أحسن نوع دياي

[dreamy]

السلام عليكم

بنات شنو احسن نوع دياي تشترونه؟
احنا نشتري دياي ساديه بس الله يزيد النعمة صغير و مهما طبختيه
اتحسين في دم من داخل و اهو مطبوخ و مستوي و خالص؟؟؟؟؟؟

ابي من خبرتكم تنصحوني بنوع دياي زين و يكون حجمه وسط لا صغير و لا كبير شنو احسن نوع؟؟؟

و بعد اللحم شنو احسن مكان اشتري منه لحم للطباخ العادي ( مرق - مجبوس وهالسوالف) و بعد ابي لحم ستيكات حلو و ترف سهل بالطباخ ؟

ممكن تفيدون وحدة يديده و غشيمة بالمطبخ:eh_s(1):

 

[خبيرة اعشاب]

انا اشتري دجاج الوطنيه

اما اللحم نشتري من الصفاه خروف عربي و بالمسلخ يقصونه لج على كيفج ستيك و مفروم ...كله بدينار و يجيسونه لج بعد

 

[الغاليه نونو]

شوفي حبوبه اذا تبين دياي مثلج احسن شى دياي بوعلي جربته مافيه زفره وجنه طري شحلاته
واللحم اخذه من سوق اللحم اشتري الذبيحه كامله لحم عربي واذا بتعرفين اللحم العربي من الاسترالي شرطي علي البياع يراويج ذبيحه فيها جفل الخروف العربي يكون الجفل عود ومبين مومثل الاسترالي يصير الجفل جنه ذيل قطو

يقطعها لي حق المجبوس ابروح وحق المرق ابروح وعلينا وعليكم بستين الف صحه وعافيه

 

[dreamy]

الله يعافيكم و نبي بعد اقتراحات نبي دياي حجمه متوسط لا كبير ولا صغير

 

[رقي]

اخذيها مني
احسن دياي اسمه السلطان
وغالي بعد لانه علف نباتي مو خرابيط
وشغل الكويت وطري
ماراح اتلاقينه يم الدياي العادي
اتلاقينه يم البيض والحمام والفري
ترا مسوين علي ابحاث وطلع نمبر ون

 

[supermarket]

الوطنية و المتحدة

 

[الملكيييية]

دجاج السلطان رووووووووووووووعة وصج له طعم

 

[[]نهاوند[]]

بصراحة افضل دجاج مجربته هادكو بس للأسف مو موجود بالكويت​

 

[سيدة الكويت]

دجاج الوطنيه حلو

يعتمد على الطبخه اذا فيها حوف وبهارات ووو

 

[انا كويتية]

المتحدة

 

[sadan]

هلا dreamy

شوفى حبيبتى الدجاج انا شترى دياى ذبح من جمعية الشويخ

وساعات اذا مستعجلة استخدم دياى سادية

وبعدين ترى يختلف حسب الطبخ

اما اللحم فأنا اتعامل مع 2

1 الشامخ بالشويخ ايسوى كل الانواع ستيكات وريش وشقف وكباب عجيب

2 باربيكيو للحوم بالجابرية هم نفس الشى عجيب مع التتبيلة طبعا

جاهز بس اخذى واشوى

وبالعافية

 

[LaSt WoMeN]

دريمي ..
انتي اختاري حجم الدياية .. تشوفين يكتبون لج جم وزنها على الجيس ..
اختاري حجم 700 – 800 تقريبا هذا الحجم المتوسط ..
بكل ماركة تلقين كذا حجم و انتي اختاري اللي يناسبج 

ساديا !! الله يزيد النعمة ما احبه

احنا ببيتنا يشترون الوطنية و المتحدة .. والله حلو و مش بطال ..
بس جني بقولهم يشترون اللي قالت عنه رقي و نجربه ..

و بالعافية ​

 

[سنابل]

فقيه او سلطان احسن شي

و من 700 الى 800 مو اكثر

انا مرة خذيت 1000 امي زفتني قالت لي كل دياية اكبر من الثانية ههههههههههههههه

 

[جرح الليالي]

الدياي حلاته تاخذينه ذبح

هم طري هم تشوفين الدياية صاحية مو مريضة << حق الرجيم تمام خخخخخخخخخخخخ تتذكرينها وتكسر خاطرج وما تاكلين

اللحم من الشويخ بس ما عندي محل معين والبنات ما قصروو

تحياااااااااااتي

 

[مشغوله و محتاسه]

اهم شي ..

تكون سمعة شركته زينه ... و متأكده من طريقة الذبح ..

الوطنيه تمام ..


و اللحم ... من اللحام

او مركز سلطان .. شغلهم نظيف

 

[بنت الحزن]

انا ما اشتري الا الطري

 

[النوالنو]

نصحية مني لكم اهم شي في الدجاج تاريخ الذبح جديد

 

[سبائك]

ودي اجرب السلطان شوقوني البنات عليه​

 

[حصة]

شكراً لكي اختي الكريمه على هذا المشاركة

 

[د.شريفة]

فقيه روعه طري ناطع