أحسن مصبغة تعاملتي معاها؟؟؟

[لموية العسولة]

السلام عليكم

شلونكم ياقمرات

أبي أحسن مصبغة تعاملتو معاها ...واحسن مصبغة لملابس السهرة

يالله نفيد ونستفيد

عن نفسي أتعامل مع المصبغة اللبنانية الكبرى لكل شي صج بعيدة علي بس روعة ماشاءالله عمرهم ماخربولي شي ....بعكس المصبغات اللي يم بيتنا دايما الهدوم تكش عندهم وخصوصا اللينين

وبعد مصبغة معرفي كويسة والفصول الاربعة

 

[ام عبدالمحسن]

مشاركة: أحسن مصبغة تعاملتي معاها؟؟؟

اله يعافيج وين مصبغة اللبنانية الكبري أنا عندي دراعة وكلها شيك وكلما أروح مصبغة يقولون ما نقدر نغسلها يمكن هذه المصبغة تقدر وجزاك الله كل خير

 

[لموية العسولة]

مشاركة: أحسن مصبغة تعاملتي معاها؟؟؟

وياج يا أم عبدالمحسن

اهي بالسالمية قبل لابجيت ...يعني وانتي جاية من الدائري الرابع وعند اشارة المطافي لفي يسار يصير على يمينج مروش ..كملي سيدا قبل الاشارة اخذي فرعي يمين ..امشي شوي جدام راح تلقينها على يمينج وجنبها ملحمة ..رقمها 5743116

 

[Brounzi_girlly]

مشاركة: أحسن مصبغة تعاملتي معاها؟؟؟

ايون ياخذون الملابس من البيت ؟؟؟؟؟
مع تحيااااااااتي......

 

[fulla]

مشاركة: أحسن مصبغة تعاملتي معاها؟؟؟

انا جربت الفصو الاربعه للسهره والبدل العاديه مصبغه يم بيتنا

 

[لموية العسولة]

مشاركة: أحسن مصبغة تعاملتي معاها؟؟؟

هلا برونزية ..والله ماجربت بس اهو قالي يجون

يسلمووو فلة صج الفصول تهبل

 

[bnt q8 in usa]

مشاركة: أحسن مصبغة تعاملتي معاها؟؟؟

والله عندي مصبغة ام البنين بالجابريه من عمر وياهم حتي لمن ارجع من امريكا

 

[لمسة فن]

مشاركة: أحسن مصبغة تعاملتي معاها؟؟؟

مصبغة kingsgard ولها أكثر من فرع
اللي أعرفهم النزهة ، قرطبة
ووايد ممتازة
وهذه علامتها التجارية

 

[ANGELICA]

مشاركة: أحسن مصبغة تعاملتي معاها؟؟؟

شكرا لكم

 

[لموية العسولة]

مشاركة: أحسن مصبغة تعاملتي معاها؟؟؟

تسلمون جميعا

 

[BaiTotia]

مشاركة: أحسن مصبغة تعاملتي معاها؟؟؟

مصبغة التنظيف على البخار

والله زينين و الحلو فيهم إنهم ياخذون الملابس و لما يخلصون يردونهم

 

[jana]

مشاركة: أحسن مصبغة تعاملتي معاها؟؟؟

ana okhooy mufattish salama mihaniyya ...imfattish 3ala kings guard illiy in qor6oba oo maa yimda7 ha killish ... egool 7ad ha wa9kha, fa gimna inroo7 kalla kalla in qor6oba il hdoom ityeenna ree7at hum 7ilwaa

 

[Cadburya]

مشاركة: أحسن مصبغة تعاملتي معاها؟؟؟

أيييييييييييييييييي

عفيه عليج jana احنا بعد مصبغتنا اللي على طول نروح لها .. كلا كلا

 

[لموية العسولة]

مشاركة: أحسن مصبغة تعاملتي معاها؟؟؟

تسلمون على التفاعل وبجرب كلا كلا ان شاءالله

 

[النور الهادي]

بنات واللي يعافيكم

أبي أحسن مصبغه بالمنطقه العاشره

وشاكره لكم

 

[Q8tya_GirL]

مصبغة غادر بحولي يم دار الشفا بالضبط احسن شي حق البدل و الدراريع صج انه غالي شوي بس تطمنين لما تودين ملابسج الغاليه

 

[مناوي]

بالمنطقه العاشره مصبغة الاقمار المضيئه <<< كل شي تودينه عندهم وما يخرب حتى الزوليه يغسلونها حنا ما نتعامل الا معاهم

 

[أم طه الحولة]

انا اودي حق مصبغة منى اللي بشارع قصر النخيل .. واودي سانك اسك

 

[سحيله_الحلوه]

مصبغه غادر بحولي صج انها غاليه بس خوش مصبغه

 

[al7reyaa]

انا مصبغة كلاكلا
كانت زينه بس عقب الظاهر غيروا ادارتهم الاهدوم ريحتها زفره وكلللللللله يخربون

اول كانت ريحة الهدووووووووم كومفورت الحين حدها خايسه بجرب مالت الجمعيه
بس انا ابي وحده اييون البيت ياخذون ويردون