أثر البوسة على رقبة الـــــــزوج >>>> وينكم يا بنات

[** رش رش **]

صج شي يفشل .... و الي يتعمدون يبينون هالشي ناس مرضى و عندهم نقص بشخصيتهم و يبون يعوضونه

 

[طفله نست تكبر]

اللي بدها الناس تحسدها تمط الرقبه هههههههههههههههههههههههههههههههههههههههههههه

 

[عروسة القطيف]

انا صراحة احب اشوف فيني اثر منه ! سواء بالرقبة لو بمكان ثاني
بس هو يستحي وما يحب

 

[Ms Zara]

يوووووووووه مستحيل زوجي يصلحها لي او اصلحها له

عيب يقول ,, وانا بعد اشوف كذا
هذي من الخصوصيات بين الزوجين ...
اوما شكلي قدام ابوي ورقبتي كذا ــ فشله

 

[نعوووووومه]

موضوع جداً تافه ولا نقدر نستفيد منه بس كلام ماصخ وصف قذر عيب والله ينزل موضوع مثل جذي قلة ادب ؟؟؟؟
بالله عليكم بنات استفدتو شي من الموضوع؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[عشقي اناني]

لاتعليق

 

[سمر شمر]

كل الردوود فشلة امبيه

عيل وين الحريم اللي يطبعون برقاب رياييلهم خنشووفهم هههههههههههههههههه

مع ان من كلامكم نسبة كبيرة اللي تسوي هالحركة وينهم هههههههههههههه

 

[Bedor-al.3taiby]

مرات ريلي يتعمد ينزل و ملابسه فيها طبعة ميك اب حق الدوانيه

الظاهر انه يحر ولد خاله عشان يشجعه يتزوج ههههه

و ٱڼـٱ مرتين اتفشل انسى اللي ع رقبتي و اروح بيت اهلي و اقعد معاهم و امي تنبهني

و مرات احط شال ع رقبتي اغطيها فيه

 

[fofo90]

بالعكس عادي ولازم يحصل بين كل اثنين
متزوجين يعني بالحلال يسوون اللي يبونه ..

 

[بتول بوشهري]

هذا مو قلت ادب هذا عدم احساس ويع ويع ويع

 

[كلآم نواعم]

انا موب متزوجه بس احس انه حسب الانسان وشخصيته اذا كوول ولا متحفظ
بس احسهاا فشششللللههههه مننننن قلللللللب اذا حددد من هلج شافج وعلق عليج =\

 

[frozntouch]

اهوا صج فشله وقله ادب
بس اللي افشل منه لي سالج واحد هاااااا شنو هذا؟
ويختمها بضحكه خصوصا اذ كنتي ماتدرين واهوا او اهيا حسباله اني متعمده

 

[english muffin]

ويع
عيب وقلة ادب
مب لازم يكون بمكان ملحوظ

 

[Tantoshah]

مادري أحسها وايد عيب وفشلة وين قاعدين وأجمل شي بالعلاقة بين الزوجين الأسرار حلاتة اهو حافظ سري وانا حافظة سرة بس لها تاثير بيني وبينة هذا راي الشخصي واصلن مالها داعي شنو اول مرة يشوفني لوووووووووووول شخباري حق المعاريس بس

 

[شهد المحمد]

انا مو متزوجه بس أعرف بنات يتفاخرون بهالشي وتعمد أنها تلفت لك نظرك عشان تشوفين اثر البوسة على رقبتها

بصراحه أنا اشوفها وقاحة وقله ادب أذا كان هالشي متعمد اظهاره للناس لانه اللي بين الزوجين افضل يكون خاص

مو عام تظهره للاخرين وزوجي فعل وزوجي يحبني وزوجي مدري شنو

تحياتي لصاحبه الموضوع

 

[هدولى]

عيب صراحه .

 

[om-3azo-83z]

بعض الرياييل فخر بس انا بصراحه استحي و مادري شلون اغطيها احط كريم اساس و طونسيلر بس تبين و استحي اسال احد شلون تروح بسرعه

 

[حنان الحربيه]

اشوف بنات يتعمدون يطلعونه
من جد قلة ادب
وحده من صاحباتي اول اجتماع لنا بعد زواجها رافعه شعرها علشان نشوفها
بس طلعت من الباب ماتو ضحك البنات يقلون شكلها امس مأذيته بس علشان تورينا:eh_s(4):
<حريم لازم يحشون

 

[orchidia]

عني أنا ماعمري سويت له ولا أفكر هو مايحب كلش وأنا نفس الشي ..

انا وياه نحب بعض شكووو الناس يدرون ؟؟

اذا انتي واثقة من حب زوجج لج مو تجين صوب البنات وتقولين شوووفووو

بتصيرين واثقة من دون مايدرون ولا يهمج رايهم

انا ووحده من البنات تزوجنا بنفس الفترة .. وحده معنا بالكلاس

جينا عقب الزواج اهي كله رقبتها بووسآآت وتخيلو بنات ترفع شعرها واااي مقزز درينا انه يحبج والا ششكبرها شنو كبر حلجه هذا :krkrkr:

ووصلني كلام يقولون شحلآتها فلآنة ( آنا ) محتــرمة مو هذيك أنواع البوسات وترفع ششعرها بعد

والأماااكن غبية هههههههههههههههههه

وبصراحة لما يقرب مني اقول لا تطبع يبو الشباب مالي خلق أغطي وهو يحرتم هالشي لأنه هو نفس الشي مو حاب هالحركة

مرة وحده طلعت لي وحطيت كونسيلر مااختفت ورحت حطيت عليها بلاستر وكلششش مو مبينة

اما هذي الي معآ] والله يابنات مرة كنت قاعده مع البنات وكانت لابسة هاينيك وتنزله تقووول شوفوا زوجي شنوو مسووي

اسسسسسستغفر الله


الزبدة زي ماقالت فوفو البوسات مو مقياس الحب .. والي تقول ماخشينا العيال عيالج زينة حياتج

وحياج زينة انوثتج مو حلوة بحقج تروحين وتطلعينها جدام الكل متعمدة

اما اذا كنتي ناسية ماعندج مشكلة


تقبلو رأيي

 

[اميره بعيونه88]

بختصار ...............

اي وحده تتعمد اظاهر اثر البوسه قليله ادب ومابوجها حياء

شي خاص بينج وبين ريلج الناس شكو ما وراهم الا العيون والكلام الفاضي