أبي واحد .. شلون يعني ...؟

[عايشه بأمل]

حبيباتي تسلمون على تفاعلكم
ادري توني صغيره بس بدال ما انطر
النصيب الزين على ما يجي ..
اكسب أجر واعوض نفسي من هالحرمان
لكن ابي اعرف شلون اللقى يتيم نسبه معروف ؟

 

[سكارف.فوشي]

جربي روحي اللجان الخيريه او الشؤون وسألي عن هالموضوع اهمه راح يفيدونج اكثر لان اهم عندهم هالحالات موفقه يارب

 

[PO PO22]

جزاااج الله خير يا قلبي
ومالج شغل بنظره الناس اهم شى تكونين مقتنعه مو شى شفتيه بالتلفزيون وضاق خلقج وقلتي ابي اكفل يتيم وبعد مده تزهقين وتقولين ياليت ؟؟
وطبعااا موافقه الاب ووالام
والله يسهل امرج

 

[عايشه بأمل]

تسلمون والله
الفكره طلعت من نفسي لا شفت شي ولا تاثرت بأحد
شي انا محتاجته بحياتي ...

 

[اميره1980]

انا اخالف رأي خواتي العضوات
و انا رافضة للموضوع تدرين ليش؟
تخيلي الله رزقج بزوج بعد ما تكونين تعلقتي بالطفل و صار عيونج المركبة / اكيد زوجج ما راح يرضا تربين ولد غريب عنده و اصلا لو في احد عينه عليج بس راح يدري ان عندج طفل قاعده تربينه راح يرفض يتزوجج هالايام الواحد يا الله نفسه
انا اسفة على رايي بس هذا الواقع و الصراحة

 

[AnGel GirL]

حلوه فكرتج بس صعب تطبيقها
والمجتمع فيه ناس يطالعون بنظره ثانيه للاسف
اذكر قبل فتره سمعت برنامج بالراديو تكلم عن عوايل بالكويت تبنت اطفال وعاشوا مع عيالهم الطبيعين عاد تخيلي فرحتهم انهم عايشين حياة طبيعيه
اذا ماتقدرين تتبنين روحي دار الايتام وحددي يومين بالاسبوع تروحين وتاخذينهم لمنتزهات او مطاعم تقدرين تختارين اطفال معينين حسب ماسمعت رفيجتي كانت تشتغل بالدار وكانت تسولفلي عن حياتهم صج تكسر القلب ف ان شاء الله بتكسبين اجر كبير على عملج هذا والله يأجرج ان شاء الله ويوفقج بهالعمل

 

[alb7ranya17]

كفلي يتيم احسن من تربيه يتيم

 

[بحط قلبي بين إيدينك هدية]

حلوه فكرتج بس صعب تطبيقها
والمجتمع فيه ناس يطالعون بنظره ثانيه للاسف
اذكر قبل فتره سمعت برنامج بالراديو تكلم عن عوايل بالكويت تبنت اطفال وعاشوا مع عيالهم الطبيعين عاد تخيلي فرحتهم انهم عايشين حياة طبيعيه
اذا ماتقدرين تتبنين روحي دار الايتام وحددي يومين بالاسبوع تروحين وتاخذينهم لمنتزهات او مطاعم تقدرين تختارين اطفال معينين حسب ماسمعت رفيجتي كانت تشتغل بالدار وكانت تسولفلي عن حياتهم صج تكسر القلب ف ان شاء الله بتكسبين اجر كبير على عملج هذا والله يأجرج ان شاء الله ويوفقج بهالعمل

راي الاخت انجل غيرل حلو, مدامج صغيرة لي الحين في مجال اييج نصيب وتتزوجين, فخلال هذا الوقت تاخذين لج ياهل من دار الأيتام وتطلعينه وتونسينه أحسن. إذا لا سمح الله في المستقبل ما حصل لج نصيب, ذيك الساع تقدرين تسوين اللي ابالج وتربين لج يتيم من دون ما تتحسفين.

 

[manhattan girl]

حبيبتي انتي انسانه مبين عليج حنوووونه وايد و طيبه اكثر بعد بس انا بقولج شغله و انتي فكري فيها و القرار الاخير لج اذا يبتي بنت او ولد و ربيتيه و كبر شنو بتقولينله انه من الملجأ و انتي ربيتيه ؟؟؟ و اذا بتزوجينهم صعب ترا مو اي احد يقبل ان يزوج او يتزوج لقيط ولا من ملجأ انتي نفسيا راح تتعبين و تتحسرين و تقولين ليش بنتي و لا ولدي اشفيهم نظرتج انتي غير و نظرت الناس غير و ثاني شي اعتبري من مسلسل اليتيم اهو صج في شي من الخيال و المبالغه بس هم ترا فيه من الواقع و تقبلي مروري و الله يعطيج على قد نيتج

