أحسن حليب أطفال لعمر سنه وفوووووق،،،؟؟

[ام هيا العلي]

حليب بروجرس ماشاءالله بنتي مرتاحه عليه لي من سنه ونص اعطيها واللحين لها سنتين

الحمدلله مرتاحه عليه

 

[barbie_girl]

ولدي من كمل سنه جربت معاه اول مره نيدو ون بلس من سنه لثلاث سنين بالعسل وقليل الدسم

الحمدلله ناسبه وماسبب له لا غازات ولا امساك والحين كمل سنتين ونص ولي 5 شهور اشتغل عالفطام اخفف له الرضعه بالتدريج عشام اقطعها وينساها من غير صياح ونفسيه لانه كان متعلق فيها جدااا وقربنا نرميها ان شالله وافتك

اتمني يكمل عليه بالكاس جربت معاه ولا بغاه يستقرفه مايبيه الا برضاعه وقالي الدكتور مو لازم حليب مجفف لسنتين ووقفيه اذا بغاه بالكاس حلوو واذا ماتقبله ترا مو ضروري بس لازم تقطعين الرضاعه قبل 3 سنين

جربت احط له النيدو بنكه التشوكلت نسكويك نصحتني صديقتي اسويه لانه مشي مع ولدها اما ولدي ماتقبله ابدااا حاولت بحليب المراعي ونفس الشي عاد قلت لا فطمته رسمي عقب كم شهر بتتغير نفسيه ويمكن يتقبل حليب ا المراعي لسايل بالنسكويك لو كاس باليوم والله يعين

 

["*آآآنؤؤؤقهـ*"]

حبايبي الله يخليلكم اعيالكم


انا بنتي اسم الله عليها تمت 3سنين

بزيت اعطيها غين الطفوله سيميلاك رقم 4

 

[فديتـ عمريـ]

بديا شووووووور و بس

والله العظيم عيالي 2 قبل ما كانو يوزعون بديا شور كنا نشتريه لهم واااااااايد حلو و ممتاز

و للحين يشربونه بقلاصات واحد 8 سنوات و الثاني 6 سنوات و يحبونه

 

[شانيل نمبر 5]

بيدرشور حلو
ويمتن اليهال ويفتح الشهيه

 

["*آآآنؤؤؤقهـ*"]

اسسسسم الله عليها بنتي بدت تتقبل حليب الطازج كي دي كاوو

ولله الحمد... واحسن لها يغذي اكثر

 

[ABEER FLOWER]

ومنكم نستفيد يا أحلى أمهات

ربي يخليلكم عيالكم

والشكر موصوووول لـ أنوقه صاحبة الموضووووع

 

[ام بيان]

بروجرس احسن شي

 

[al7noona]

بيدياشور وايد زين وعيالي يحبونه من عمر سنه الى 10 سنوات ومكمل غذائي وفي على نكهات

 

[Cute mama]

بالنسبه للسيميلاك كلش مالائم عيالي الاثنين وااايد ثقيل ويقعد عالجبد ومن يشربونه يرجعون وامساك لو تلاحظون تبقى ترسبات وايد اخر شي بالبطل مايذوب عدل

عقب السنه افضل نوعين حليب

الاول نوفولاك هذا من واهم صغار اعطيه لهم ليمن يكبرون خفيف لا ترجيع ولا غازات ولا امساك ولا شي

الثاني بيديا شور اهو شوي ثقيل لانه فيه مكملات غذائيه حق الياهل اذا تبينه يمتن وتقدرين تدخلين الحليب بالاكل اذا بتطبخين يعني بتسوين كستر او كريم كراميل محلبيه موز وحليب تقدرين تدخلين بيديا شور فيه

 

["*آآآنؤؤؤقهـ*"]

العفوووو

ويخليلنا اعيالنا ويخليلكم اعيالكم


وحلو يكون الموضوع موجع لكل ام تبي تستفيييد