أبي رايكم لأن رايكم يهمني ..

[Kocheko]

صباح الورد يا وردات ...

بدخل فالموضع مباشرة بنات ... أنا معاي بنت بالدوام كل تغيب وأذا يات تقعد ساعة وتطلع .. والشغل على راسي .. وأنا اتحاسب على أي تقصير وهي لاء لأنها من النوع اللى يتمسكن على المدير ومد
يرنا طيب .. يتعاطف معاها واايد

بس مديرنا العود ما يدري وعباله هي أداوم .. أنا حاسة بالظلم أكرف وأشتغل وهي تاخذ راتب بلاش ..
مادري ساعات أقول بتكلم بس أغلب الوقت أسكت .. أخاف أقطع رزقها ..

قطع الأعناق ولا قطع الأرزاق .. على فكرة البنت ما عندها ظروف ولا شي بس هي مو مالت شغل ..
مادري شورو عليى أسكت ولأ أتكلم ولو تكلمت بيكون هالشى بذمتي ؟

 

[ماكدونلز]

لا تكلمي تسكتين تتماده زياده انا مريت بتجربه هذي وانا اختك والله تصدقين تمادوا كل شغل عل راسي

 

[نبض السعاده]

اممممم ليش ساكته تكلمي كلميها مالج شغل باحد
ووين قاعدين تشتغلين بدلها

 

[سعادتهم]

كلميها قوليلها شغلك ماراح أسويه
غلقي شغلك بعدها أخرجي
مو معقوله محسوبه عليكم موظفه والكرف عليك
الله يصلحها

 

[Kocheko]

بنات هالشي قاهرني .. أن أنا أكرف وباجر النرقية لها بس فنقس الوقت متردده واايد
أخاف أتكلم ويفصلونها وأكون أنا السبب ...

مرة كلمتها عصبت عليى ...

 

[معزوفة عشق&]

كل واحد يلتهي بشغله والشغل مسؤوليه
وانتبهي تجاملين غيرك ع حساب نفسك اجلسي معاها وكلميها بالطيب وان حسيتي مافي فايده اتكلمي
ولكل حادث حديث

 

[om.googi]

دشي عالمدير العووود وقوليله صراحة في شي صاير بالإدارة ما ينصفني كموظفة !!! زميلتي بالشغل شبه ما تداوم لظروف وكلنا عندنا ظروف بس توصل انها ما تقعد بالشهر الا جم يوم شي يقهر وانا بروحي أكرف واشتغل يا اتيبون معاي وحدة او تكلمونها تلتزم

انا ما احاسبها هذا شغلكم وانا ييتك عشان تتصرف معاها لان مديرنا سلس ويقدر حالتها واهي مستغلة الوضع ,, بس اذا مافي معاي احد يساعدني هم انا ماراح اشتغل دام مافي تقدير ..

( لا يكلف الله نفسها إلا وسعها ) .. لي حد معين في اني اسكت عن حقي بس الحين وصلت لمرحلة اني اتكلم لأن الوضع زاد عن حده ..


والله يعينج ..

عن نفسي انا وقفت شغل وقلت ماني مشتغلة دام مافي احد معاي .. والله ع طول سوو كتاب حاجة موظفين ومن ثاني اسبوع يابوهم ههههههه لازم تتحركين ..

السالفة مافيها قطع ارزاق .. لان الفصل صعبة وايد في القطاع الحكومي .. يمكن ينقلونها او يبدلونها جي ..
​

 

[M!SS.LOBY]

الله يعينج

 

[M!SS.LOBY]

البنت هذي ما تخاف من الله ولا عندها ذمة وضمير
ولا تستحي على نفسها كلميها وقعدي معاها بالاول قولي لها مو حاله هذي طالعه وقاطه الشغل عالرأسي مو غلطتي هذي
واذا ما نفع معاها الاسلوب والاحترام
وصلي الشكوى للمدير والله الوحده فينا مالها خلق تتحمل غباء غيرها اعصابنا على قدنا

 

[M!SS.LOBY]

ومع الأسف الشديد واكرر واقووووووول

بعض الناس تحاولين تتحاشينهم وتطوفين وتتغاضين عنهم تقولين عيب او حرام اوتكسر الخاطر او ماتستاهل او الله يهديها من عنده

على بالهم

انج انتي تخافين من عندهم او اعتقادهم ان الشخص اللي يحترم مسكين وضعيف الشخصية استغفر الله

 

[oshi_q88]

كلمي المديير ولاعليييج

 

[ميـــم]

اي قطع ارزاق هذا اللي هاد حيلج بالشغل وكل شي على راسج
ادخلي على مسؤلكم الكبير وقوليله من الألف إلى الياء خيشوف بعينه المصخرة اللي تصير
هذا ظلم بعينه وعلمه

 

[ميـــم]

ماكو شغل الوظايف حق ناس ونااس ويارييت يستاهلون

 

[شوشو الشقيه]

تكلمي الي متى تسكتين يا يبه
تكلمي تموتين من التعب
يبه قولي للمدير وفكي عمرج

 

[al-musk]

من حقج تتكلمين ...

 

[Kocheko]

تسلمون بنات ... كلكم نورتوا موضوعي .. وشكرا لكل وحده ردت عليى

وسامحوني على التأخير .. سويت اللى قلتو لي عليه وتكلمت وكلمها المدير ..
بس تخيلوا حقارة البنات أفترت فالقسم وشوشت الكل عليى .. على أساس أنا ظالمتها ..

يعني لا ترقعت وأنا ساكتة ولا لما تكلمت .. جذي ولا جذي أنا الشريرة وهي المسكينة .. أنا الخبيثة وهي الملاك ..