أخر خبر ... شي قوي قوي

[ترتر زري]

أدري كلكم دشيتوا تبون تعرفون الخبر القوي

بس بيني وبينكم كلمة من أخت كبيرة

مامليتوا من الأخبار إلي ماوراها إلا الحجي الفاضي .. إلا فلان قال وإلا هالقناة سوت
الشيطان قاعد يضحك عليكم وأنتوا مثل الأغبياء مصدقينه أنا وحده من الناس مليت ولاعت جبدي
والمشكله الكل كأنه موكل عن الناس يتكلم بلسانهم
ويتاجر بفكرهم نواب ولاغيرهم أصحوا النواب ماهمهم إلا مصلحتهم لازم يسوون نفسهم فدائيين
من أجل الشعب
موو عشان سواد عيونكم لاطبعا عشان الكراسي والفلوس والصفقات إلي من تحت لي تحت وياويل الوزير إذا مامشى الشغل حق النائب
أقل شي يستجوبه عشان ينتقم والناس بعضها مثل الأمعه تركض ورا هالنواب وتصفق مصدقه ماتنلام لأن النواب بياعيين حجي وأكبردليل مايوصل للمجلس إلا بولسان ولا صاحب الكفاءه ماله مكان
فياليت نرتقي بكل شي بتفكيرنا وتعاملنا وإلي تقول أحب الكويت تسكر باب الفتنه وتقاطع أي موضوع
ماوراه إلا الحجي إلي مايودي ولايجيب وخلونا نبني مانهدم وخلونا نكون أكبر من النواب إلي كل واحد شنبه شكبره عالفاضي .. وحب الكويت نبيه عمل موبس كلااااااام
الكويت لكل الشرفاء بجميع القبائل والطوائف حتى الوافدين إلي يحبون هالأرض إلي عزها من عزنا
وإلي يبي فتنه نقوله مع أحترامنا له للأسف مالك بيننا مكان .. هالأرض بلد السلام وبتظل بلد السلام
غصبن على الجميع ...
هالكلمة حبيت أقولها لكم والله يشهد أنها طالعه من قلبي يعني ياليت أشوف الوضع متغير ..وماأشوف بعد اليوم موضوع بالمنتدى مايفيدنا ويفرقنا بدال مايقربنا من بعض

وسامحوني عالأطاله


​

 

[S_R_S_R]

رد : أخر خبر ... شي قوي قوي



شكل البنات حقدؤوؤو عليج محد رد

نوؤوؤو كمنت ع موضووعج الحجي ضااايع <<< اب لعيوؤوؤنج

 

[ام عزيزان3]

رد : أخر خبر ... شي قوي قوي

انا بعد لايعه جبدي من الوضع هذا ليش صرنا جذيه وشيبون يوصلون له ماني عارفه
واكثر شي باط جبدي هالندوات كل يوم ندوه وبعدين شنو ورا هالقرقه وطوالة اللسان بالندوات والمشكله الي يصدقون ويصير لهم مثل غسيل مخ يعني احنا بديرتنا اوكي في الزين والشين بس مو للدرجه الي مصورينا للناس ان كل شي فساد بفساد والنواب الي يعارضونهم يقلبون ضدهم
والمشكله كل هالندوات مأخوذ خيرها كلهم بياعين حجي عندهم شي داخل المجلس لايأذونا ويفرون روسنا بره المجلس
جنهم بفترة انتخابات وقاعدين يعرضون برنامجهم الانتخابي,,,اشكره يبون المجلس ينحل
عندهم وقت فراغ خل يستغلونه بشي مفيد يرد فايدته علي الناس الي انتخبوهم يقترحون اقتراحات مفيده ويشوفون مشاكل الناس

وفوق هذا المواضيع عن هالندوات الي تقول نجحت والله انا اشوفها كلها فاشله

 

[البسايل]

يارب تزيل عنا الغمه وتهدي النفوس يارب والله قلبي يعورني علي ديرتي ...:eh_s(2): والله تقصني العبره لشفت وسمعت الي قاعد يصير .... يارب تحفظ ديرتي وترجع مثل لاول درت الخليج ياااااااااااااااااااارب

 

[فراولة بالكاكاو]

رد : أخر خبر ... شي قوي قوي

يازينج يا ترتر زري ويازين كلامج وعقلج ورزانتج صج كلام عين العقل....حبيبتي كثر الله من أمثالج :hjy5jewf:

 

[نوووور الشمس]

رد : أخر خبر ... شي قوي قوي

ههههههههههههههههههههه
شنسوي حبيبتي نبي تكووووون مولمين بكل حااااااااااااقه

 

[.. المزن ..]

