أتمنى بأن تساعدونى ؟؟

[أبكانى الرحيل]

الســلآم عليكم ورحمه الله وبركاته



أتمنى بأن تكون بألف خير ...يابنات المنتدى



أنا سؤالى عن أشعه الصبغه ...قررت أسويها بس مترددة وخايفه


مين سوتــها ..وهل تؤلم ؟؟ ومتى أفضل موعد لأشعه الصبغه ؟؟


ومين أستفادت منها ...


ياليت أى وحدة عمات أشعه الصبغه تجاوب على أسئلتى ... وتخبرنى بكل شى



والله يرزقنا باالذريه الصالحه ...وكل من يتمنى اللهم آمين

 

[m e m e]

انا سويت اشعة الصبغه ابعيادة ماجده اليتامى قبل شهرين و نص تقريبا
كلفتني ٦٠ دينار و ترى ماتعور وايد ايهي تعور بس مو امبييه تذبح بالعكس احس وايد زينه عشان تبين اذي في عندج انبوب امصكر

و الحلو بالأشعه ان تفتح عنق الرحم يعني اذا عندج التصاقات توسعهم لج و انا كان عندي التصاقات

في وايد ناس يحملوون سيده عقب الأشعه


انشاء الله ماكو الا العافيه و انا اشجعج انج تسوينهه لأن وايد مهمه و اي سؤال انا حاظره

 

[صديقه]

حبيبتي ماعندي خبرة بهالاشياء بس حبيت ادخل ادعيلج
بس الي اسمعه من البنات ان يقولون حق الي بتسويها لاتخافين ماتخوف

 

[كويتيه مذهله 87]

أنا سويتها بمصر ب10 دنانير كنت باخذ بنج بس قالتلي أختي مايسوي
هو فيه عوار بس مو ذاك العوار يعني مثل ألام الدوره بس أقوي أذا تعورتي حيل هذا دليل أن أنابيبج سليمه

 

[narimane]

السلام عليكم
أنا سويت أشعت الصبغة هي ليست مؤلمة كثير لكن أنا كان عندي إنسداد لذلك حسيت بألم في الجهة اليمني لكن لم أحس بأي الم في الجهة اليسر لكن من أجل طفل يهون كل شي وعملت عملية المظار لما كانو بجهزوني العملية وأنا أ مام غرفة العمليات وكانت الممرض تهديني وتقلي ما تخفي لكن كان ردي:قلتلها أنا مش خايفة من العملية لكن خايفة من أن تكون نتجتها سلبية وسبحان الله كان خوفي هي محله ولكني سأعيدها مرة ثانية يوم 6 أكتوبر وكل هذا من أجل ضمة طفل . إحنا نعمل إلي علينا و الباقي على ربنا فإن الله منذ خلق الإنسان وهو كاتبله كل شيء في حياتة لكن كل شيء أسباب .
ربي هب لي من الصالحين
أنا عملت الأشعة في فرنساء وهم يعطوك تحاميل تعمليها قبل ما تروحي لعمل الأشعة بساعة:eh_s(8):

 

[ماي الورد]

انا سويتها عند الدكتور حازم الرميح صحيح انها مؤلمة بس مو ذاك الم الي انتي حاطتة بالج بالعكس الم الدورة حق اول يوم تحسين فية ونزل مني دم لمدة يومين كانة دم الدورة الشهرية ويروح الالم بسرعة انتبهي تقبلي على الاشعة الصبغة وانتي خايفة

 

[Amory]

اختيتي انا بقولج اللي حسيت فيه بالضبط وماراح اهديج والا اسهل عليج الامرلكن بقولج الحقيقه

آنا سويت اشعة الصبغة بمستشفى المواساة و والله العظيم اغمى علي من شدة الألم و هذا مو بس كلامي انا حتى صديقاتي نفس الشيء تؤلم ألم شديييييد الصبغه احسها تحرق داخل الرحم.

انا لما سويتها قريت آراء البنات بأنها لا تؤلم لكن انصدمت ابألمها وما ادري اذا كانت تختلف من وحده لي وحده مع العلم اني اخذت حقنة بنج موضعي

نصيحة لوجه الله سويها مع بنج كامل اريحلج تنامين وتصحين الا كل شي منتهي وسلامتك.