أبي نصيحه لمشروعي

[@@ شوق @@]

أنا وحده ربة بيت

ماعندي معاش :0bee2e8d89:

حبيت أفتح مشروع وتاجر في مكياج في بيتي

بس متخوفه يمكن ماينجح

وماأدري أهو غلط إني أبيع في بيتي ؟؟؟!

فممكن تنصحوني

 

[kuwaitya_zoGaa]

حبيبتى بقول لج شغله ....
اول شى صلي استخاره .
ثانى شى ... اذا بيتج له مدخل خارجى ؟؟؟ او اذا تقدرين تعزلين البضاعه بغرفه يكون احسن لانه صدقينى دخلت الحريم وطلعتهم راح تزعج عايلتج .
واذا ماقدرتى شاركي بالمعرض والمنتديات .
الشغله الاخيره لا تشترين كميه كبيره لا ابتدى بكميه قليله وشوفى الطلبات وشوفى نفسج تقدرين على هالشغله والا لا؟؟؟
واكثري من الاستغفار والصدقات .

 

[* شـــــموخ *]

الله يرزقج يارب

 

[@@ شوق @@]

حبيبتى بقول لج شغله ....
اول شى صلي استخاره .
ثانى شى ... اذا بيتج له مدخل خارجى ؟؟؟ او اذا تقدرين تعزلين البضاعه بغرفه يكون احسن لانه صدقينى دخلت الحريم وطلعتهم راح تزعج عايلتج .
واذا ماقدرتى شاركي بالمعرض والمنتديات .
الشغله الاخيره لا تشترين كميه كبيره لا ابتدى بكميه قليله وشوفى الطلبات وشوفى نفسج تقدرين على هالشغله والا لا؟؟؟
واكثري من الاستغفار والصدقات .

مشكوره أختي على هالنصيحه الحلوه وأنشالله راح أصلي الأستخاره.......
بس !!!!!

صراحه أنا عايشه بشقه

وفكرت إني أبيع عن طريق المنتديات

قلت أقسم وقتي يوم يروح زوجي وقت دوامه أستقبل زبونه وحده أو زبونتين مو أكثر في شقتي وعرض بضاعتي ...........

 

[&اخت خالد&]

حبيبتي واللخ الكل صار يتاجر حتى الموضفاااات يتاااجرووون فمابالج وانتي ربة بيت

دام الواحد يتااجر بذمه ومايغش ومايزبد بالمبااالغ الخياااليه الله بيوفقه

والله يوفقكم خواتي بالعكس واالله انا اشجع خواتي الكويتيات يتاااجرون خلي دهنا بمكبتنا

وانا اول وحده بشتري منج بس طرشي مسج وخلي الاسعااار هم حلوه

 

[kuwaitya_zoGaa]

عيل حبيبتى توكلى على الله خل ايوون لج البيت و عرضيهم بالمنتديات
وحطي لج مندوب للتوصيل والا خلي البنات ايون لج والا اشتركي بالمعرض
سوى لج ايميلات ودزيهم وحطي رقمج وتوكلى على الله

 

[&مناي&]

حلو تفكرين بالتجارة الله يكتب لج باب رزق فيها بس سالفه البيت احسها صعبة لانج ساكنه بشقة احسن شى عرضى بضاعتج بالمنتدى والوسيط او اى طريقة اعلان .......... والتوصيل عن طريق مندوب

 

[ام مضاوي]

موفقه حبيبتي

بس اهم شي المكياج تكون من ماركات ونوعيات مو متوفره بالاسواق
يعني شي مميز واسعاره معقوله

 

[كويتية نشيطة]

انا اقول لا دلين احد بيتج خلي كل تعاملج بالنت او اذا تقدرين تنزلين بمعارض

بس البيت صعبة في ناس تقدر الوقت يسمح او مايسمح وفي ناس ما تقدر


الأفضل من بعيد لي بعيد


بالتوفيق

 

[ما على الدنيا عتب]

موفقه.........

 

[@Miss Dio@]

صعبه سالفه البيت عن تجربه اذا تبين حطي لج مندوبه او نزلي معارض بس بالبيت صعبه وايد

 

[supermarket]

خلج عالمعارض احسن

والله يوفقج