أخــوي خطبنـــا له وشوفو شنو سـوا ..

[عادت ذكرياتي]

خوفكم يفشلكم ثاني مرة معأهم ويرجع يقول ما ابيها ^-^


عالعموم الله يوفقه يارب

 

[دلوعة أبوهآ]

تفكير أخوكِ جداً غلط ..
يحسب بنات النآس والزواج لعبه ..

بالاول يرفضها وآلحين يبيهآ ...


لآزم يفهم معنى المسؤوليه بعدين يتزوج

 

[BnoGa 911]

مع احترامـي ..أخووچ يآهل !!
وووووويع استغغغفر الله يا ربي شنو البنت لعععبه ..يعني يبيها عشششان شكلها !
صراحـه سووري بس قهرنـي
بسسس لازم آمچ تحححذره و تفهمه شنو اهو بيت و عايله و عيال و زواج ...لأن أحسس حدود عقليته ابيها عشان فيسها أمل منها خلاص في غيرها !!!
و عقبهـآ عاد روحو للبنت و خطبووهـآ مره ثانيه ما فيها شي ...و اذا سألوو عن السبب و هذا أكيدد قولو الولد آستخار مره ثانيه و دعـآ ربه و ارتاح للبنت
و بالنهايه اللي كاتبه الله بيصير ...و سوري اذا جرحتچ بگلامي

 

[ليه الجفآ]

وإذا شافها مرة ثانية وما عجبته .. بيرجع يقول مو هذي البنت اللي في بالي .!؟

والبنت تنجرح مرة ثانية !

ههههههههههههههههههههه تخيلي


الله يسترر عليه والله حيل مزاجي وسطحي
من ناحية انكم تردون تخطبون ترا عادي ... قولو لهم نفس ماقالوا البنات

استخار .. ويومها ماادري شفيه .. واكيد اكل البنت ماراح يكثرون بسؤال اذا يبونكم
اما اذا لا ماراح يتقبلون اي عذر

واذا ماتقبلو طلعو اروحكم وحطوها براسه عشان يتعذب ويتادب والله يمكن يثقل ويعقل



الله يكتب اللي فيه الصالح​

 

[اميره^_^بحلآها]

والله سالفة اخوج تقهر عيب عليه استغفر الله بس
الله يهديه خلي امج ادق ع امها مره ثانيه

 

[جوك احلى جو]

البنات ا9 اللي دش بيتهم وما عجبوه الله يحبهم الريال شكله مومال زواج كلش علي بنات الناس لعبه تمكيجت حبها ماتمكيجت يهدها الريال صاب اهتمامه كله عالمظهر هذا النوع مايعمر باي زيجه الله يهديه لايتزوج بسرعه هالنوع يخوف

 

[اميرة زوجي]

نفس السالفة صارت لصاحبتي راح العريس وقال مؤ عاجبتني
وأهله اعتذرو وبعد سنة رد خطبها وهي وافقت
بس مؤ ضروري البنت توافق
احكو مع أمها انشالله يوافقون

 

[آلمآآآسه]

انا لو مكان البنت بارفضه وبشده بعد

الصراحه اخوج ماعنده سالفه الله يهديه

اخرتها بياخذ اجكر بنت

الله يعينكم عليه ويهديه

 

[لولو8090]

اخوك تفكيرة شاطح والحياة مومظهر بس وصدقيني اذا تفكيره كذا مابيعجبه احدوبيفشل لاني اعرف مثله واجد جلسوا يتشرطون وفي النهايه تزوجوا ردوا يطلقون

 

[the-angel]

أن شاء الله خير

الكلام. لازم يكون بالأول بين ألبنات شوفؤا رأيهم

 

[mona q8]

,


عآدي حيآتي امج ترد تكلم ام البنت مره ثآنيه وتقولها ان اخوج كانت نفسيته تعبآنه وفكر واستخآر ويبي يتقدم لهآ مره ثانيه
وبالمبآرك مقدما

معاها بكل كلمه
وماخاب ظن عبد استخار الله

 

[*الهنوف*]

اخوج جمبازي
عيب عليه قص ويهكم جدام الناس
شيبي غير الاخلاق تلزينه والشكل المقبول

هذا اخوكم بيفشلكم باجر
خلوه اكثر يعص لحمه لان احسه توه صغيره وبس هبع ابي اتزوج
خلوه جم سنه لحد مايكبر عقله

 

[* ليــــدي *]

سوري بس وآضح اخوج طايش وسطحي حيييل
واهل البنت ماظن يرضون قويه بحقهم !

 

[مبسم خجوله]

اخوج قهرني !! يعني بنات النااس مو لعبه 9 مرره يروح لبيوت ويوافق وما يوافق

خل امج تقوله لمن تصير تكانه اخطب لك !!! مع احترامي لكم طبعا بس قراراته هاذي تاثر عليييه مستقبلاً خل امج تعطيه درس عشان ما يعيد هالشي والله يوفقكم ويرزقه بنت الحلال اللي تملي عييينه

 

[ام وريف]

الله يهديه اخوك كلموهم يمكن يوافقون

 

[brettey]

لالالا اخوج كلش مو مال زواج سطحي وااايد همه الجمال قبل الاخلاق
مايعجبه العجب لا يبا باجر ياذي بنت الناس ويلعوزها لا نصيحه لا تزوجونه الا لما يسنع طريقه تفكيره بنات الناس مولعبه

 

[عسل سل]

شي ينرررررفز خلوه عزوبي احسن هههه

 

[ناتشوو]

بنات بس تعليقا ع اللي
يقول
سطحي
وهمه الجمال
فعلا الجمال اول شي ينتبه له الواحد
خاصة في الزواج
اذا شكليا مناسبة
بحثنا في الاخلاق
والشهادة والاصل والفصل
ولو الشكل مو مهم
ليش الاستماته ع العمليات والنفخ والشد والخلطات؟

 

[بنك بااستا]

تصرف اخوج موريال بيتزوج هذه حلوه مره ابيها ولا ترى هذا زواج مولعب وقت مامل منها قطها

 

[* Snow White *]

ترا عيب هاذي بنت ناس ولها كرامتها وكرامتهم مو لعبه ابيها لا مابيها اي ابيها .. لو انا مكانها ماراح اوافق عليه اسمحيلي الكرامه فوق كل شي