أخطاء السونار ....@

[amanea]

السلام عليكم خواتي .........
من العنوان يبين شنو الموضوع شكثر أسمع عن أخطاء السونار في تحديد جنس البيبي وشكثر أسمع من حريم أن السونار قالهم ولد زجهزت الأزرق ولا حزت الولاده تطلع بنت وتقولج الدكتوره عالبالي الحبل السري إن ذكر المولود والعكس صحيح.........

فمنو اللي صار وياها هالمشكله .....
لاني ماراح أجهز وردي ولا أزرق بخاذ لون يصلح للجنسين.....

 

[Q8Lady]

اي حبيبتي وااااااااااااااااااااااااااااااااااااااااااااااايد تصيييير لأن أكثر المستشفيات الخاصه اذا مو كلها يدرون ان الناس يبون ولد أول شي فعلى طول يقولوج ولد عشان يونسونج ، ويسحبون مافي جيوبج ، بس الحكومة اذا قالولج ولد فيكونون متاكدين بإذن الله طبعا ،، وفي وحده حتى قالولها ولد ولما ولدت بنيه قالولها ايييي كانت حاطة صبعها بين ريولها وعلى بالنا ولد !!!!!
وفي وحده سوت سونار يمكن تسع مرات كله يقولولها ولد و طلعت بنيه وانصدمت المرة !!! ولد ولا بنيه كله واحد اللي ايي من الله حياه الله كلهم حلوووووووووين

 

[*فاصوليا*]

:eh_s(1):امي تقول كثرة السونار تضر
ولمن قلت حق الدكتورة قالتلي الطب مو مثل الاول
وبعتقادي الخاص ان صج مو زين كثرته لانها اشعه عاد مادري والله:eh_s(10):


وعلى تحديد الجنس انا بجر وبالمرتين قالولي نفس الشي بس اكيد ان ما اثق فيهم وبسوي نفسج اجهز اوف وايت احسن شي:rerrerek:

والله يسهل علينا وعليج

 

[Q8Lady]

بالنسبة للألوان أنا شريت كل الألوان وردي أزرق أخضر أصفر برتقالي أبيض كحلي وناسه جذي كل الألوان ليش اتقيد لون واحد وردي ولا أزرق !!!

 

[amanea]

أهلين ومرحبتين كبار أختي q8ladyمشكوره حبيبتي على الرد .
فعلا في أخطاء كثيره في السونار أنا هاذا أول حمل لي ومرتين أسوي سونار ويطلع نفس الشي بس لحد الحين محتاره ....
وصراحه حلو طريقتج لما شريتي كل الألوان ........شكلج بتفتحين محل ........ :dddds:

 

[amanea]

يسعدني مرورج فاصوليا............
فعلا السونارات الكثره تضر بس الله الحافظ ...

ماقلتيلنا إنتي أي نوع فاصوليا حمرا ولا بيضا..........

 

[Q8Lady]

يقولون السونار الرباعي يخلي البيبي فيه نشاط زاايد يعني ملقوف !!

 

[ويقي]

اكيد الغلط وارد وحتى بالسونار الثلاثي انا اعرف وحدة مسوية سونار ثلاثي الابعاد واهي بالسابع وقالولها ولد وطلعت بنت عند ربج سبحانة

 

[ZajiL]

الحمدلله ولا مره غلطوا فيني

 

[ديم00]

أتوقع الغلط بالسونار نادر جدا خصوصا إن الحين تطورت الأجهزه ويعتمد على خبره الدكتور
أنا أول مره سويت بالشهر الرابع عند دكتور حميد الطالب قال لي الدكتور بنت
بالخامس سويته بمستشفى الشركة وقالوا لي هم بنت
وعقبها لي أخر مره وانا بالسابع هم بنت
فجهزت حق بنوته الله يخليها يارب وينزلها من غير زياده ولا نقص

 

[الحور]

انا بالخاص دايمن يقولولي بنت وتطلع عالطول بنت من الشهر الثالث ..

 

[فيروزه]

بنات حيرتوني

انا مسويه السونار 3 مرات عند 3 دكاتره مختلفين وكلهم قالولي نفس الجنس

معقوله كلهم غلطانين

انا سالت عن النوع بس اول مره

بس المرتين الثانين الدكاتره من نفسهم قالولي بدون ما اسال

وجهزت على كلامهم

والله اخاف انصدم من كثر ما هيئت نفسي

 

[بتبوتااا]

انا بالبجر سويت بالراشد وكنت بالشهر السادس قالولي بنت وبعدين بالثامن سويت طلع ولد عادي

 

[زينانه]

انا بالبجر سويت بالراشد وكنت بالشهر السادس قالولي بنت وبعدين بالثامن سويت طلع ولد عادي

مرحبا بتبوتا...واخيرا سويتي سونار؟؟؟؟؟:ggdw:؟؟؟؟؟؟؟؟؟
مبروك:dddds:
بس بسألج عند اي دكتوره سويتيه؟وكان هالحجي متى من زمان والا توه؟
لاني الحين بالسادس وسويت سونار قالو بنت؟يعني اصدق والا لأ؟:tomato2:

 

[*جبرني الوقت*]

ولا مره اغلطو فيني الحمدلله

بس انا قريت في الصحف كثره السونار تحول عين الطفل يعني تروغ بعدين ترجع

وانا والله في بنتي وايد سونار وكل ساعه تحول عينهالي كل ماتسولف تلعب خاصة طالع فوق
اما ولدي قللت منه والحمدلله لاتكثرون سونار بس يبون فلوس
بالتوفيق

 

[^ام العيون السود^]

انا اول حمل لي وماتفرق عندي بنت والا ولد لاني بجر بس ابي اعرف عشان التجهيز
وانا الحين بالسادس لما كنت بالرابع قالولي ولد ولما سويت سونار بالخامس قالولي يمكن بنت
وبروح دار الشفا بسوي سونار رباعي عشان اخليه ذكرى واكيد راح يبين بنت والا ولد
انشالله اقولوكم

 

[athora]

الغلط مو من الدكاتره انتو شايفين ان السونار مو واضح حيل مثل التلفزيون الله يعين الدكاتره شلون
يميزون

 

[هيونة الصغيرونة]

السلام عليكم الغلط دارج في بنتي قالوا لي بالرابع غنها بنت وبالخامس قالوا ولد بس كانت بالخامس مسكره رجولها فمابينت عدل المهم طلعت بنت بس بحملي هذا كان ووووووواضح حيييييل وثلاث مرات يقولون نفس الجنس..

 

[شمس و قمر]

انا قالولي احتمال ولد


وبعدها قالوا لا يمكن الحبل السري

وقبل كم يوم اكدتلي الدكتوره بنت


عاد كل من سالني قلتله احتمال ولد

وكل الناس الحين علبالهم ولد هههههههههههههههههههه

وشكلي بجهز محايد وارتاح

وردي شكثر عندي من تجهيزاتي لبنتي الصغيرونه

 

[فيروزه]

الغلط مو من الدكاتره انتو شايفين ان السونار مو واضح حيل مثل التلفزيون الله يعين الدكاتره شلون
يميزون

صاجه مادري شلون يشوفون مومبين شي كلش

انا ياشرولي على الشاشه ويقولولي هذا الراس وهذا الايد ..الخ

وانا اقول اي معني مو شايفه شي :eh_s(1):