أبيكم بكلمة رآس . . .

[بنت الحزن]

جزاج الله خير

 

[النبع الصافي]

جزاج الله خير والله يجعله بميزان حسناتج ...

 

[.:. عبرة مُوادع .:.]

اجمعين يالغاليات . . .

 

[رونق]

وووووووووووووووووووووووووواو يهبل اينن اشحلاته جنه البخت نياهاهاهاها

 

[.:. عبرة مُوادع .:.]

رونق شالسالفه الظاهر انج ما قريتي الموضوع عدل .

 

[الكويتـ80ـية]

اللهم صلى على نبينا و سيدنا محمد و عى اله و صحبه اجمعين

أشكرك أختي العزيزة على احساسك العالى و نرجوا من بقيه الأخوات تنبيه من حولها

 

[.:. عبرة مُوادع .:.]

نورتي كويتيه بردج . .

ومرورج اسعدني . .

 

[أصيلةالإحساس]

حفظك الله أختي الحبيبة
وجعلك من الهداة المهتدين الصالحين المصلحين
وجعلك دووووماً في طريق طاعته ورضاه

 

[.:. عبرة مُوادع .:.]

حفظك الله أختي الحبيبة
وجعلك من الهداة المهتدين الصالحين المصلحين
وجعلك دووووماً في طريق طاعته ورضاه

يا بعد عمري ع هالدعااااااااااء اجمعين يالغاليه ​

 

[LaSt WoMeN]

بشاير ..

ألف شكر لج على هذا الموضوع و فعلا تساؤلاتج في محلها

جزاج الله خير .. و وفقك الى ما يحب و يرضى

 

[girl_in_abottle]

عزيزتي
انا متفهمة مشاعرج, و لكن انا ضد اقتراحاتج من ناحية طريقة النصرة
انا انصر نبيي عن طريق الصلاة عليه باليوم اقل شي 10 مؤات
عن طريق صيام ايام البيض
و صلاة الضحى
و النوافل
و قيام الليل
و اتبع اخلاقة كأنسان
مو اقعد اسب و اسفل بناس مالهم شغل
انا من ناحية الدنمارك, مالي عداوة وياهم
و من ناحية المقاطعة , انا بس اقاطع الجريدة الي رسمت
يعني الجريدة ما اشتريها و لا اقراها
اها الدنمارك كدولة, يشهد لها بحترام المسلمين و بناء مساجد لهم, و عطتهم و ضايف و عيشت العالم على ارضها
انتي ماترضين احد يقول عن المسلمين ارهابيين على بو انة بن لادن فجر عمارة
و انا مسلمة و مغتربة ومتحجبة, ماحب الناس تعاملني بعداوة لانه بن لادن ذبح فيهم
الواحد اشوي يفكر
و مشكورة على الموضوع

 

[!! الواصليّـــــة !!]

الله اكبررررررررررررر !
الله يرحم هالشعور اللي تشعرينه !!!!!!!!!!!!!!!!!
الرسول صلى الله عليه وسلم قال فيما معنى الحديث: ( من راى منكم منكرا فليغيره بيديه فإن لم يستطع فبلسانة فان لم يستطع فبقلبه وذاك اضعف الإيمان )
لاحول ولاقوة إلا بالله !

انا من ناحية الدنمارك, مالي عداوة وياههم <<< ××××××
اجل شوية عندج يسبون حبيبنا رسول الله !!!!!
ويرسمونه بصور مشينه الله يلعنهم ويخسف بهم ارضهم هالحثالة !!
انا الحين مقدر اشره عليهم !! وهم كفرة !!
يوم المسلمة يطلع منها مثل هالكلام !!!!!!!!!!

 

[girl_in_abottle]

