أحد يساعدني و يقولي شنو قصد حماتي؟؟؟ بدعيلها اللي ترد علي انا متأزمة حدي

[روان_الكويت]

واي الله يعينج ويصبرج
يايو احسها قثيثه

 

[شفايف كرزيه]

الله يعينج وين قاعدين في احد يودي ويجيب اخته بالزمن الحين رجلج ويالله يوديج ويجيبج
هذا اذا ماقال اجرى سايق خاص
يبا وقفيها عند حدها هذا مو حاسبه حساب لاخوها اهو طيب وخدوم واهي متسغله هالشي بطريقه قذره شكو تقول عناخوها قدام مرته شخصيته ضعيفه
وااذا اهو راضي بالشي كيفه بس انتي بنت عز ودلال شنو تعالي قطي البرد شنو انتي خدامت ابوها

نصيحه وقفيها عند حدهااااولا تلتزمين فيها بالروحه والجيه خليها تدبر روحها في سياااق وباصات ولا خوانها غير رجلج يوديها والله حرتني الرجل ماشالله طيب معاها واهي ماهي كفوووو وقولي لرجلج انها قاله عنك شخصيتك صعيفه عشان يوريها العين الحمره

 

[ام نايف2]

عندماقرات الموضوع عرفت ان اخت زوجك تغار منك لذلك تحاول تنكد عليك حياتك لابد من وضع حد يجب ان تكسبي زوجك في صفك قبل كل شئ وتتفقي انت وهو على طريقة لمعالجة الامر لانكما اخبر باحوال منزلكما وظروفه وعليك بالدعاء بتفريج همك عاجلاً ونصيحة من اخت مجربة اكسبي ام زوجك لانها اذاحبتك وقفت في صفك

دعواتي لك بالتوفيق

 

[ريتااجي]

هالأشكال ماينفع معاهم التطنيش أبدا

خلج شديدة وإياها شوي

لو قالت لج سوي لي هالشي قولي لها والله مو شغلتي إني أخدمج

لو قلتي لي بإسلوب حلو كان ممكن أفكر أسوي لج الشي

أنا إنج تأمريني كأني خدامه عندج آسفة شوفي غيري يخدمج

وعلى سالفة الطلعة قطي نغزات عليها وإذا مافاد قطيها في ويها

بس قبل كلمي ريلج وقولي له ترى من حقي يكون لي وقت وخصوصية

ويعني هيه عندها إخوان غيرك ليش مايوصلونها مشاويرها

وإذا مافاد فيها طلعي لج حجج مرة قولي له حبيبي أنا عازمتك

على مطعم مرة سنيما وهاه قولي له ترى عازمتك بروحك

مو تييب أحد معاك وإن شاء الله ينفع معاه هالإسلوب

وربي يعينج ويسعدج ويريح بالج يااااارب​

 

[om shaheeen]

بنات كلش ما تحترم اخوها كلش و لا تحسب له حساب حتى بيني و بينها تقول اخوي شخصيته ضعيفة
الحين الحليو و الطيب صار شخصيته ضعيفة؟؟

بنات مقهوووورة


و الله ان اسلوبها معاي قرف بقرف

و اللي يغثني انها ما تقول حق اخوها انها باجر ما تبي تداوم يعني نقعد الصبح على خالي بلاش وانا وياه ياللله ننام من ولدنا

مو حالة
انا و الله اخاف اني بيوم انفجر و اتهاوش...


الله يفرج همكم يا رب و يفرحكم يا حبيباتي ياللي قاعدرين تعطوني من وقتكم و تردون و علالاقل تدعون لي


اااااه يالقهر






بنات انا ماقلت مابيه يوديها و يجيبها



بنات بس انا ابي احس اني متزوجة
يعني ابي اركب السيارة مع زوجي و محد معانا
ابي انا احدد الوقت اللي بطلع و برد فيه مابي يقول هالعلة معانا بتروح ماصارت
بنات حسو فيني ابي بسط حقوقي

** الخصـــــــــــــــــــــــوصية **

اهي اصغر مني ب4 سنين انا عمري 23 و اهي 20 اعتقد

حبيبتي الغلط من زوجك
المفروض اهو يوقفها عند حدها على سالفةالدوام
علي يوم يكشت فيها او ينزرها يقولها ياتتسنعين يا شوقيلج احد يوصلك
أنا أبوي كان يسوي جذي مع عمتي كانت وايد تلطعه بالسكة و كذا مرة
ينزرها و سااعات يعدها بالمدرسة تولي
كل هذا من نفسه محد قاله سوو جذي المفروض زوجك يحس
و يزفها مو انتي اللي تشتكيله !!!!!

