أبي ليه رديت لكويت أتشيحط جدام حمولتي بأحلى موضه هابين فيها أمريكا :(

[PinkY Dreams]

السلام عليكم:eh_s(16):
وااااااااااااااء واااااااااااااااااء :eh_s(16):
بنات شلونكم عساكم بخييير واااااااااء :eh_s(16):


بنات تكفون ساعدوني :eh_s(16):

انا ابي موضه هابين فيها الأمريكان ألحين الي ليلحين هالموضه مو ماوصلت لكويت

أبي أرد لكويت أكشخ جدام حمولتي وعيال خالاتي وأتشيييييييييييييييييييييييييييييييييييييييييييييييييييييييييييييييييييييييييحط

أبي أعرف شنو أخر وأحلى موضات الي هابين فيها الامريكان ألحين

شنو احلى موضه شفتوها بأمريكا وماوصلت لكويت ( أهم شي ماوصلت لكويت ) لووووووووول

ابي ليه رديت لكويت يستغربون ابي ويهم يصير جذي من يشوفوني
ابيهم يسألوني من وييييييييييييييييييييين ماخذته وانا عاد حزتها اتشيييييييييييييييييييييييييييييييييييييييييييييييييييييحط واقول من امريكا مو موجود بلكويت قاهريني شسوي حتى وانا بأمريكا منحاشه منهم ومن عيوونهم يسألون تخيلوا وانا اهني يسألون امي بلكويت شلون بنتج مرتاحه بالغربه مرتاحه مع ريلها مستانسين ولا لأ ؟ قطططططططططططططططططططططططططططططططع
بيعرفون كل صغيره وكبيره بحياتي ياألللللللللللللله وانتوا شكووووووو فينيييي حتى وانا منحاشه منهم ماسلمت منهم ومن كلامهم اوف :eh_s(14):
ابي أحلى موضه أحرهم فيها لأني عارفتهم اهم يحبون الموضه والاشياء الغريبه والفناتق :eh_s(2):

 

[PinkY Dreams]

والي عندها محلات كشخه تكتب ماعليكم امر

سوائن محلات نسائيه أو حق البيبيات

اي ابي اكشخ بيبييي بأحلى لبس من امريكا بس شنو احلى محل للبيبيات محل كشخه يزاكم الله خير

 

[G!RLooNa]

مادري والله بس لي سالو عنج شلونها بالغربه مستانسه ولا لأ مافيها شي عادي بالعكس المفروض تستانسين

 

[AnnaLina]

اممممممممم !! عجبتني صراحتج يعني اشكرة بتشيحط لول

بس شوفي حبيبتي صفي نيتج وعاملي الناس باخلاقج مو باخلاقهم لان حرام تتنازلين عن شي امج وابوج ربوج عليه سنين بس عشان تحرين ناس وتغيظينهم ..بالنهايه هذيل اهلج ولحمج ودمج وما يجوز تاذين صله رحمج ...والحين خو اللي موجود بمريكا كله موجود بالكويت وفوق هذا النت موجود كلشي يقدرون يطلبونه من النت ولو كان بالقطب الجنوبي


انتي حامل واي سلوك تسلكينه ياثر على البيبي تدرين ان حتى الاخلاق تنورث؟؟

راجعي نفسج شوفي شنو نيتج بشرائج لهالاغراض ؟ انج تغيظين اهلج..هل تتوقعين هالشي بيرضي ربج؟ هل تتوقعين ان الله بيبارك لج ويهنيج بالاغراض اللي شريتهم؟

مرة قريت حكمة ماني ذاكرة اقتباسها بالضبط بس الحكمة تقول ان لا تخلين الشي اللي تلبسينه غالي وايد عشان لا تكتشفين يوم من الايام ان لبسج اغلى من نفسج واخلاقج
وبعدين انتي جذي ماراح تتخلصين من اذيتهم وحسدهم جذي قاعده تعطينهم سبب اكبر عشان يحسدونج

