أبي طريقة صلصة المشروم بسرعة بليز

[أبرار84]

السلام عليكم بنات أبي صلصة المشروم اللي نستخدم فيها الطحين لأن ماعندي كريما أبيها الحين بليز متنسية عليها أبي آكلها الحيييين

 

[خالة الزين]

رد : أبي طريقة صلصة المشروم بسرعة بليز

اب اب اب

لعيوووووووووونج

ماااااااالي بالطبخ بس ياااايه اتفرج عالاكل


انشالله البنااااات يفيدونج

 

[جارة القمر]

رد : أبي طريقة صلصة المشروم بسرعة بليز

تفضلي طلبك

http://www.q8yat.net/showthread.php?t=275804


طريقة منقووووله


المقادير

ربع كيلو مشروم طازج اي نوع (الطازج)

بصلة صغيرة مفرومة نااااعم

صويا صوص

اقل من نص علبة كريم للطهي

تقريبا كاس ماء

1 ملعقة اكل طحين

زيت زيتون

ملح وفلفل اسود خشن

ونصف مكعب ماجي

الطريقة
1- تحطي شوية زيت وتبدئي بقلي البصل لحد مايشقر شوية

2- تضيفي المشروم وتقلبي لمدة دقيقة الى دقيقتين

3- ضيفي الملح والفلفل والماجي وملعقة طحين وتقلبي .. راح يمتص الطحين ماي المشروم .. عادي المهم قلبي شوية

4- ضيفي الصويا صوص والكريم وقلبي

5- بعدها ضيفي كاس الماي وخليه يغلي بعدين وطي النار عليه وسيبيه تقريبا عشر دقايق .. لاتخليه ينشف ولا تخليه يكون



نأتي الآن للستيك ..


أولا مقادير صلصة نقع اللحم


فلفل اسود خشن
ملح
ثوم باودر
كزبرة باودر او بابريكا .. او مجربة بدونهم عادي
صويا صوص
عصير ليمون
خل اي نوع
الصلصة تسوينها على حسب كمية اللحم .. تزيدين وتنقصين ...

عدد 4 شرائح من الستيك ..


تنقعين اللحم لفترة اقل شي ثلاث ساعات او ساعتين ..





ا للطريقة


1- تحطين شوية من زيت الزيتون مع القليل من الزبدة على المقلاة وتسخنيها زين
2- تحطين قطع الستيك على المقلاة اما دفعة واحدة اذا عندك المقلاة الخاصة بالستيك الكبيرة او على دفعات حتى تخلصي الكمية المهم تحطين الستيك وتنتظرين دقيقتين تقريبا على الوجه الاول ثم تقلبين وتخليها على النار العالية حتى يبدأ ينشف ماي اللحم شوية
3- تشيليها من الطاوة وتحطيها بصحن بايركس او صينية فرن عادية وتكملين كل الكمية وبعدين ..
4- تضيفين على المقلاة بدون غسلها صلصة النقع المتبقية مع اضافة كوب ماء مذوب به ملعقة اكل طحين وتخليه يغلي شوية وبعدين تضيفيه على الستيك بالبايركس
5- تغطيه بالقصدير وتدخليه الفرن على درجة حرارة تقريبا 200 او 180 وتتركيه مدة نصف ساعة او اكثر على حسب سماكة اللحم .. اذا القطع سميكة خليها 40 دقيقة مع التأكد من ان الماي مانشف كله .. اذا بدأ ينشف زيديه شوووية ماي وغطيه .. حتى لايحترك وماتصير قطع اللحم ناشفة يروح طعمها وحتى تظل طرية


الخضار

المقادير

خضار مشكلة طازجة انا استخدمت
بروكلي
قرنبيط ( الزهرة )
جزر
ذرة معلبة
زيت زيتون
أوريجانو أو زعتر أو اي نوع من الأعشاب العطرية الي تفضلينها
فلفل اسود خشن ( لذيييييذ .. على فكرة الاسود الخشن الحرارة فيه اكثر من الناعم فانتبهي لاتكثري اذا ماتحبيه حار )
ملح
مكعب ماجي حسب الكمية ممكن تستخدميه كله وممكن نصفه
صويا صوص ملعقة طعام تقريبا