 

[kookiss]

عندج وعندنا خير هالاشكال ماينفع معاها الحجي حقريها
آآآآآآآآآه انا منغثه من هالاشكال الا درجه اني فكرة بالطلاااااااق
لاتستغربين من كثر ماهي محتره مني وغاثتني وانا طناش تكره حتى بنتي
وتتمنى اني اتطلق تدرون ليش لاني اكبر منها ب10 سنوات والناس يحطوني بعمرها
وانا اصلا حاشمتها عشان خالتي حبيبتي ولا اهيا قليلة ادب ومحد يقدر يوقفها عند حدها تصرخ وتتبله فعلا وقحه ومحد يقدر عليها
وميته لاني وقفتها عند حدها ولابيني وبينها كلام ولا سلام ولا محتره من ولدي لانه جميل تباركه الرحمن بشهادة الكل
فحقريها احسن والحجي مع ريلج يكون مو معاها لانه الغلط منه اهو في غيره وااااايد عرفتي

 

[الأماكن]

يبا ,,,, قصي لج ليسن و ارتاحي منها و من مشاويرها

بس مو تركب ع راسج هي الثانية

 

[ذكرى الايام]

هوأحس شئ أنج تطنشينها ماعليج منها خليج معاها رسميه لاتعطينها ويه حتى تعدل
الله يعينج

 

[آتعــبني غـلآآك]

واااااي اقهرتني بسالفه البرد شنو انتي تشتغلين عندها حتى خالتي مايصير تآمرج بهالطريق
انا اقول كلمي زوجج حسسيه انج متضايقه وانه كومار وماعنده شخصيه و انتي مو اصغر عيالها
تامر عليج عمى بعينها غثتني

 

[Habibat Abooha]

وااااااااااي يمه

عندي وعندج خير

فتحتي لي جروح

الله يعينج ويعيني ويعن كل وحده عندها حماة عوبه

 

[كلنا عشاق لكن]

وليش إمعذبين روحكم ياتروحون مع بعض ياتجون مع بعض أظنها غلطتة إهو :eh_s(10):
فياإنة يحط سايق أو سايقة أو سوقواا وإهو كافية مسؤولياتة
عموما الميانة بين الأهل عادي بس هالشي قبل الزواج ههه أما بعدة حلاتة إتكون بحدود الصراحة
​

 

[aṕriliå]

خلي زوجج يتصرف وياها


والله يعينج ..

 

[ليدي اكتوبر]

كرهي الحريم الي عقلهم ع قدهم وعععععععععععععع
بس ماعليه التطنيش وسيله ياحلااااااااااتها
ماعليه باجر تخف وتمل لمن تعاملينها برسميه وواذا قالت لج تعالي شيلي
ماشيلي
في شي يسمونه صمخ انتي سوي نفسج صمخه
واذا قلت ادبها سوي نفسج ماتشوفين ولاتحجين وامسكي التلفون تحجي فيه
او كلمي خالتج بمواضيع ثانيه وخليها اهي تتادب من روحها

 

[ملح الدنيآ.]

طنشيها ,شكل عقلها صغير ماينشره عليها .َ!​

الله يعينج ويخليلج ريلج يآآرب ..~​

 

[زوجة عزيز]

،

الحموات ماخذين المركز الاول هالاسبوع بالقسم لوووول

ماخذتها على ضحك ! منكده عليج عيشتج وحاطه نفسها مهمه بحياة زوجج وانتي ع الهامش وللحين تقولين عن ضحك؟
حبيبتي زوجج شنو نوعيته وشنو طبعه انا اشوف انه كلمه توديه وكلمه تجيبه والا كان قال لاخوانه يودونها
فهميه قولي له انت ملزوم فيني قولي بروح الطبيب بوقت طلعتها وكيد بيوديها روحي دقي على احد من اهلج وروحي ودقي عليه قولي انا ابيت اهلي لان شكل من بعد الزواج الاخو هو المسؤول عن اخته وخلج ابيت اهلج قولي انا مالي خلق شي ولاتجي لا افضحك واقول لاهلي سوالفك انت واختك خليه يرجف ويحس ان هي السبب بتعاسته وخلي ولدج معاج وهو ينطق خصوصا اذا كان متعلق فيه بيموت
لاتسكتين عن حقج لواخته حبيبه جان هانت الا هي ملعونة خير وملسونه ومالقت رجال يوقفها عند حدها
قولي له ترى هي تقول عنك شخصيتك ضعيفه مو كلمتها وهي قدها قوليها ليش شاريه رضاها وتساحلين للحين وانتي تنامين وتقعدين على هم ؟
واذا قالت سكري الباب لاتسكرينه وشنو قطي البرد عفوا بس هم خاطبين ميري من بيت اهلها ؟ ليش ترخصين نفسج وتخلينها تدوس على راسج وتمشي زوجج على كيفها ؟
هذيل ينفع معاهم العين الحمرا وتاخذين زوجج لج وتخلينهم يولون قوليله عندك اخوان عزابيه وفيه باصات بالمعهد وقولي له مابي اطلع واروح معاك وهي معانا !
بس هااا فكري بردة فعل زوجج بس صراحه شكل زوجج طيب زياده عن اللزوم والا ماخلى اخته تركب على راسه وتشغله كومار عندها انتي اولى فيه اركبي راسه وخل طولت لسانها تنفعها

​

معاها

 

[PuPa^^SWeeT]

مبين عليها مراهقة و عمرها مزعج

اذا تزوجت راح ترتاحيين

 

[BiiShOoO]

الله يعينج

 

[dectora 7elwa]

الحل بيده هو مو بيدج ..
يحقرها كم مره عشآن تسنع .. واذا تأخرت لآ ينطرها ..!
وين قآعدين .. هذي عديمة مسؤوليه بالمره وانتي معطينها وجه ..!
ويقول لآمه يآ تلتزم بالموآعيد والا ماراح ينطرها ..
لآن لو تتكلمين آنتي بتطلعين بالصوره الشينه ..

صح اوتسوق سياره وتخلصون

 

[قطوة@@]

الله يعينج عليها

لووول ادعي لها بالزوج اللي يفكج من شرها