ع العموم امريكا فيها شغلات حلوة لليهال ملابس عربانات مميات كل شيهم creative والحين التاجرات اللي بالمنتدى قاعد يبيعون كل هالاشياء حتى محل قمبوري اللي انا كنت مشتطة اييب منه حق اول حفيده عندنا بالعايله واقول الله وناسة ماكو منه بالكويت الحين اشوف التاجرات اللي اهني قامو يبيعون منه بالمنتدى ( بس شوفي انا كنت اييبه لها مو عشان اغيظ احد بس عشان احبها وعشانها بنت بنت خالي )

صدقيني والله مابي احبطج بس احنا نعيش في زمن التكنلوجيا اللي ما نوصل له بالايد نوصل له بالانترنت لول

والله يقومج بالسلامه عاد ولديييييييييييييييييييييييي هنااااااااك خل يعطونه الجنسية الامريكية كربونه لوول

 

[منورة الكويتية]

حبيبتي بنكي دريمز
ميخالف بس انا اتفق مع انا لينا
شراح تستفيدن الا تفتحين العيون عليج اكثر
صفي نيتج وسوي الشيئ عشان تستانسين وترضين نفسج مو عشان تغيظين احد او تتشيحطيم على احد
وتذكري في حديث بما معناه
لايدخل الجنه من كان في قلبه مثقال ذره من كبر
ميخالف لاتزعلين علينا بس احنا نبي لج الزين ومصلحتج قبل كل شيئ
وترى صج كل شيئ الحين صار بالكويت
والنت مايقول لاا

 

[PinkY Dreams]

ههههههههههههههههههه انشاءالله حبايبي عدل كلامكم كتبت الموضوع وانا ميته قهر بسبتهم ههههههههه

لا بالعكس منوره وربي مو زعلانه ماقلتوا شي يجرح ويزعل فديتكم
بس شسوي كله منهم حاطين عينهم علينا انا وريلي يغارون على شنو مادري خلف الله بس :eh_s(2):

 

[الحلا توته]

اذا حاطين العين عليج انتي وريلج بطريقتج بتزودين حسدهم لج والله يستر من الحسد والعين ممكن يفرق بينج وبين ريلج الله لايقوله انتي استهدي بالله وما عليج منه
والله يكافيج شر عيونهم

 

[Bent Ameer]

اهم شي صفي النيه ,,

 

[De3La^85]

انزين الحين ما قلتولنا شنز اخر مووووضه p;

بلطف الجو يعني

لله يوفقج بنكي و يحميج من العين

 

[AnnaLina]

De3la 85 ههههههههههههههههههههههه ضحكتيني اهم شي تلطيف الاجواء

اي والله صج يلاا قولوووا شنو الموووضه بنعرف حتى انا ودي اشتريي :eh_s(9):

 

[المكسيكيه]

من صجج @@

 

[sereen]

عمرى عادى ترى والله ااذا ظليتى بتفكرين باسلوبهم بتعبين نفسيا وماديا بصراحه , بصراحه المفروض تصيرين ريلاكس اقولج اياها مافى شى صاير واو ولا غريب ولا مافى منه تبين الصج الغريب والرهيب هذا باوروبا مو امريكا , لان اغلب الويب سايتات الامريكيه تدز برا امريكا فا الكل يوووصله اول باول ماصار مثل قبل ماحد يعرف ولا احد يدرى النت هواييل فيه , تبين حركات خرخشى مخباتج موجود بامريكا بس كلشى بسعرا جنج بالكويت , وبعدين ترى والله الموضه ماتخلص والناس مايخصلون من القيل والقال تبين اتسكتينهم بيدج , الحين انتى بتكشخين بتفتحين لهم باب للكلام , كشخى بهدوووووووووووووووووووووووووووووء لا تسوين ضجه اتثيرين اللى حواليج , خليج حيل عاديه ولاهامج شى , ترى شماخذين من الناس غير المطالع والحسد

 

[chanel N22]

