أبي أحطها ... يصير ولا ما يصير ...؟

[فلافل وبطاط]

الســـلام عليكم بنات ...

نظرا لضيق المساحه عندي ... وبما اننا مقدمين على شهر رمضان ... الله يبلغكم ويبلغنا فيه ..

بسوي شوية تغيير بشقتي الصغيره فوق .. وبضيف شوية اشياء ..

ففكرت احط الميكرويف فوق الثلاجه ... ولما جربت المسافه والطول طلعوا اوكي ...

بس اشرايكم يصير ولا ما يصير ...؟؟

محتاجه مساعدتكم وردودكم


وكل عام وانتو بخير

 

[صريحه ولكن]

حبيبتي اذا بتحطينه فوق الثلاجه خطر لانه مايصير تحطين الاجهزه الكهربائيه فوق بعض ممكن انها تلتمس من كثر الحراره والمايكروف اساسا يحتاج تهويه عشان يشتغل ...واتمنى اني اكوون فدتج

 

[فلافل وبطاط]

انا هذا اللي خايفه منه ...

مشكوره حبوبه وماقصرتي ..

 

[درر في مكانها]

حبيبتى انا مايكروفيى في كبت المطبخ له مكان

 

[مروقه على الكوفي]

المكريوف يكون جنب الثلاجه او الدولادب ماانصحك تحطي فوق الثلاجه

 

[مشغوله و محتاسه]

اممممممم !!


كنا حاطينه فوق فريزر صغير-ابو ادراج - .. و كان في فراغ كبير ورا الفريزر للتهويه و ما ادري ما لاحظنا شي .. لا حراره و لا شي .. الحمدلله ...
بس الافضل يكون على طاوله

 

[اخت رجال]

لا يالغاليه كلش ما يصلح تحطين الميكرويف فوق الثلاجه

 

[صمت السنين]

حبيبتي أنا برد عليج لأن أسمج غرامي >>>>>ههههههههههه مدمنه فلافل و بطاط
لاحبوبه هذا خطر عليج وعلى ألي معاج ولاتنسين أن الميكرويف تطلع منه أشعه تأثر علي حواليه ودايم ملوت الأجهزة الكهربائية يقولون أبعدو الأجهزه عن بعض مثال: الثلاجه ماتلزقينها بطوفه لازم تكون بعيده عنها 10 سانتي متر أن شاء الله أكون أفتج

 

[باربي22]

ديري بالج حبوبه
والله يحفظج انتي وعايلتج

 

[أرموشا]

شوفي يالغاليه تقدرين تحطينه بس على شرط انج تحطين عازل بينهم

اهلي حاطين لوح خشب ابيض عشان ما يبين فوق الثلاجه وفوقهم المايكرويف ومن سنين هالحجي مو توه يمكن صارله 18 سنه او اكثر

 

[زهرااا]

لا حبيبتي ما ينفع

 

[فلافل وبطاط]

يا بعد قلبي مشكورين وما قصرتوا ,,,

فدتوني والله وانا حدي محتاره فيه ...

كنت حاطه في بالي ان بكون عادي حاله من حال لما يكون على الطاوله .. بس التهويه من ورا ..

صج صج مشكورين ...

وراح افكر بفكرة العازل ..

لان انا مساحتي حيل صغيرة وما اطبخ فوق بس بسوي حلويات وشغلات حق رمضان وانزل عقب الفطور مع حمولتي ..

مبارك عليكم الشهر وعساكم من عواده ..

^_^

 

[قطوة@@]

لا خطر

 

[~ عز ~]

حطيه على رف باي طوفه عندج فاضيه

 

[viva la glam]

خطر

 

[فلافل وبطاط]

مشكورين ...

^_^