افضل ان تقرين عدل عدل عدل عدل انا اشكاتبةو تاخذين على الاقل دقيقة و تفكرين
اقري الحديث الي انتي كاتبتة عدل عدل عدل
الرسول عليه الصلاة و السلام في حياتة تعرض لسب و ضرب و استهزاء من ناس كانوا كفرة و جهل,سألي نفسج شنو صار بهل الناس عقب؟؟؟
ماصار منهم صحابة؟؟
ماصار منهم اشد الناس ايمانا؟؟؟
و ماخفس رب العالمين بالظالمين منهم؟؟
انا قاعد اقول مايجوز نحكم على امة بسبب فعلة جريدة
اناقلت: الجريدة اهي الي ماراه اقراها ولا راح اشتريها و انا اقاط الجريدة , ولو اني عمري ماشريت ولا قريت جريدة دنماركية
وقلت انا ما ارضى على نفسي بنت مسلمة في امريكا ينقال عني ارهابية و سفاحة بسبب عملة واحد من يدعى انة مسلم و هو بن لادن
فكري فيها من هل منطق
و الرسول عليه الصلاة و السلام مايضرة و لاضرة احد من الي تهجموا عليه لانه في النهاية هو سيدنا محمد عليه الصلاة و السلام
انا الي ودي اشوفة الناس تتعرف عليه و تتفهم اهو شنو, عسى الله يهديهم
و انا الي ودي اشوفة انهم يصيرون مسلمين, مو يدشون النار
ماكان عمر بن الخطاب رضي الله عنة كان رايح يقتل الرسول؟؟ شوفي سبحان الله الهادي اشلون صار من احب صحابتة؟؟
عسى هل ناس تؤمن و تصير امة مسلمة خير منا

 

[!! الواصليّـــــة !!]

مايصير نحكم ع امه بسبب جريدة !!!! << هذا كلامج !
لعلمج بس ! الكفرة حتى لو نتكلم ونسبهم ماتنعد غيبة ابد!
انتي وش تبينا نقول !
الله يهدي الدنمرك !!!!! والله عجب !!!!!
ئيه يمكن باجر يجينا امام دنمركي الحمدلله والشكررررر !
ع قولتج الله بيخسف الظالمين وعن قريب ان شاءالله !!
وبعدين لاتربطين سالفة الأرهاب بالمسلمين !
صايرة انتي دنمركية بعد !!!
بن لادن مالنا شغل فيه خلينا ع الدنمرك !! عسى ربي يخسف بهم ارضهم !
..
اقرى الحديث عدل .. انا كنت احسبج ذكية وتفهمينه لكن بكتب بصريح العبارة دامج ماتفهمين !!!!إلا اسلوب الدفاع عن الحثالة
انتي جيتي بمنكر وانا ماراح اسكت !!
واخليه في قلبي !!
واختي بشاير ولا احسن من موضوعها ولا اورع من اقتراحها ..
اخيرن
اتقي الله فيما تقولين !!
باجر ربي يحاسبج ... ع دفاعج عن حثالة سبوا هويتج !!
( بأبي انت اومي يارسوووووول الله )

 

[girl_in_abottle]

مايصير نحكم ع امه بسبب جريدة !!!! << هذا كلامج !
لعلمج بس ! الكفرة حتى لو نتكلم ونسبهم ماتنعد غيبة ابد!
انتي وش تبينا نقول !
الله يهدي الدنمرك !!!!! والله عجب !!!!!
ئيه يمكن باجر يجينا امام دنمركي الحمدلله والشكررررر !
ع قولتج الله بيخسف الظالمين وعن قريب ان شاءالله !!
وبعدين لاتربطين سالفة الأرهاب بالمسلمين !
صايرة انتي دنمركية بعد !!!
بن لادن مالنا شغل فيه خلينا ع الدنمرك !! عسى ربي يخسف بهم ارضهم !
..
اقرى الحديث عدل .. انا كنت احسبج ذكية وتفهمينه لكن بكتب بصريح العبارة دامج ماتفهمين !!!!إلا اسلوب الدفاع عن الحثالة
انتي جيتي بمنكر وانا ماراح اسكت !!
واخليه في قلبي !!
لازم اكتبلج عاد جازلح وإلا عنه ماجاز لج !!
واختي بشاير ولا احسن من موضوعها ولا اورع من اقتراحها ..
اخيرن
اتقي الله فيما تقولين !!
باجر ربي يحاسبج ... ع دفاعج عن حثالة سبوا هويتج !!
( بأبي انت اومي يارسوووووول الله )

يا عزيزتي
انا اقول تمسكين اعصابج اشوية وتتكلمين بأسلوب احسن
انا ماطلبت منج إلا ان تفكرين و تفكرين
مو تشططين و بس
ليش الامامة اقتصرت على العرب بس؟؟
يعني انتي كمسلمة ماودج العالم يسلمون؟؟
ماودج تشوفين كل الناس تعبد إلاه واحد مستحق للعبادة؟؟
لو الله يفكر مثلج جان خفس فيهم و ماعطاهم فرصة يؤمنون و يفكرون
انا اشوفها فرصة للحوار و النقاش و نوريهم من هو محمد الانسان و النبي و كيف كانت اخلاقة
×××××جان حتى الصحابة رضي الله عنهم ماخذو فرصتهم و آمنوا بمحمد و صاروا من المبشرين بالجنة
انا اقولج الواحد لازم يتعلم من التاريخ
فروحي حبيبتي اقري و تعلمي و شوفي كل صحابي وين كان؟ تلاقينة كان من اكثر من يتمنى الشر لمحمد , و الحين واين صار؟؟ صار من المبشرين بالجنة
عسى ربي يرحمنا في رحمتة, و يهدى العالم اجمع.

