوق همها :eh_s(2): استغفر الله واتوب اليه ..

مو بس عشان هالشي رفضت بس اللي اعرفه ان هم المعاشات مو عاليه وبعد المكان بشكل عام محد يمدحه ومحد يبيه

المهم ......
ابوي اليوم يقوللي عن بنت رفيجه يقوللي تشتغل بالمسنين .. يقول مع الزياده معاشها الحين 900 .. ويقول توها تشتغل يعني من طقتج بالعمر يعني مو قديييمه ومعاشها زاد زاد وصار 900
وبعد شنووو؟
الدوام من س 9 لي س 12 بس !
مادري شلون !!! عيل ليش كل من يذم هالمكان ؟؟؟؟؟؟؟


فصج هالشي ؟ وليش كل من ينحاش منهم اذا الدوام قصير والراتب عالي ؟


ويعطيكم العافية ...

 

[الأمل لحظه]

معروفه الشؤون حلوه والكل يبيها والربط عليها طق عصي
بس المعاشات مااعرف فيها
الدوام الكل يقول مريح واعتقد المعاش حاله حال الوزارات الثانيه

 

[q8ia7]

الدوام مريح قصدج .. يعني ماكو شغل وجذي

كل الوزارات روتين وماكو شغل بس يطقون كروتهم وماكو شغل كلش بس هذا مو شي زين

عالاقل تشتغلين تحللين معاشج انا استحرم مادري عاد وابي مكان اشتغل فيه شالفايده مداومه وقاعده ماعندي شغل والوقت مايمر .. عيل قعدة البيت احسن لي

بس اذا مثل ماتقولين مثل باجي الوزارات مستحيل .. باجي الوزارات العادية الحين بعد الزياده الاخيره صارو 700 دينار

والشؤون قال لنا الريال بنته معاشها 900 دينار مع الزياده الأخيره ..

فعشان جذي انا اسأل

 

[om janoona]

والله ما عندي فكرة عن الموضوع
و انشاءالله البنات يفيدونج
و اب
اب
اب
اب لعيووووووووووونج

 

[Andie]

مو كل الوزارات ماكو شعل، انا بالعدل و الشغل عندنا كراف و المعاش مثل ما قلتي 700 و شي، و انا بعد كنت اسمع ان الشئون مو شي و استغربت من كلامج، و الله ما يندرى

 

[q8ia7]

^^

اي صح كلامج انا قلت كل الوزارات لوول سوري انا قصدي اغلب الوزارت
وترا حتى العدل .. مو كل اداره موكل قسم فيها يكرفون فيها اماكن روتين ماكو شغل
نفس الشي الماليه
وباجي الوزارات

بس انتي ماتدرين وين يحطونج عرفتي عالحظ ..


انا بعد مستغربة بس رفيج ابوي سأل بنته "سألها عشاننا من كثر ما ابوي اذاهم فيني لوول واني ليلحين ماتوظفت"
اي والريال قال هالكلام ..

معقوله 900 دينار .. والدوام من 9 لي 12 بس .. عيل ليش مو كل الناس يداومون هناك !!! مو داشه مخي السالفه :\

 

[q8ia7]

fog

!

 

[CUTIE-THUG]

uppppp

 

[اخت واختها]

انا الي اعرفه ماكو شغل امي كله تراجعهم كله تشوفيهم قاعدين ياكلون لا واشكره يقولون لها اشتغلي عندنا تر وناسه ما عندنا شي غير السوالف والاكل @@

بخصوص المعاشات ما عندي فكره

 

[YES I CAN]

هلا حبوبه

والله بخصوص المعاش مادري

بس بخصوص الشغل والكراف

مره دخلت على الموظفات لقيتهم متيمعين ومجابلين هندي يبيع بضاعه اشرطه dvd ههههههههه

والله يكتب لج اللي فيه الخير

 

[Killer^Girl]

المكان فيه ادارات
كل اداره مختلفه عن الثانيه
لازم تشوفين مكانج بالضبط وين وتسالين

 

[((زينه))]

انا موظفه بالشؤون بس بالرعايه الاسريه معاشي 557 معاي دبلوم سكرتاريه .. يمكن من مكان يختلف المعاش بالشؤون بس مو كلهم على حسب وين يحطونج ..

