أبي حل لمشكلتي

[موزةالكويتية]

السلام عليكم
انا مشكلتي مشكلة و ياريت اللي تعرف حل حق مشكلتي تساعدني
انا سويت طفل انابيب اربع مرات وكل مرة تفشل و مايصير حمل بس المرة الرابعة حملت بس صارتلي مشكلة في احد المبايض وسوولي عملية شالولي واحد من المبايض و للاسف ما استمر حملي و أجهضته و الحمد لله على كل حال.
و الحين انا عندي مبيض واحد و ما ادري شسوي و اشلون أحمل ؟!! الحين انا نفسيتي تعبانة وايد و ما ادري شسوي ساعدوني الله يساعدكم

 

[cute_batoota]

توكلي على رب العالمين وكثري استغفار ودعاء وسبحانه يرزق من يشاء بغير حساب ريحي نفسيتج وآمني ان الي الله كاتبة لج راح تشوفينه ولا تحاتين اهم شي عنج مبيض وفي بيويضات انشالله لا تتركين علاجج وشوفي دكتورج شنو يقول والله يرزقج يااارب ويفرح قلبج يا رب اللهم آمييييييييييييييين

 

[Swan]

الله يعوضج ان شاء الله
كرري عمليه اطفال الانابيب وان شاء الله تنجح معاج

 

[موزةالكويتية]

مشكورين على الرد و الله يرزق الجميع يا رب
بس انا خايفة من تكرار التجربة لان من كثرة الابر اهيا سببتلي مشكلة المبيض و خايفة أفقد مبيضي الثاني اذا كررت التجربة لان هذي من الاثار الجانبية لعمليات أطفال الانابيب و تنشيط المبايض
و ما اعتقد ان زوجي راح يوافق اني أجرب شي بعد و أنا ما ادري شسوي

 

[WaChoCha]

اسال الله العظيم رب العرش العظيم ان يرزقج الذرية الطيبة الصالحة ويعوضج خير عن المبيض اللي فقدتيه وقادر ربي يغير حالج من حال الى حال افضل

اللهم آمين

 

[SOoOSA]

لا تخرعيني :eh_s(16):
انا نفسج عندي الحين مبيض واحد بس قالولي دام ان الحمدالله شغال ودورتي منتظمة يعوضني عن ال2
بس اشلون عملية اطفال انابيب اتأثر عالمبايض؟ :080402ask_prv: لاني ناويه اسوي انشالله

 

[SOoOSA]

وشنو المشكله اللي صارتلج وشالوه بسببها؟

 

[om-7amod]

اسأل الله العظيم رب العرش العظيم أن يشفيج

وان يرزقج ياكريم

 

[موزةالكويتية]

حبيبتي انت شنو المشكلة عندج من البداية ضعف مبايض ؟

انا المشكلة عند زوجي مو فيني انا .
و انا الدكتور قالي ان تنشيط المبايض ياثر على المبيض فصار فيني تضخم و عوار فضيع التف المبيض و قالي لازم نشيله .

 

[موزةالكويتية]

لا تخرعيني :eh_s(16):
انا نفسج عندي الحين مبيض واحد بس قالولي دام ان الحمدالله شغال ودورتي منتظمة يعوضني عن ال2
بس اشلون عملية اطفال انابيب اتأثر عالمبايض؟ :080402ask_prv: لاني ناويه اسوي انشالله

انتي اشلون عندج مبيض واحد ؟ و عادي تبين تخاطرين فيه؟ و عندج عيال و الا لأ؟؟

 

[&رعبوووبه&]

الله يشافيج وتحملين بدون علاج وهم - ترى مبيض واحد عاادي قدرين تحملين

خالة ريلي عندها اربعه من مبيض وااحد ماشاء الله

ادعي الله واكثري الاستغفار والله يرزقنا وياج

 

[فراشة مغرورة]

لا تيأسين من رحمة رب العالمين ادعي واستغفري وتصدقي وخلي ريلج يعالج أو ياخذ عسل

 

[لويس فتون]

اللة يعوضكم انشاللة

ويرزقش يااارب بالذرية الصالحة

وبدال الواحد تووم انشاللة وباتم الصحة و العافية

و اللة يرزقش و يرزقنا يارب العالمين

تقبلى مرووووررى و تحيااااااااااااااااتى

 