1- تاخذين الخضروات ماعدا الذرة .. وتقطعينهم بأحجام متساوية وسط او مثل ماتحبي المهم متساوية

2- تغسليهم وتحطيهم في المصفاة الخاصة بآلة البخار .. وتحطين التايمر على 10 دقايق او 15 دقيقة .. حسب رغبتك بنسبة استواء الخضرة .. انا احبها وسط لاهي مهروسة ومطبوخة كثير ولاهي مستوية عالخفيف ..

3- بعد ماتستوي الخضرة حضري المقلاة وحطي فيها زيت زيتون مقدار تقريبا ملعقة طعام واحدة او ملعقتان .. ورشي الفلفل والأوريجانو والملح ولاتكثري الملح لانك راح تحطي ماجي

4- خليه يسخن عدل وبعدين حطي الخضرة عليه وقلبي لمدة دقيقة

5- ذوبي مكعب ماجي بنصف كوب ماء حار او اقل شوية وحطي معاه الصويا صوص

6- صبي ماء الماجي والصويا صوص وقلبي وبعدين غطي شوية المقلاة عشان يكمل استواء الخضرة

7- بالاثناء اغسلي الكمية المناسبة من الذرة المعلبة وصفيها

8- زيديها آخر شي بعد ماينشف الماء

9- ذوقي وتحكمي بنسبة الملوحة .. واذا رغبتي رشي على الخضرة عصير ليمون
ماتنسي انك تطبخيها طول هالفترة على نار عالية عشان مايتغير لون الخضرة ولاتغطيها فترة طويلة يعني دقيقتين او ثلاثة وشيلي الغطا اذا حسيتي الماي كثير عشان تضل الخضرة لونها جميل ماتذبل بالمرة واذا ذقتيها ومو مستوية زيدي ماي وقلبي حتى تستوي الخضرة
اذا حبيتي تزيدي البازلاء ( بسلة او بزاليا مثل ماتحبون ) اسلقي كمية مثل ماتحبين وضيفيها قبل الذرة بس ماستخدمتها

طريقة ثانية

الستيك مع صلصه المشروم
4 قطع ستيك كبيره الحجم
2 ملعقه كبيره زيت زيتون
نص ملعقه صغيره اوريجانو
نص ملعقه صغيره ريحان
رشه فلفل اسود
2 ملعقه كبيره زبده
ملعقه كبيره خل بلسميك
بصله صغيره مفرومه ناعم
2 ك مشروم شرائح
نص كوب ماء نص كوب كريما
مص معجون طماطم
ملعقه صغيره مسترد خردل
ملعقه كبيره طحين
للتقديم خضراوات سوتيه

نتبل الستيك بالأعشاب ملح وفلفل و زيت زيتون ثم نطرق على القطع قليلا لتسطيحها قليلا ونضغط عليها باليد جيد ممكن استعمالها فورا او وضعها في كيس مع خل بلسميك ونقعها لليله كامله اوعده ساعات ثم نضع مقلاه حديد عميقه على النار مع قليل زيت وزبده ونحمر الستيك جيدا 3-4 دقائق على كل جانب حتى النضج ونشيله من المقلاه ممكن تقطيعه لشرائحاو تركه كما هو ثم في نفس المقلاه نضع قليل زيت وزبده نشوح البصل بسرعه نضيف الطحين ونحرك نضيف الماء المشروم معجون الطماطم الخردل الكريما ونتركها على النار لحوالي غلوه 3 دقائق توضع خضراوات سوتيه في طبق وفوقها شرائح الستيك ونسكب عليها الصلصه وتقدم



منقوووووووووووووووول

 

[أبرار84]

خالة الزين مشكورة عالمرور
جارة القمر مشكووووووووووورة حبيبتي عسى الله يوفقج ويعطيج الصحة والعافية
كفيتي ووفيتي