 

[جوري الكويت]

اللي اعرفه ان الشئوون حالها حال الوزارات العاديه الراتب 700 دينار للجامعي

بس يمكن القسم اللي تشتغل فيه ( المسنين ) عندهم بدل موكادر و هذا اللي وصل معاشها 900 دينار

يعني اذا راحت قسم ثاني يشيلون عنها البدل

 

[q8ia7]

مشكورييييييييييين بنات ماقصرتو كلكم

اخت واختها .. عاد انا ماااااحب جذي استغفرالله :rgewrg: ماحب هالجو بلعه وحش ومجتمع حريم ما منه فايده وماكو شغل اففف وانا ما اتوالم مع اي احد وناويه اصلا انشالله اذا توظفت ما اختلط زياده عن اللزوم ...:\
بس مادري يمكن المسنين غير .. انصدمت من المعاش + وقت الدوام متأخر مو من الصبح الصجي ومدته قصيييره ..
بس هممم والله عوار قلب ما اتخيل نفسي هناك واي مو ناقصه استغفر الله واتوب اليه :eh_s(16):



YES, I CAN لوووووول مبدعين ماحب جذي والله ابي اشتغل واحلل معاشي ماحب وقت الفراغ الطويل اخاف اصير نفس نظام الحريم اللي كل وحده شمتنها وبس اكل وحش لا ما اتخيل لووول ..



Killer^Girl اي عارفه حبيبتي .. واصلا انا رافضه الشئون من زمان بس مادري قلت اسأل عن المسنين هني .. لأن كلام البنت متأكده منه .. بس كنت اسأل دام جذي المكان ليش مو طق اعصي عليه ..


((زينه)) صح كلامج زينه اهو يختلف من مكان لي مكان ومثل ماقالو البنات اكيد بدلات وجذي .. بس المكان والله يعور القلب .. الله كريم


جوري الكويت صح اهو الظاهر الوزراه العادية لما تشتغلين فيها راتبج عادي بس بالادارات اللي فيها تعامل مع حالات خاصه مسنين احداث مدمنين معاقين الظاهر لهم بدلات ..


الله كريييييييييييم ياربي ارزقني انشالله وظيفه بوحده من هالهيئات شغل والوحده تحلل معاشها وهم المعاشات زينه .. يارب يسهل اموري واتوظف بهيئة ولا مؤسسة :eh_s(2):


مشكورييييييييييييييييين

 

[++The DuchesS++]

اتوقع على حسب كل اداره وروتينها مو كل الوزاره مافيها شغل
اختي مكروووفه بمجمع الوزارات

 

[om_dodo]

اب

اب

 

[اتعب علي]

مادري ليش ابوي كان حييييييل وده يحطوني بالشؤون موفقه

 

[شاعرهـ]

انا قدمت عالشؤوون

تخصصي ادارة سجلات طبية بكالريوس

وامنيتي اشتغل بالمسنين والا الايتام او المعاقين

ان شاء الله يقبلوني ادعوا لي بنات

q8ia7

لاتحاتين روحي سألي وتاكدي لان في بعض الاماكن يمدحونها

وعسى الله يسهل عليج

 

[بريق الالماس؟؟]

ضحكتيني ... بصراحه
صج الجامعيه معاشها غير
لكن الشئون لي فيها 7 سنوات
وكل قسم ع حسب الشغل فيه
واللي قال الدوام من 9 إلين 12 ماعنده سالفه
كذب ...
يمكن بنت الرجال عندها إعفاء طبي (9/ 12 )
اما غير جذيه مافيه
الدوام من 7:30 إلين 1:00
وأي استفسار انا حاضره
للعلم انا بالمسنين
ولكن مو الاداره الرئيسيه
انا بإحدى الاقسام

*********
​

 

[q8ia7]

^^

حبيبتي يعطيج العافية انا اصلا ما دشت مخي السالفه يمكن على قولتج اعفاء طبي او شي

مشكوره حبي ما قصرتي و الله يوفقج انشالله