أبيكم تتخيلووووون معاي ...... وتقولون رأيكم بصراحه

[HearT ChocolaTe]

السلام عليكم ورحمة الله وبركاته







شلونكم حبيبات قلبي يا عضوات منتدى كويتيات .. كلكم على راسي الكويتيه بينا والخليجيه
أبي رأيكم بالإستطلاع وبكل صراااااحه تجاوبوني ... بعد محد بيعرف أسمج سواء نعم وإلا لأ



:ggdw: :ggdw: :ggdw:

بصراااحه حنا مجموعه من الأمهاااااات في قسم الإحتياجات الخاصه دايم نتحلطم ونتحلطم ونتحلطم :jumpon:
بس غصبن علينا لا تلوموناااااااا شي في قلبنااااااا وهم كبيررررررر على ظهورنااااااااااااااااا
عيااااااااااااااااااااااالناااااااااااااااااا حباااااااااااااايب قلبنااااااااااااااااا .... ليش تآخذون مكانهم ليش ؟؟!!!

والله نلف وندور هلكانين من الشمس وحر هالشمس وإلا تلقين هالسيارة واقفه ولا معبره أي أحد .. والله تبي القرب ؟؟
ما لها خلق تمشي خطوتين وهي بكامل صحتها .. ؟؟ وحنا اللي عيالنا على كرسي متحرك يكسر الظهر وفوق
هذا عندها كرنيه وقوف توقف آخر الدنيا لأجل خاطر عيون السيارة اللي واقفه النمرة غلط ؟؟
تهقون من دوره هني الشرطه وإلا المشاعر ؟؟



جاوبوا بأمانه بنات .. وأبي التفاعل وذكر السبب ....... هذي الهقوه من كويتيات

 

[SwEeT aPpLe]

اكيييييييييد المشاعر وهذا شي انساني طبعا
الله يعين

 

[Preity]

هلا والله اختي
انا بصراحه من اول ماسقت ولا مره سفطت مسفطهم لان الحمدلله انا بكامل صحتي واقدر امشي لساعات طويله
وادري انهم اهم اللي محتاجين المسفط لانهم مايتحملون يمشون وايد او يمكن يكونون ع الكرسي
والدور اهني دور المشاعر مو الشرطه بس هم الشرطه المفروض تتدخل
وبصوت الحين
والله يعطيج العاافيه

 

[فجر الغلا]

بقولج موقف انا مره وقفت بموقف ماشفت لافتت الاحتياجات الخاصه وكانت معاي رفيجتي جان تقولي اذا اخذت مكاني اخذ اعاقتي بدون لاحس لقيت نفسي رجعت بسرعه وصفطت بمكان ثاني بصراحه احنا الحمدالله عندنا قدره انا نمشي بس اشذنب هالمساكين اذا مايقدرون يصفطون بمكان بعيد فلازم احترم خصوصياتهم

 

[UK_Girl]

الصاحي اللي ياخذ مكان المعاق ..عنده اعاقه فكريه واخلاقيه

 

[مرمرني زماني]

مشكوره خيتي على الموضوع الجميل وانا احس انا بوقتنا هذا قلت المشاعر الأنسانيه

وصار الشخص ما يحس بخوه المعاق وعشان جذي انشوف بكامل قواهم الجسديه وياخذون مكان المعاقين بأعذارسخيفه

واتمنى نوعي الناس بأحترام القوانين ووضع مخالفات على الذي يأخذ مكان المعاقين ويطبق

مشكوره خيتي وتقبلي مروري^_^

 

[حقوقيه زوغه]

الواحد المحترم يحترم الكل مو بس ذوي الاحتياجات الخاصه ..لازم الواحد يحترم القانون عشان الناس تحترمه ..واتوقع الفوضى خصوصا بالدول العربيه اهيا السبب الرئيسي اللي خلت الناس تتمادى وتصفط بالاماكن المخصصه للمعوقين..فوضى وعدم احترام القواعد والقوانين ..
ووجود الواسطات وماالى اخره ..
..واكيد الواحد لازم يحترم هالفئه لانها تحتاج الى الاهتمام والرعايه اكثر من غيرها ..


مشكوره على الموضوع

 

[عالمي المجنون]

موضوعج حده حلو ياام عزوز

ربي يعطيج الصحة والعافيه

ويخلي لج عزوز

بامانة انا ماعندي احد من معارفي فيه اعاقة

بس هالمرة حطوني ميداني بدار رعاية المعاقين

شفت وعرفت عالم ثاني للامانة عالم حلو على

<<مو عارفة اشلون اوصفه والله

تدمع عيوني كل مااتذكر هالمكان

هالفئة حيل مظلومة وتستاهل اشياء وايد واحنا مو حاسين

هذا اقل من القليل ان نوفر المصافط لهم

وا ولا واخيرا المشاعر ثم المشاعر

اهي الي تحرك الانسان لو على الشرطة جان قلنا

على الدنيا السلام

<<قلبي متروسة
^_^

 

[كندية]

