أبي رايكم بماليزيا مع يهال بعطلة الربيع؟؟

[ألماس ثلجي]

السلام عليكم بناااات
شخباركم

بصراحه أكره السفر بوقت الصيف والسبب العرب الي يترسون الدنيا واسلوبهم الي غير راقي مع الناس وزحمتهم وملاغتهم
لا تزعلون بناااات حتى السلام ما يسلم عليك
فقمت أتحاشى العطل الكبيرة وحبيت أسافر بوقت زحمه أقل فجدمت سفرتنا من الصيف الى الربيع ممع عيالي وهم يهااال ماليزيا رحتلته شكثر بس بروحي وبالصيف وألحين مع اليهال وبالربيع
أمــــانة الي راحت تفيدني
ومشكورين خواتي​

 

[نور النهار]

بصراحة ماليزيا حييييييييل حلوه وعائلية

 

[{ ليت ظني كآن صآيب }]

تبين الصراحه
ماليزيا الناس عطوها اكبر من حجمها

لما رحت انصدمت

مااقولج مو حلوه ... لا

حلوه بس ماتستاهل هالمدح

عجبتني تايلند اكثر

اذا تبين ديره حلوه للكبير والصغير وكلكم تستانسون روحي امريكا صج صج وناااااااااسه

او اذا تبين شي قريب روحي دبي عائليه وحلوه للاطفال والجو راح يكون حلو بالربيع يعني ماتحاتين الرطوبه !

 

[د-سوسه]

حلوه حيل اصلا انا احسها ماتصلح الا مع يهال لانها حيل عائليه ماعدا لانجاوي طبعا بطبيعتها وهدوئها اشوه اليهال يملون لان مافيها اماكن وايد ..توقيتج حلو وحتي جوهم بهالوقت مافي رطوبه انشالله نستانسون

 

[some-one]

اصلا اذا رحتي بدون اليهال بيضيق خلقج
الديرة معظمها تشوق لليهال

 

[بحور الشوق1977]

والله حلوة واكثر شئ راح يستانسون اليهال وايد لان صج تنفع لهم

 

[pitza]

شلون جوها بعطلة الربيع يعني على شهر 2 لأني ان شاء الله ناوية اروحلها مع اعيالي بهالفترة

 

[فاقده ابوهاااا]

تبين الصراحه انا رحت اربع مرات ماليزيا واذا حصلتلي فرصه الحين هم اروح والسبب الوحيد اني وايد احب المنطقه الجبليه الي عندهم واهي جنتنغ شي حلو وايد وتدرين بالكويت احنا مشافيح جو بارد اهناك الجو بارد شوي وكافي انج تقعدين بالفندق وتفتحين الدريشه ويدش عليج الغيم والمكان اكثر من رائع لليهال وعندج بكوالالمبور فندقين وايد احبهم سانوي لاغون والخيول الذهبيه شي حلو ومرتب وينفع لليهال واي استفسار انا حاضره

 

[pitza]

مشكورة حبيبتي على ردج بس حبيت اعرف شلون جوها بالربيع يعني صيفي او براد يعني اعيالي يقدرون يسبحون بحمامات السباحة او الجو راح يكون مو مال سباحة

 

[خل بالك من شوشو]

حبيبتي جوها واحد مدار السنه و رطوبه يعني حمام السباحه عااااااااااااااااادي
و لازم بعد

انا رحت لها مع عيالي قبل سنه و بصراحه

ماليزيا دوله عائليه يعني كلش مو رومانسيه و لا شي ديره للاطفال و بس

 

[فاقده ابوهاااا]

اهي من الدول الاستوائيه يعني حبيبتي جوها طول السنه نفس الشي وماليزيا وتايلند وسنغافوره نفس الجو يعني رطوبه وخيسه بس تمطر بعض المرات واذا مطرت ما تغشمر وبعدين رطوبتهم مو نفس رطوبة الكويت الي تقمت وما تقدرين تتنفسين لأ اهناك رطوبه صح بس في رذاذ مطر يعني شي اهون من شي

 

[(( غلا زوجـي ))]

حبيبتي انا انشاءلله بعطلة الربيع بروح ماليزيا مع زوجي وبنتي ولدي
انا رحتلها شهر عسل ومشتاقه اروحلها رحتلها شهر 8 الجو حلو ومرطب بس الكل مدحها بعطلة الربيع
بس والله العظيم حيل حلووووووووووووووه وعااااااااااااااائلية

 

[L I N D T]

بالنسبة لجوها ..

في الربيع رطبة اكثر من الصيف ..

انا رايحتلها نص شهر 2 ..

يعني جوها بالصيف احسن ..

عسى ربي يهنيكم