أحرف من القماش بالإنجليزي

[رويال ديزاين]

قوه بنات ...

ابي من خبيرات الكلف و الاشغال الفنيه تقولولي يا بنات الحلال ..
الاحرف اللي من القماش باللغه الغنجليزيه وين أحصلهم ؟؟؟؟؟

محتاجتهم ضروري



و أبي اقوا شي يلزقهم على القماش ...

صمغ حراري و لا سوبر قلو ؟

نصايحكم و تجاربكم تهمني ...

 

[اخت الغالي الغائب]

والله مادري نشاءالله البنات يفيدونج واحسن شي للصق الشمع الحراري

 

[sugar&spice]

كذا محل بسوق الصفاه الكلف يبيعهم انا شايفتهم

او اذا تبين اخذي خام جوخ وقطيه انتي علا الحرف اللي تبينه ولصقيه او خيطيه علا القطعه

اتمنى اكون فدتج

 

[أم دناش]

ممكن بمجمع دسمان اتوقع

 

[ريحانة_14]

الأحرف تحصلينهم في بركات

بس أنا أفضل إنج تشترين خام جوخ جاهز قطع ملونة من مكتبة جرير وتطبعين أحرف على الكمبيوتر
وتالي بالكربون طبعيهم على القماش إللي بتقصينه

وإللي يلزق القماش على القماش الفازلين إللي بمحلات الكلف .. وإذا الخام ماراح تغسلينه لصقيه
مع السكوتين العادي .. و أعتقد دسمان فيه محل عنده خووووووش صمغ خاص حق الأقمشة

 

[مـطـر صـيـف]

حبيبت تعرفين بياع الورد


اللي بحولي بالسرداب مجمع منيره مقابل

مستشفى دار الشفا تحت تلاقين احرف

من خام ملونات وبعد احرف خشب ملونات وخفاف



اتمنى اني افدتج

 

[بدر البدور.]

حبيبتي عند بو اميه احرف جاهزه

حطيهم على الجوخ حدديهم وبعدين قصيهم

:tek:

​

 

[رويال ديزاين]

ماشالله عليكم يا بنات ما قصرتو صج خبيرات و نستفيد من خبراتكم ..

آنا ودي ألزقهم على كوشيات مسويتهم حق غرف عيالي ... ملونين بس أبي أحط أساميهم أو احرفهم ....

مجمع دسمان وين صاير صراحه ولا مره رحتله ..

و بياع الورد أعرفه و بمره ...

و بالنسبه للقص و ما ادري شنو آنا ما أعرف اقطع أتدوده ...

الأسهل و الاضمن آخذهم جاهزين ..

تشكرات يا بنات ...