أحسن مصبغة تعاملتي معاها؟؟؟

[قايدة الغزلان]

مصبغة الكويتية بحولي وحده من البنات امدحتها و وديت لها بدلتي شغلهم وايد نظيف

 

[دلوعه زوجها]

مصبغه غادر احسن مصبغه ومن عمر ماما اتعامل معاهم من قبل الغزو وحدهم اوكي

 

[Eng/thumbelina]

والله آنا أتعامل مع مصبغةالطهارة وايد زينة ةيطهرون الملابس

 

[saroonah]

ابي مصبغة زينة حق البدل لأن زوجي وايد دقيق ابدلة الدوام ومالقينه مصبغه زينه فمنو مجربة مصبغة تضبط هالبدل

 

[سنفوره]

ساااااااااااااانك اسك و عندهم 15 فرع

 

[ام حمني]

السلام عليكم ,

حبيت اشاركم بهالموضوع .. في مصابغ وايد زينه و في مصابغ وايد وايد شينة .. بس انا اتعامل مع مصبغة و عندهم توصيل و كل شغلهم تمام حتى اني طرشت زوليه و ردوها لي تلق لق و هم الستاير ينظفونها بعد و شفت محلهم نظيف وايد غير عن المصابغ الي نشوف فيها الهنود عاده .. اسأل مجرب و لا تسأل طبيب ...

اسمهم توجو .. هذا موقعهم على النت

www.laundry-2-go.com/ar/ar.html

 

[ديما الكويت]

ما استغنى عن مصبغة دلال بالقادسية ..تعاملهم روعة ومحترمين وايد ..بس عيبها شوي غالية مقارنة بالمصبغات الثانية وفروعهم ما شاء الله وايدة تعاملت قبلها مع مصبغة معرفي كش الجاكيت مالي مع انه ماركة ما يخافون الله خربوه لي ؟؟؟؟؟ وعقب حلفت ما وديه هدومي او ملافعي مصابغ تسوى والزين فيهم دلال انه يقولون لج ترى هذا مانقدر نغسله او نكويه يعني عندهم ضمير .
على فكرة بنات مصبغة من المصابغ بدون ذكر وفي منطقة سكنية راقية بالكويت شفتهم يقطون الملابس من داخل المحل الى الشاحنة قط وبريول السايق يلملمهم بصندوق الشاحنة عشان يوديهم الغسالة اللي بره المنطقة . مت من القهر لو كنبلي وله اهدومي جان ينيت!!!!
مصبغتي الحلو فيها انهم يغسلون ويكوون بنفس المكان يعني ما راح يلملمونهم بريولهم وسيدا على الشاحنة

 

[واحة طيبه]

نشكر كل من أثنى على مصبغة واحة طيبه
مصبغة واحة طيبه هي مصبغتكم ولقد أسست لخدمة زبائنها . وهي تحت أشراف إدارة كويتية 100 %
لها أسلوبها الخاص من حيث الخدمة والتعامل
وتقوم بتوزيع هدايا لزبائنها في المناسبات والسحوبات الأسبوعية على أرقام الفاوتير
كما ولها سجل خاص لكل عميل من عملائها فيها كل البيانات والأعمال ألتي قام بها مع المصبغة
جربوها ولن تندموا
وأن كانت هناك أي شكوى أو أستفسار الرجاء أرسال رسالة للعنوان التالي
[email protected]
أو الأتصال على 66166227
هاتف المصبغة 66166167

 

[بوشهوده]

ابصراحه احسن مصبغه جربتها مصبغه طيب المشعل بالسالميه
ولي مستلمينها شباب كويتي و هم وايد يهتمون بالملابس و العطر عججججيب
و عندهم اشتراكات وايد زينه
ملابس الكسرات اشكثر افتريت مصابغ محد رضي يسويهم غيرهم
شغلهم عجيب و جربوهم ما راح تندمون و ادعولي

خدمه التوصيل ٩٤٠٠١١٣٣