أبي أفكار حلوة ويديدة حق عيد ميلاد اليهال

[جوري الحلوة]

عندج colour me mine بالمارينا

ومثل ما قالت وحده jungle land اللي بسنتر بوينت

بس أتوقع بروي أحلى شي

ايه سنتر بوينت شفته بس ماادري اتوقع انا اللي ازين مو متأكده

كلور مي ماين حلو بس مااظن كل اليهال يستانسون لان في عنونين لما يكبرون شويه اتوقع يستانسون

ايه بروي خلاص بعد جم يوم بروح احجز

 

[<< أزيان >>]

معقوله بيتزا هت ارخص من ماكدونالدز؟؟ انا اللي اعرفه ماكدونالدز وبرجر كنج ارخص من بيتزا
اختي مره سوت حق بنتها في بيتزا هت اللي بالمركز العلمي عجبتني الصاله كبيرة والبوفيه كان روعه

حطي الصور اذا خلصتي نبي نشوفهم

هلا جوري اي بيتزا هت ارخص اسعارهم مثل ماذكرت لج

بس افرع البلاجات دايم بكل المطاعم ماك وبورجر وبيتزا يكون سعرها دبل يعني اللي ب 55 يصير 120

انا سألتهم ومتأكده عيد ميلاد بنتي هالويك اند وتخيلي ماشريت لها هديه

اشرايج شتشورين علي اشتري محتاره بنتي مدلله وعندها كل انواع الالعاب اسم الله عليها

موعارف شاخذ لها :0bee2e8d89:

 

[جوري الحلوة]

جم عمرها؟

 

[<< أزيان >>]

جم عمرها؟

كبر بنتج 8سنين

 

[جوري الحلوة]

والله مادري صج ماشاء الله عليهم كبروا الواحد مايدري شنو يختار

اخذيها السوق وخليها تختار هديتها

 

[om-bassma]

حبيبتي في بيت بقرطبه اهو حضانه بس سردابهم مسوينه حق حفلات العيد الميلاد شوفي خل ادور رقمه و اعطيج اياه و في بعد شركه اتنسق لج العيدميلاد بكلشي حتى روسيات يقدمون البرامج بس مكلف الصراحه يعني العيد ميلاد اذا الشركه اتسويلج اياه يطلع لج بحروه 2 الى3 الاف دينار مو عيدميلاد اتقولين الشركه هذي اييبولج مثلا جلاب البيت البيض المدربه على العروض مثل ملوت السرك و الشواذي بعد و ساحر و همن عندهم طاقم يعني كل طاوله في الصاله لها شي يعني اول طاوله واحد يمكيج اليهال و الثاني يصبغ اضافيرهم و الثالث التلوين على الفخاريات و الرابع صبغ الوجهه و اليد و الخامس اكسسوارات تنكريه يعني بالمعنى مكلف و غير عندهم الشركه لسته مطاعم معروفه مثل زيت و زعتر و نافوره الككاو و الذره و اشياء و ايد و همن عندهم بيت النطاطيه و بيت الهواء يعني عيد ميلاد حلو يصير بس بيزاتج راحو
اذا تبين جذي كلميني على الخاص

 

[جوري الحلوة]

حبيبتي في بيت بقرطبه اهو حضانه بس سردابهم مسوينه حق حفلات العيد الميلاد شوفي خل ادور رقمه و اعطيج اياه و في بعد شركه اتنسق لج العيدميلاد بكلشي حتى روسيات يقدمون البرامج بس مكلف الصراحه يعني العيد ميلاد اذا الشركه اتسويلج اياه يطلع لج بحروه 2 الى3 الاف دينار مو عيدميلاد اتقولين الشركه هذي اييبولج مثلا جلاب البيت البيض المدربه على العروض مثل ملوت السرك و الشواذي بعد و ساحر و همن عندهم طاقم يعني كل طاوله في الصاله لها شي يعني اول طاوله واحد يمكيج اليهال و الثاني يصبغ اضافيرهم و الثالث التلوين على الفخاريات و الرابع صبغ الوجهه و اليد و الخامس اكسسوارات تنكريه يعني بالمعنى مكلف و غير عندهم الشركه لسته مطاعم معروفه مثل زيت و زعتر و نافوره الككاو و الذره و اشياء و ايد و همن عندهم بيت النطاطيه و بيت الهواء يعني عيد ميلاد حلو يصير بس بيزاتج راحو
اذا تبين جذي كلميني على الخاص

اول مره اسمع عن هالبيت، اذا عندج عطيني يمكن احتاجه بعدين

الشركه انا عندي رقم خوش شركه وتزيينهم حلو بس ماجربتهم للحين بس شفت صورهم.

بس شدعوى 2 او 3000 واااااااااااااااااايد ابيه لا مولهدرجه

انتي جربتي تسوين جذي؟

 

[<< أزيان >>]

جوري اشلونج

امس كان عيد ميلاد بنتي سويته ابيتزا هت حطين

المعازيم كانوا محدودين وفوق كل هذا مرض شخص قريب على اهل زوجي وماحضروا صارت الحفله بس لي انا وخواتي وعيالهم

البروجرام ماكان حلو اصلا مافي بروجرام الظاهر شافونا شوي واستهزئو فلبينيه اتصور فيديوا وثانيه معاها المايك وتخربط تقول لليهال

غنو وحطت لهم لعبة بازل لعبوها وعطتهم هدايا وخلاص اخر شي ذكرت الرسم على الويوه مسوين روحهم ناسينه قلت لها حبيبتي طلعي

اللوانج يالله لونت لهم اي كلام احسها مومتمكنه العشا حلو الكيكه زوينه من لاروسا اهم قايليلي انهم يسونها لما شفت الكارتون الا مكتوب

عليه لاروسا المهم بنتي استانست رقصنا وهيصنا احنا بروحنا بروحنا ولا الفلبن ماعجبوني مو مثل ماكدونلدز وبورجر كنج او يمكن ليش

العدد قليل عاد الله العالم اذا حصلت لي فرصه راح انزل لج الصور


انتي ماقررتي وين تسوين عيد ميلاد بنتج ومتى ؟؟؟؟

 

[جوري الحلوة]

ليش شويه جم كان عددكم؟؟؟

اختي سوت في بيتزا هت بالعكس كان حلو يمكن يعتمد على المكان

دزيتلج على الخاص حبيبتي

 

[<< أزيان >>]

ليش شويه جم كان عددكم؟؟؟

اختي سوت في بيتزا هت بالعكس كان حلو يمكن يعتمد على المكان

دزيتلج على الخاص حبيبتي

الظاهر ليش العدد قليل مثل ماقلت لج

واي شقولج والله انصدمت من عدد الحضور تخيلي اليهال كان عددهم :krkrkr: 5 مع بناتي 7

واحنا الكبار 5

 

[جوري الحلوة]

متى تحطين الصور

 

[قلوووب]

والله موضوعكم جدا حلو ووايد مفيد بس اللي صج ناطره صورها مااالت برووووي شوقتنييي بس عسا ما تنسا عاااد

 

[جوري الحلوة]

حبيبتي قلوووب ترى العضوة حطت صور العيد ميلاد

دشي قسم الصور تلقينهم

 

[ام اغلى الناس]

يعطيكم العافيه على المعلومات الحلوه

 

[meen_ana]

مشكورين برايكم اي عمر مناسب اسوي حق بنتى عيدميلاد في مطعم احس عمر سنه ماراح تفهم ولا تهتم ودي انطر لمن اشوي تكبر يعني على سنتين ولا ثلاث وسنين وشنو الاماكن الحلوة