رد : أخر خبر ... شي قوي قوي

شكرن

 

[مزاااج]

رد : أخر خبر ... شي قوي قوي




ياشين الحريم أذا تكلموا عن الســــيــاســـــــــــــــــــه



معاج حق بكل كلمه قلتيها

الله يديم الســـلام ع وطن الســــلام

 

[طاسه حنا]

الله ينعم علينا بنعمه الامن والاستقرار والبعد عن الفتن ونرجع نفس قبل واحسن

 

[+بسبوسة+]

++

لقد اسمعت لو ناديت حيا....
ولكن لاحياة لمن تنادي
+++

 

[Sh0sho]

الله يكثر من امثالج
بس وين الي يسمع !!

 

[om yousefany]

ام الجبرة البنت اتقول بسنا سياية وبسنا قيل وقال والاعضاء يبون مصلحتهم ودوا الناس بداهية واخرهم الدكتور مسجين والسبة منو اهمة حاولنا نفهم انقول بس لاحياة لمن تنادي انا وياج بكل كلمة

 

[رحيل الشمس]

والله انج على اسمج ترتر يعني شرايج هذا مجتمع وعايشين فيه لازم انكون بالصوره ولا شرايج نوابنا ينداسون واحد مثل الدكتور عبيد الوسمي ينسحب بالهصوره المشينه وقنوات الفساد الي غصب غيرت لنفوس على بعضها وتبينه انقول ماعلينا منهم ليش ماعلينا من خوانا وابهاتنا ورياجيلنا وربعنا انا ادري ان حريم ماورانا فايده لكن هلى الاقل معاهم بالمشاعر والكويت ماهي مثل اول ياترتر ودي قلبي مثل قلبج بس غصب الجرايد التلفزيون لطلعنا اقاويل رياجيلنا .

 

[حبي لك غير]

رد : أخر خبر ... شي قوي قوي

الله يكثر من امثالك حبيبتي شكرا

 

[masoo 511]

مشكورة على الموضوع وصح لسانج وياريت الكل يكون مثلج ولايشطون بالموضوع باتجاه ثاني

 

[ترتر زري]

رد: رد : أخر خبر ... شي قوي قوي

شكل البنات حقدؤوؤو عليج محد رد

نوؤوؤو كمنت ع موضووعج الحجي ضااايع <<< اب لعيوؤوؤنج

ثانكس يكفيني ردج :aha:

 

[ترتر زري]

رد: رد : أخر خبر ... شي قوي قوي

انا بعد لايعه جبدي من الوضع هذا ليش صرنا جذيه وشيبون يوصلون له ماني عارفه
واكثر شي باط جبدي هالندوات كل يوم ندوه وبعدين شنو ورا هالقرقه وطوالة اللسان بالندوات والمشكله الي يصدقون ويصير لهم مثل غسيل مخ يعني احنا بديرتنا اوكي في الزين والشين بس مو للدرجه الي مصورينا للناس ان كل شي فساد بفساد والنواب الي يعارضونهم يقلبون ضدهم
والمشكله كل هالندوات مأخوذ خيرها كلهم بياعين حجي عندهم شي داخل المجلس لايأذونا ويفرون روسنا بره المجلس
جنهم بفترة انتخابات وقاعدين يعرضون برنامجهم الانتخابي,,,اشكره يبون المجلس ينحل
عندهم وقت فراغ خل يستغلونه بشي مفيد يرد فايدته علي الناس الي انتخبوهم يقترحون اقتراحات مفيده ويشوفون مشاكل الناس

وفوق هذا المواضيع عن هالندوات الي تقول نجحت والله انا اشوفها كلها فاشله

مشكورة عالتفاعل وصح لسانج

 

[ترتر زري]

يارب تزيل عنا الغمه وتهدي النفوس يارب والله قلبي يعورني علي ديرتي ...:eh_s(2): والله تقصني العبره لشفت وسمعت الي قاعد يصير .... يارب تحفظ ديرتي وترجع مثل لاول درت الخليج ياااااااااااااااااااارب

آمين يارب

وشاكرة تشريفج يالغاليه

 

[ترتر زري]

رد: رد : أخر خبر ... شي قوي قوي

يازينج يا ترتر زري ويازين كلامج وعقلج ورزانتج صج كلام عين العقل....حبيبتي كثر الله من أمثالج :hjy5jewf:

مشكورة يالغاليه من ذوقج والله

 

[بنت الكويتيه]

والله صااجه .. عفيه بنات كل وحده تبدي بنفسها مو تقول لا حياة لمن تنادي ..الكويت عزيزه وتستااااااهل ومشكووووره وماقصرتي