والله يااختي شقوووول وشحجي...الوااحد صااير ماايهمه المخاالفاااات الله يخلي الوااسطه لا يدفع ولا شيء...ماايدروون ان في ناااس صج محتااجه هذااا المكااان و مو محطوط غشمره.....لازم يكوون في قاانوون ان اذا سيااره وااقفه تنشااااال ...ويكووون اي مكاان حاطين مساافط حق الاحتيااجات الخااصه يجاابلووون المسفط ويتاكدووون ان ماافيه احد

وانااا ماعمري سفطت في مكاان الخااص لان اخذ بااص هههههه ....وهني تسفطيين في المكاان ماال الاحتيااجاات الخااصه يحرقووونج حراااق ​

 

[*عزيزة نفس*]

أكيد مو بس موقف سيارات يحتاجون... لأ هذي الفئة تحتاج تغيير النظرات عنها وتقديم الاهتمام والمحبة الكبيرة لهم

والله يشافي مرضانا ومرضى المسلمين...

 

[q8 7oobi]

طبعا ما ارضى انه نصفط اب مكانهم...
اهم محتاجينه اكثر مني...
فما يصير انا ما فيني شي او اخذ المكان او احد غيري محتاجه...
وصراحه يبطون جبدي الي يوقفون اب مكانهم...
الله يعنيكم يا امهات ذوي الاحتياجات الخاصه والله يعطيكم العافيه....

 

[tmtmt]

انا اصلا لو مو ريلي جان من اشووف احد يسفط بهالمسافط واهوا ما في شي سييييييييده اروح اكلمها بس ريلي ما يخليني ...

اصلا الي يوقف مكانهم برايي اهوا المعوق ... مع العلم ما عندي احد من هالفئه

تم التصويت

ويييييييي صوت غلط

 

[انونا]

اي انا بعد انقهر من الناس الي جذي والحمدالله ما اسويها

الا في حاله وحده وهي ان ادري هالموقف محد يوقف فيه بعد الساعه 2 لان باب المستشفى يكون مسكر وعارفه ان مافي ناس تسفط

واحنا نكون كليه ولويه ومحاضرات او اذا كانت عندي دوره ويكون ايام العطل الويد اند مسكر الباب ومستحيل احد يدخل مني اسفط غير جذي مستحيل اسفط

 

[Namlah]

يعطيج العافيه
الحمدلله ماسوق ...بس الحمدلله محد من اهلي يسفط مكانهم مايصير جذي لازم الواحد يقدر مشاعر غيره

 

[~Unreachable]

مستحييييييييل اسويها !

لان المعاق ذهنيا اهوا اللي يسوي هالحركه اللي تجرده من الانسانيه !

والله لو ادور ساعات بالباركينق ما افكر اصفط مكان ذوي الاحتياجات الخاصه ..

ولازم يكون لهم عقاب يردعهم .. مو مجرد قانون مايتطبق !

لازم تكون في طريقه كرت مثلا او شغله انه محده يقدر يصفط

الا صاحب هالكارد ..

 

[زهرااا]

بصراحة قلة ادب اللي يسوون جذي
ناس ماكو مشاعر

 

[زهرااا]

مفروض عند كل موقف للمعاقين يكتبون خذ إعاقتي وقف مكاني
بس هذيله ناس معدومين الاحساس فلازم الشرطة توقفهم عند حدهم
شي يحر صراحة

 

[العين الكحيله]

اكيد لا

 

[الدمــاني]

ماعندهــم ضميــــــــــــــــر :eh_s(14): ولا احساس

الحين هم بكامل صحتهم وعجزانين اجل شلون المعاق ؟؟؟؟؟؟؟؟؟؟


لاززززززم الشرطه تشيل السياره علشان يكون لهم رادع وما يكررونها .....

وبعدين ليش ياخذون حق لغيرهم ؟؟؟؟؟؟​

 

[غاده]

هلا وغلا عسا ربي ياجركم ويعطيكم ويخليلكم عيالكم وتفرحون فيهم ويعزهم ويرزهم ويصيرون احسن الناس يا بختكم يا امهات صبرتو ورضيتو الله يبارك لكم انتو علا الراس

ني للموضوع اول شي,,,,الوازع الديني,,,احنا الوالد الله يحفظها ويطول بعمرها وكل الامهات لما ني نصفط ساعات بمكان الاحتياجات الخاصه علبو بسرعه يما دقيقه اتهاوشنه واتقولينه انه حرام هذا المكان مو لج اشلون تاخذين شي مو لج مثل السرقه ولله الحمد والفضل والمنه تعلمنا واحترمنا المكان وصرنا راعي دينا قبل كل شي

ثانيا المشاعر لازم يا امهات من الحين اتعلمون عيالكم الصغار وتبدون بنفسكم بعد احترام هذا المكان وواخوانا ذوي الاحتياجات الخاصه


ثالث شي والاهم ياريت الحكومه اتحرص,,,,انها اتخالف كل من يوقف ابهالمكان واهو لا يستحقه مو بس شاطرين علينا

واسفه علااطاله