حبي ماعليج منهم ادري اصلا كل اللي رايح امريكا الناس تحط عليه على شنو ياربي بس الحمدلله دامنا بصحة وعافيه ربي لك الحمد والشكر
شوفي للبيبي اخذيه ماركة من الاوت لت يهبلون بربريز وبولو وتومي وجوسي اذا بطنج بنوته. ورحي تيجي ماكس يهبلون ماركات قيس وحركات اليهال واذا ماتبين تبطلين عيون الناس اخذيله من جبمريه حلو ورخيص والوانه وايد حلوه
ولج انتي اخذيلج جنطة وجوتي تكرمين ماركة من الاوت لت وساعة وبدلة من bcbgصج موجود بالكويت بس بالاوت لت ارخص واخذيلج حزام ماركة ساكس عجيب الاوت لت ونظارة ماركة من ساكس الاوت لت وحركات الاوت لت واااااااااااااااااااااااااااااااااااااايد واخذيلج من بربريز الاوت لت مره لقيت عنده قميص عجيب وسعره واااااااااايد حلو
وموفقه ان شاء الله ادري اذيتلج بس استغلي الاوت لت بأمريكاااااااااااااااااااااااااا

 

[chanel N22]

شوفي ماركة بيبي _مايكل كورس_دوني ان بيرك _هذول احس مو هابين فيهم بالكويت

 

[black_arno0oBa]

هلا حبوبه اكو محلات يكون عندهم شغلات تكون لميتد ادشن يعني 100 حبه بس بالعالم كله وتكون بامريكا او اوربا وهذول طبعا ماكو منهم بالكويت لان بكل العالم ماكو إلا جم حبه ف جذي تكونين سبشل

 

[el3aNoOoNa]

هههههههههههههههههههههههههههههههه واااي امبي سوري سوري حبيبتي والله ماقصد شي لا تزعلين مني بس صج صج صج كلامج يضضضضضضضضضحك
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
ان شاء الله تلقين الاشياء الي تتشيحطين فيها

 

[سيلينا]

ماراح تلقين هبه جديده الا عندنا بالكويت يطلعون شي مايسوى والكل يهب فيه

رايي انا كنت بامريكا سابقا صراحه لي رديت الكويت اتجدد بطريقه اللبس بس لما اكون اهناك يغلب علي اللبس العملي

احس اكثر شي ممكن تتميزين فيه الماركات اشتري لج جناط ماركه قوتشي او ال في في شغلات ما نزلت لكويت بعد تقدرين تتميزين فيهم على ماتنز الا انتي شيعانه منها

بس للبس احس كل شي متوفر والجوتي مكرمه ما احسه حلوو يعني ماراح تتميزين اهو شي شكله غريب بس موحلو

وبعدين شالله حادج تفتحين عيون الناس عليج والله عيونهم ماترحم تحسبج اهناك رايحه سياحه مايدرون انه كراف

والله يردج بالسلامه يااارب

 

[%ورد طايفي%]

مبين انج كاتبه الموضوع وتو واصلتج سالفه منهم
حبووبه مالج شغل باحد وشوفي الي يناسبج وحلو عليج واكشخي فيه
وتوصلين الديره بالسلاااامه

 

[ترانيم القصيم]

أبي أحلى موضه أحرهم فيها

لا يا أختي الحبيبة ما ينفع كذا ^^ ,, كل ذي نعمةٍ محسود ,, و أنتِ بنعمة قد يفتقرون لها قريباتكـ فما ينفع تحرّينهن أو تقهرينهن ,,

قال الرّسول صلّى الله عليه و سلّم ( لا يدخل الجنّة من كان في قلبه مثقال ذرّةٍ من كبر )

قال صلّى الله عليه و سلّم ( لا تكونوا إمّعة ,, تقولون إن أحسن النّاس أحسننا و إن ظلموا ظلمنا , و لكن وطّنوا أنفسكم إن أحسن النّاس

أن تحسنوا و إن أساءوا فلا تظلموا )

الله يوفقكـ يا رب و يرزقكـ الذرّيّة الصالحة

احترامي و تقديري

ترانيم القصيم

 

[LuLiTa]

صفي نيتج ,,,, و اذا عن الموووضة سألي المحلات عن البضاعة الحصرية مالتهم ,,,كل بوتيك يكوون عنده شي حصري ما تلقينه في اي بوتيك ثاني ,,,, و اسعار الماركات اهنااك ارخص ,,, خذيلج ال في ,,,توه منزلين كولكشن يديدة ,,,