و من ناحية مانحكم على امة بسبب جريدة (هذا كالامي بس)
يعني انتي ماتشوفين فيه هذا الكلام منطق؟؟؟
اذا الناس يتمشي مثل ماتفكرين عيل خل نقول على الكلللل الكويتيات رايحين فيها على يو انة في وحدة انسجنت بقضية مخدرات
و نقول عن كلللللللل السعوديات كفرة لانهم لا سافروا لندن يفصخون حجاباتهم
هذا كلام ومنطق بالله عليك؟؟

هذى دعوة للتفكير
مو تحدي كلام
و بحثي عن المنطق

 

[!! الواصليّـــــة !!]

أرجوا اللالتزام بأدب الحوار


بواسطة : طماشه

 

[girl_in_abottle]

والله ضحكتيني
انا اقول نوقف النقاش لانة واضح انة عقيم, انا الحمد لله اعصابي رايقة و اني ماقريتي انا شنو كاتبة على تحكمين
و الاكسات الي حطوها انا مستغربة منها خصوصا اني كنت قاعد اتكلم عن احد الصحابة الي كان ناوي يقتل محمد عليه الصلاة و السلام اسلم ( كنت حاطته مثال على اشلون رب العالمين يعطي فرصة للبشر) و هذا الصحابي اكثر من خدم الاسلام , بس الظاهر المنتدى مايبونج تعرفينة
انا يؤسفني انج ما تتمعنين بالكلام و ما تتفكرين فيه
بس هذا شي راجعلج
قعدي من اليوم لي يوم دين ادعي على المسيح و اليهود و كل من جهل
و انا راح احاول قد ما اقدر ان اعلم الناس و اعرفهم على دينا و اعلمهم من هو محمد الانسان عليه الصلاة و السلام
لانهم قبل لا تنسين جهلة مايعرفونة و فكرتهم مشوهه
و اهنا من واجبنا نعلمهم من هو

و انا درست في التربية فترة اكثر من سنة, و حسب معلوماتي كنا نعلم اليهال الدين و اليهال كانوا يتمنون ان الكل يسلم, حتى جم وحدة كانوا يبجون ليش خدمهم كفرة.

مادري ليش حدج ماودج تشوفين الاسلام يكبر, و يزداد عدد المؤمنين
غريب امرج تبين تشوف بني ادم في النار
عاد لمعلوماتج, الدين الاسلامي اهو اكبر دين في النمو بالولايات المتحدة
و هذا شي يونس مايبجي.
سبحان الله, اول مرة اشوف مسلمة ماتبي الاسلام ينتشر, تبيه يكون محصور على الوطن العربي الظاهر

 

[طماشه]

بناااااااااااات صلوا على النبي شفيكم ؟؟!!

مايصير جذي الله يهدااكم هدو بالكم وكل وحده لهاا وجهة نظر تحتفظ فيها لنفسهاا ماله داعي هالنقاشات الي مانها فايده لانه كل وحده متمسكه برايهااا وبعدين كلنا خواااات في هالمنتدى مايصير هالحجي افا عليكم بس ..


اتمنى النقاش ينتهي يزاكم الله خيــــــر ولا ترى راح اغلق الموضوع
وأتمنى انكم ماتطلعون عن الموضوع الرئيسي

 

[girl_in_abottle]

بناااااااااااات صلوا على النبي شفيكم ؟؟!!

مايصير جذي الله يهدااكم هدو بالكم وكل وحده لهاا وجهة نظر تحتفظ فيها لنفسهاا ماله داعي هالنقاشات الي مانها فايده لانه كل وحده متمسكه برايهااا وبعدين كلنا خواااات في هالمنتدى مايصير هالحجي افا عليكم بس ..


اتمنى النقاش ينتهي يزاكم الله خيــــــر ولا ترى راح اغلق الموضوع
وأتمنى انكم ماتطلعون عن الموضوع الرئيسي

مشكورة عزيزتي
انا عموما انهيت النقاش بما ان النقاش عقيم مثل منتي شايفة

 

[المجره]

مشكورين على نصرة الرسول والا سلا م ,الرسول صلىالله عليه وسلم غني عن كل هذه المهاترات .من راى منكم منكرا فليغيره .........