أبي أساهم بمصروف البيت بدون مايدرون أهل البيت !

[نـــدى]

السلام عليكم

خواتي كويتيات

أنا ودي اسوي أي شي يدخل لي على الاقل بالشهر 100 دينار

احترت فكرة توديني وفكرة تييبني

ماعندي مهارات معينة ومو متميزة بشي!


أنا طالبة جامعية ومو متزوجة وأبي أساعد أمي بمصروف البيت بدون ماتدري لأنها رافضة أني اشتغل وأساهم معاها !

لو في شيء بالنت أو بس بالتلفون ياليت !


عطوني تجاربكم وآرائكم

وشوروا علي

 

[أغلى الأثمان]

امج كلامه صح

ركزي بدراستج الجامعية
عشان تلكين وظيقة معاشها قوي
وخليها مع الايام ................ بيجي يوم تسعدينها فيه اذا اصبح معاشج قوي لانها راح تكثر الطلبات

مع تحياتي .................

 

[نعم لاسقاط القروووض]

هلا والله
انا حابه اساعدج في شركات يحطون اعلانات بالوسيط او الصدى والجرايد هذي يطلبون بنات تكون لهلوبه واللسان عشان تسوق لهم بالتلفون ويعطونج 250 دينار بس بالتلفون يعني مافي طلعه وروحه وتقدرين تكلمين بالبيت وتسوقين لمنتجاتهم بالتلفون والله يوفقج بس لا تنسيني بالدعاء

 

[((الزين))]

حبيبتى الله يوفقج وصدقينى الله بيوقف معاج لانج بتساعدين امج
بس يمكن امج حابه انج تركزين على الدراسه
انا بصراحه ما عرف بس حبيت ارفع موضوعج

 

[ملح بدويه]

الله يوفقج حبيبتي بس ماعندي فكره

 

[نـــدى]

الله يعطيكن العافية يابنات

وشكرا على النصايح والمعلومات


أنتظر ردود أكثر وأفكار

وابي شوركم حيل محتارة وماعندي أحد أستشيره لأني مابي أحد يعرف

 

[@فطفوووطه@]

اب اب والله ماعندي فكره

 

[أم راشد المطيري]

بنات انا بعد ابي اي شي يدخل لي على الاقل 100 دينار

وين اروح

ابي شي وانا قاعدة بالبيت

 

[فاميليا]

بنياتنا الطالبات انا عندي فكرة سووا بحوث للطالبات معاكم يعني كل وحدة تسوي بحث مميز وتعرضه على صديقاتها وهذا بصميم دراستكم وتسوون دعاية بالجامعة وما يحتاج لا روحة ولا ردة وهم يزيد من تحصيلكم الدراسي ويخليكم تراجعون وتبحثون بالنت ويزيد من ثقافتكم وبيعوا باسعار معقولة تناسب ميزانيات الطالبات وموفقين حياتي

 

[عيش و مرق]

الجامعه يعطون اعانه 100 دينار للكل وانتى قاعده بالبيت بدون لاتشتغلين

 

[متجولة *]

حطي اعلان بحمام الجامعة عن كتابة البحوث وتوصيلها باليد داخل الحرم الجامعي وحطي رقم تلفونج
بس ديري بالج من الصبيان
بس ان شاء الله تنهل عليج العروض

 

[sweet lady]

حطي اعلان بحمام الجامعة عن كتابة البحوث وتوصيلها باليد داخل الحرم الجامعي وحطي رقم تلفونج
بس ديري بالج من الصبيان
بس ان شاء الله تنهل عليج العروض

فكره حلوة وتنفع والله يوفقج

 

[الراحله]

الله يوفقج حبيبتي