 

[bnt_7waa]

عسى الله ينوي لج الي ببالج دام نيتج طيبه

 

[fashionistaq8tya]

اللي اعرفه مايصير التبني للمره اذا كانت مو متزوجه الا من عدت الاربعين تأكدي حبيبتي من هالشغله لاني انا هذا اللي سمعته
والا الفكره بالعكس صح وانا معاج وأشجعج على فعل الخير
اعرف عايله تبنت بنت عشان تكون اخت لبنتيهم وحيدتهم مايقدرون اييبون غيرها والحين كبرت وعادي

 

[GoLdeN~$~LaDy]

نصيحة لا تسوينها

اذا تبين الأجر اكفلي لج يتيم

باجر اذا تزوجتي وين بتودين الياهل ؟؟؟


تهقين بيرضى زوجج فيه وهو لا ولدج ولا ولده

وقبل كل هذا الناس اللي حولج يدرون انج منفصلة وما عندج عيال ويمكن يخطبج واحد على هالأساس وبعدين شتقولين له

هذا ولدي وابيه معانا !!!!!!!!


صعبه جدا اذا مو مستحيله

واللي قالوه اهلج هو عين العقل الله يخليهم لج


مالج الا الصبر واذا قلبج واااايد متعلق بالعيال اشغلي روحج باللجان الخيرية اللي متعلقه برعايه الأطفال وزيارتهم

غير جذي ديري بالج

مهما كان مجتمعنا مايرحم باجر يطلعون عليج الف كلمه بالذات اللي ما يخافون الله بيقولون يعني بتربي ياهل مني والطريج

والله يوفقج للي فيه الخير ويرزقج بالزوج الصالح والذرية الصالحة آمين

 

[Miss Cherry]

تكفلينه ايه اما انج تربينه صعبه


الله يرزقج ان شالله

 

[Hello_kitty]

بالعكس فكرتج حلووووه ولج اجر عند رب العالمين ما تدركين عظمته

كافي انج راح تكونين مع الرسول صلى الله عليه وسلم(انا وكافل اليتيم كاهتين واشر على السبابه والإبهام)

ونصيحتي اخذي اليهال اللقطاء اللي بدور الرعايه جد جد يعورن القلب حطهم مره خالد العبدالجليل بحلقه بجت الكويت كلها

تعلقوا بخالد وينادونه بابا ناطرين بس احد يزورهم ولج اجر وكل ما تفعلينه لليتم بميزان حسناتج

 

[بحر هادي]

تصدقين انا نفس تفكيرك
ولا بعد من يوم كنت صغيره...يعني كنت طفله توني وكنت افكر بهالشكل..
مادري يمكن لاننا عاطفيات واحساسنا مفرط..مادري..!!

بس انا اتمنى اسوي هالشي مع اني مو متزوجه.. بس ادري عقبات وعقليات بتواجه الوحده من ناحية الأهل والمجتمع..وكلام مايخلص..
وزي ماقلتي بيقولون هذي تبي بس مو محصله ..:0bee2e8d89:
عقليات اللهم ياكافي..

 

[الطانيه]

هم انا مفكره اسوي جذي وانا معاج وايدج بفكرتج انتي مو مسويه شي غلط واجرج عند الله كبير

 

[الــــراسيـه]

انا اشوفها عادي بس انتي توج صغيره الله يرزقج بالزوج الصالح والذريه الصالحه

 

[_ظل الياسمين _]

انا وحده من الناس ماتهمنى نظره المجتمع طالما انى مو مسويه
شى غلط او حرااااام..المهم عندى انى اكون فعلااا قد هالخطوه..
وقد المسؤوليه اما الناس باللى فيها واللى مافيهااا يتكلمون..
يكفى كافل اليتيم فخرا انه مع رسول الله بالجنه عليه وعلى
اله وصحبه اجمعين افضل الصلاااااه والتسليم.

 

[ملآمح يوسفيه]

الله يوفقج ويعطيج على قد نيتج




​

 

[مخدوشة الوريد]

توكلي على الله .. ولا تاخذين رااي احد .. انتي مو مسويه شي غلط >> انتي مسويه اجر عظيم ..
وواكفلي لج بنت احسن .. تربيتها سهله وبتكون جدام عيونج لوكبرت .. ومثل ماقالت اختنااا .. خالي اختج ترضعها ..
دام حامل وبتصير امها برضاعه .. وعيال اختج خوانها برضاعه .. وانتي خالتهااا ..

انا اذا توضفت ان شاءالله بكفل يتيم ولا راح اخذ رااي احد .. الان هالشي بيني وبين ربي .. > ادعولي