أبي عطور للشراشف والكفرات

[om__jana]

شلونكم بنات ؟؟

بقيت تساعدوني أبي عطور او روائح للفراش والشراشف أدري فيه بالشايع والجمعيات بس ابي ريحه حلوه مجربينها لأني لمن اروح احس اني اضيع بين الروايح :eh_s(1):

ومشكورين مقدم

 

[اسرار الغلا]

احلى شي جربته مشعل الرصاصي البنفسجي والبصلي

 

[om__jana]

اسرار الغلا مشكووورة بس وين احصله وريحته على شنو؟؟

 

[لورا 22]

احلى شي كلونيا الفدور تلقينها عند الحواج بدينار ونص تبين ترشينها بروحها تنفع تبين تزيدينها شوي ماي ورد من الحواج هم ريحتها تطلع حلوه
وعندج بعد ليلة خميس من اجمل يهبل وعندج الفايز هم حلو ورخيص واذا انتي تروحين لسوق الفحيحيل هم في واحد حلو بس ناسيه اسمه جنه الدكان والله ناسيه بس حلو

 

[أنفاسي دخون]

اجمل >> ليلة خميس + ديليشيس + كلونيا اشرقت

الرصاصي >> اكوا كوثر + زينة الفرش

الشايع >> دانتيل + سطور + حروف

الفايز >> جربت لمسات يهبل وبارد

واذا تذكرت برد لش

 

[عسولة الكويت]

الشايع أنا احب رهيف ومااستغني عنها روووووعه ودانتيل بعد تهببببببل
اجمل احب عندهم ليلة خميس تهبببببببل
الرصاصي أحب أكوا الوردية والمشمشية والبنفسجية روووووعه وكوثر بعد حلوة
العبدالمحسن حلوة لقطات

 

[Athwaq]

المجالس من جنيد في جم محل يبيعونه وايد حلو .. حتى اذا بخرتي المكان ريحته تصير روعه مع البخور

أشرقت مال أجمل يلوع الجبد ريحته ريحة هنود و تقمت القلب ماانصحج فيها .. مستغربه من اللي مدحوه لي بصراحه


و عموما يعتمد على ذوقج


موفقه

 

[@الــزيــن@]

up
up
up
انا احب دانتيل الشايع هذا اللي جربته وعجبني
واذا عندج عطورات فرنسيه ماتعجبج خلطيها مع جم عكر ورشيهم وشوفي الريحه شلون تصير وادعيلي

 

[nazek_q8]

دورت بمحلات جنيد بالبحرين عطورات المفارش كلها خالصه مااشالله العالم خمط مخامط عليهم

مافي محلات تبيع رشوش جنيد بالكويت؟؟

وتوه نازل عنده عطر راسخ ريحته اتيننننن

 

[غرشة عطر]

عندى مخلطات مرركزه وريحتهااااا تبقي ايام طويله بفراشج حياج عندي بالمعرض العنوان بالتوقيع شوفيهم عالطبيعه وتاكدي خلطاتي ماتلقينها عند اي محل يعني بتتميززززين فيها روعه عليها خاصه المعاريس زززوغه وخلصوها عندي بالمعرض

 

[q8iLady]

اختي , اذا تحبين الورد عندج ( معطر فواح بالورد الطائفي ) من السرتي ,, تلقينه بالجمعيات ( بالشاميه موجود ) ,,
اذا تحبين العود عندج ( ماء العطر للفراش بالعـــود ) من عنفر ,,
او , روحي المهلب عند ( نعمه للطيب و العطور ) و إختاري

 

[سيدة الذوق]

الحين انا فاصله علي 2

خلطة الشيخ من العضوه غرشة عطر
خلطة بخور من عطورات الصابر مجمع الغوالي سنتر

 

[om__jana]

مشكورين وايد وايد كتبتهم عندي انشالله اروح اجربهم

 

[ريماا]

فى محل بمجمع السنام ناسية اسمة عندة خلطااات وبخور روووووووووووووووووعة خصوصا خلطة البندرى
وعندج عبدالمحسن فى الحلو وفى العاادى

 

[ابلة رسم كتكوته]

جربي ترتيل بالجمعيه ينباع مادري تبع شنو نسيت بس لونه بني حددددددده عجيب
واطياب العبدالمحسن هم بالجمعيه البيجي او الوردي حلوييييين
اما حاليا انا استخدم من القريشي تسنييم ريحته مو مكرره وعجييييييييييبه حق البيت والفراش والهدوم
حتى بدون بخور جنج متبخره وتلاقينه بالديره او الافنيوز بين محلات عبي نسيت اسمهم
وحتى روح الخور عنده حلو بس تنسيت فيه بس جربيه وادعي لي

 

[toyo]

انا استعملت رشوش عند غرشة عطر فظيع اسمه العنود

بس الحين طايحتلج على 3 انواع تلقينهم بالجمعية

هذا من عطورات الفودري

[/url][/IMG]

[/url][/IMG]

وهذوله موغالين شوفي سعرهم

 

[Tangled]

انا شريت من الفودري رشوش دهن عود

وشريت من ام عبدالله سالمين واحد اسمه الشيخ وواحد اسمه طيبة يهبلون

ومن فترة كنت استعمل روعة من اطياب المرشود حلو

وعندج اختي شارية واحد من غرشة عطر مادري شنو اسمه بس وايد حلو وبارد

 

[ابلة رسم كتكوته]

اي اي انا قصدي نفس اللي حطته تويو عجيييييييييب هالرشوش
انا استخدمت ترتيل حده فظيع

 

[zezo113]

لا يطوووووووووووووووووفج
مخلط ترابي من عنفر

جربي وقوليلي اشرايج

 

[btuta]

حبيبتي في خلطات كلمت روعة شوي عليها و كلها درجة اولى شغل حلو و مرتب و الله حتى ساعات من كثر ماهي حلوة اتحسف ارشها بالبيت و الفرش ارشها على جسمي بعد السبوح عقب ما اتدهن تينن و في خمريات و بخور و عطور تقليد ماركات الله وكيلج قمت ما اشتري الاصلي من كثر ما انها ما تفرق عنه و يسون بعد شغل هدايا و صناديق دزات روعه انا تغليف هدية عيد زواجي سويتها عندهم لا تقوليلي بوابة الهدايا و لا غيره و المنسق شاب كويتي الله يحفظة لاهلة اصابعة تنلف بحرير و الله
و صديني ماراح تتحسفين يسوى كل فلس ينصرف عليه
هذا الرقم و بالتوفيق انشاء الله 65540866