أخــوي خطبنـــا له وشوفو شنو سـوا ..

[Om_Ksha]

والله شكله اخوج بوهقكم باجر لي خذاها والوحده مو 24 ساعه تكشخ فلازم يتقبل شكلها بكل الاحوال مو لازم بيرفكت

انا عندي لو اهوا يختارله وحده بمزاجه ابرك بدال لا يفشلكم عند الناس

والله مادري شقولج بس البنات مساكين الله يرزقها باللي يستاهلها ويرزق اخوج باللي يبيه

 

[أحلى الحور]

أن شاء الله خير

الكلام. لازم يكون بالأول بين ألبنات شوفؤا رأيهم

انا مع كلامج

االله اوفقه يارب ويرزقه ببنت الحلال اللي تسعده وترضيه :yaaaaaarb:

 

[وفاء ولين]

اخوك كم عمره
هل الوالده تظغط عليه عشان يتزوج والا هو اللي يبي

 

[رجفة وهم]

أنا أشوف أخوك الله يهداه ويهدا ألجميع تفكيرة سطحي بس يفكر من ناحية الجمال

اول شيء خليه يصلي استخارة و يتأكد من ناحية شعورة اتجاه البنت

ثاني شيء مافيها مشكلة لو تردون تخطبونها مره ثانية قولوا الولد كان تعبان من الشغل ضغط علية

ومااستخار استعجل بقراره والحين استخار ويبيها ويقول ماأبي اتزوج ألا هي

البنات مو لعبة بأيده كل شوي طاق بيوت الناس يتخير

خلوه يجزم على الموضوع ويتاكد لايفكر بقلبه خلي يفكر بعقلة

 

[- One -]

امبيه مو صج اخوج يبيله كفخه على صماخه لوول ..
بس عاد خلي امج تكلم امها وتقولها اللي صار بالتفصيل والصراحه راحه ..
ويااما تصيب ولا تخيب ..
وان شاء الله اهلها يكونون متفهمين وتصير من نصيبه ^.^​

 

[نـــوفـــا]

هههه غريب اخوج .... واضح مو مال زواج ويهمه المظهر الخارجي


البنت بسمعتها واخلاقها ودينها ... الجمال مايطول 30 سنة ويزول با الكثير ....



بعدها يقول مو حلوة ولا دخلت مزاجي ابي وحدة ثانية ...



مو منطق الله يرزق البنت الرجل الصالح الي يقدرها ان شالله ...

 

[اخت خالتهم]

عـادي تصيـر

دقي واتصلـوا قـولـوا والله ولدنـا لمـا قلناله بنخطبلـك
قال انا ابي بنت فـلان و مرتاح لهـا بس مادري شلـون قلت ماكو نصيـب
وللحين في بـالي و ابيهـا
و يقـوولكم ان شـاري بنتكم و بيحطها بعيونه


يعني هالحجـي الحلو

شاريها وبيحطها بعيونـه

والله يرزقـه اياها ان كان يستاهلها او تستاهله

 

[روجَ آحمرَ ..×]

-



انا اقول عادي الموضوع قولوا ل امها استخار بس
عادي لو تدخل البنيه بدون مك اب عشان ماينغش فيها
وبعدين تتوهق المسكينه



بتوفيق

 

[ms_kakawa]

خل يصلي آستخآره وكل شي جآيز ،​

 

[دلع الشمال]

شنو صار على اخوج ياحلوه

 

[srab11]

اخووووج يلعب هذااا هو وجهاااا ? شافها بالافنيووووو وعجبته والبيبيت ماعجبته ليش كانت بالفنيوز ماسكه موكااااا وحبها والبيبت لا ??????قوليله انت مووو مال زواج باجر تقول ماتعحبني شدووو عليه بالكلام شوي خلوووه يحس انه فشلكم
واذا حسيتوووو انه جاااااد هالمره ويبيهااا قولو له ماراح اتشوفها خلاص للعرس وبكيفك اخاف بعد الملجه تشوفه بعد وتهون. والله حرني ?

 

[روز بآريس]

آب......

 

[بولندية]

شصار عليكم ؟ ؟

 

[ديزاينر الكويت]

تري عاديه الحركه حبيبتي مافيها شي انا ريلي او مره قالوا ماكو نصيب لان اختلفنا علي المهر و قالوا ماكو نصيب

و بعد اسبوعين دقوا و اعتذروا و الام قالت اهوو يبيها و شاريه عشان جذي بنرد نخطبها و موافقين

خلي امج ادق و تعتذر و تقول كان يعدل شقته او يجمع المهر تقول اي عذر

و وافقت الحياه قسمه و نصيب

 

[Mesho323]

قهههههههههههههر.....


حرام تحز بخاطر البنت... شافها وقال لا.... يماااااااا قهرررر...

 

[شذى2007]

مممم صراحه صج صعبه بس بما انه مصمم يبيها انا اقوووول ردو اخطبووها له

 

[-تكفيني الذكرى-]

الحين يوم يتشرط عاد اهو حلو ...
عادي مافيها شي ترد امك لهم وتقول استخار وغير رايه يبيها واحنا شارينكم وكذا ...

 

[الغلاااااا]

والله او انا مكانها برفض صراحه

اخوج اهم شي عنده المظهر مع انكم قلتوله عن اخلاقها وسنعها بس مافكر بهالشي بس فكر بشكلها ولما كانت تعبانه ماعجبته ولما كشخة بالافنيوز عجبته!!!!!!


بالله باجر اذا تعبت شوي ولا كانت حامل وتتوحم ولا والده او اي ظرف بيقول بطلقها مو كشخه ماتحط مكياج مو ذربه!!!!


اخوج خل يركد اول ويغض البصر عن الاشكال اللي يشوفها والبنات اللي مهولين بعمارهم وربي بيرزقه انشالله
اما البنت ربي قاسم لها نصيبها مع غير اخوج

 

[بطوووطة$بيضة]

اخوج شكله صغير ومومال زواج نطروا عليه شوي

 

[Mryosh]

حياتي باين على اخوج انه صغير مو مال زواج أنتو عطوه فرصة ينضج وبالنسبة للبنيه قولو له كلمناهم ورفضوا لأني خايفة بعد الزواج يقول ما أعجبتني وراح تطيح براسكم وراس البنيه المسكينه
وسالفة انه يحن على العرس ماطلوا فيه ليما يكبر ويعقل ويعرف شنو زواج ويقدر يشيل مسؤولية مره وعيال
وحياتي ترى الأغلبية من الأهل مرو بهالمشكلة بس احسن شي تطنشون لان كل يوم بيكون له مواصفات ليما ينضج وتالي عاد دورو له ذات الجمال والدين والله يهدية ويوفقة