[نيبال الايمان]

ضى الايمان


الله يصبرج على مصيبتج ويعوضج خير عنها اللهم امين يارب 000 عادى يا عمرى وايد حريم تحمل بانبوب واحد شنو المشكلة يعنى وحمدى الله ترى وايد حريم تتمنى مبيض واحد او حتى يكون عندها امل مجرد امل بالحمل وانتى ولله الحمد عنج انبوب يعنى ان شاء الله بتحملين وتخلفين لين تملين صدقينى 000 وكلى امرج بايد واحد احد واله يرزقج ويرزقنى ويرزق كل محروم ومحرومه منهم اللهم امين يارب

 

[حلم الأمومة]

عادي حبيبتي وين المشكله اذا كان عندج مبيض واحد جذي والااااا جدذي انتى مسوية بكل الحالتين طفل انابيب ؟؟ ووين المشكله ؟؟

كثري من الاستغفار وقيام الليل والدعاء بسجودج في الصلاة والله يرزقج ان شاءالله

 

[حبيبة زوجها2009]

حبيبتي عادي تقدرين تحملين بمبيض واحد بس لاتجازفين وتسوين العملية مرة ثانية انا من رايي سوي استخارة وايد احسن من المجازفة الان التنشيط الزايد يسوي بلاوي انا دورتي اعتفست وسبت التنشيط

 

[موزةالكويتية]

عادي حبيبتي وين المشكله اذا كان عندج مبيض واحد جذي والااااا جدذي انتى مسوية بكل الحالتين طفل انابيب ؟؟ ووين المشكله ؟؟

كثري من الاستغفار وقيام الليل والدعاء بسجودج في الصلاة والله يرزقج ان شاءالله

مشكورة حلم الامومة على الرد و مشكورين كل اللي دعولي
بس انا قصدي اني أخاف يصير بالمبيض الثاني شي اذا سويت بعد أطفال أنابيب

 

[موزةالكويتية]

ضى الايمان


الله يصبرج على مصيبتج ويعوضج خير عنها اللهم امين يارب 000 عادى يا عمرى وايد حريم تحمل بانبوب واحد شنو المشكلة يعنى وحمدى الله ترى وايد حريم تتمنى مبيض واحد او حتى يكون عندها امل مجرد امل بالحمل وانتى ولله الحمد عنج انبوب يعنى ان شاء الله بتحملين وتخلفين لين تملين صدقينى 000 وكلى امرج بايد واحد احد واله يرزقج ويرزقنى ويرزق كل محروم ومحرومه منهم اللهم امين يارب

مشكورة ضي الايمان على الرد و الله يسمع منج و يرزقنا اجمعين ياااا رب

 

[SOoOSA]

انتي اشلون عندج مبيض واحد ؟ و عادي تبين تخاطرين فيه؟ و عندج عيال و الا لأ؟؟

شالولي مبيضي لما كان عمري 16 سنه
كان فيني تكيس والجلاب دكاترة مبارك شالولي اياه ولا تكلموا بس الحمدالله على كل حال :0bee2e8d89:
الحين ناطرة يحطون لي موعد عشان عملية اطفال انابيب بس ماعطوني منشطات للمبيض الحين كلش
لان تبويضي زين و مايحتاج
وليلحين الله ماكتب لي حمل ولا مرة

 

[موزةالكويتية]

شالولي مبيضي لما كان عمري 16 سنه
كان فيني تكيس والجلاب دكاترة مبارك شالولي اياه ولا تكلموا بس الحمدالله على كل حال :0bee2e8d89:
الحين ناطرة يحطون لي موعد عشان عملية اطفال انابيب بس ماعطوني منشطات للمبيض الحين كلش
لان تبويضي زين و مايحتاج
وليلحين الله ماكتب لي حمل ولا مرة

انتي عند منو تراجعين ؟ و اشلون طريقة الدكتور يعني بدون منشطات الفرصة بتكون قليلة للانجاب لانهم ياخذون اكثر عدد من البويضات و يلقحونها و بعدين يحطونلج ثلاث أو أربع أجنة .. انتي شنو قالج الدكتور؟؟